我剛剛買左一首尾機既遊艇仔
而家計劃我星期二會將隻船由黃金海岸到洗到大潭
我想問有mud 野我要注意呢
路線方面,,,
馬灣航道-->西航道-->東博寮-->赤柱屈返入去
船速方面..係唔係捉得好嚴?因為好容易就超速
thank you!

check好D基本野:

起碼有100ft錨同繩
有乜事起碼吾會周圍漂

偈油,電池,倉底泵......

小心龍山排同赤柱角

千祈吾好送尾浪

小心D網,放定D鋸齒刀上船,留意車頭水温

最好梗有個蛋家仔旁住你啦!

無就起碼有其他船主standby on call

check左機未?

謝謝你
艇就check 左嫁啦 so far 都無mud 問題,,,
多問一句,,送浪尾既意思係唔係避免d 浪係船尾既方向來呢,,,
唔知有冇一d船家或者人可以提供比我?因為如果有mud 野事，叫人拖船都有個準備...

龍山排同赤柱角係唔係好大浪呢?OR 有其他問題?

叉燒兄:
恭喜你咁快成為船主,至於你想由黃金海岸往大譚,路途較遠,必須做好完善的航行計劃:(即開航前準備)
首先計算船隻耗油量,備足超過百份之三十的貯油量,如途中可以加油站的距離耗油等.
預定航線,取出海圖劃出所有危險地區,航道,禁區,同時你隻是小型機動船,必須盡量使用近岸航道行駛,避免影響其他船隻行駛,對本身亦會構成危機.
當有較大型船隻行近你的時侯,應觀察他船翻起船浪對你是否有橘成危險,特別靠近大型船隻航行時出現之船吸及船彈效應,假如浪湧過高時,可以以船頭對浪後減緩車速,待浪湧過後,再依照本身設定航向線行駛.

由於長途行駛,避免機車過高轉速,航行期間密切留意車溫及運水,假如出現不尋常聲響或不穩定轉速,須慢速檢查或停船檢查螺旋槳.
攜帶通訊器材,如手提無線電話,當遇到疑問或需要協助時尋求協助,即如船隻賣家電話號碼等.

路途非真正太遠,好多時都見到小艇行駛,可能你初考到船牌同未試過,不幸我最近入廠小修,否則我可以與你同行.放心吧人此終都有第一次的.大河大道無困難的.航速並沒有甚樣管制,因為航程已進三等區行駛,但你隻船是否可批准行三等區呢,此先至是問題,假如想再安全些,可以考慮航程較遠的封閉海域行駛吧.
但此終都要行經主要航道.橫過前都要評估航道內的大洋船的方位距等,好多時以為足夠時間橫越,但到最後怎樣都是方位不變的,估計大洋船的航速亦相當高的,那麼不應強行橫越.

帶備救生衣或救生水泡,以備不時之需吧,當你行駁時,密切留意海上漂流物,如垃圾等等,任何物件都是避開有著數,容易打倒車業,塞運水,魚網往往跟隨垃圾一起的,帶備一把利刀,有需要時切斷螺旋槳的垃圾,帶備緊急維修工具包是有好無壞的,好啦夜了醫院已關燈,種之一句講完小心駛得萬年船,假如真的有問題,直接聯絡我吧,我應可以幫到你的.
再者完成後請講吓經歷討論吧.
咁你知否怎樣聯絡我嗎,睇睇emial吧

龍山排同赤柱角都系有暗礁

D船尾浪會因淺水效應變高

上年赤柱角即衛星站對出有隻inboard wakeboat插浪攪掂埋

送尾浪代表你係carrier之類大船船尾出wake....係非常高危

因D尾浪會升起你個船尾有機會導致船頭插水

找到一個不錯的video和大家分享，當中講到有很多設備並非政府所規定，但在惡劣的情況下就發揮作用，不仿參考一下。

Heavy Weather Powerboat Handling

佢地都講得十分詳細
最更要小心O的暗礁呀~~~
越冇風冇浪先最危險呀~~~有好多暗礁係冇浪既時侯係咩都睇唔到,反而有O的浪就可以觀察到佢作浪,如果唔多清楚暗礁既位置,就唔好開咁快呀....好危險家!!!
同埋要特別留意某種漁船(雙拖),當有2隻漁船平衡咁前進,睇下佢地既船尾位置有冇一個泡拖住(大約係100 FT左右到啦),係有條繩係水面架,唔知都係十分危險架~~係航道都會有架,因為我見佢地只係見冇大船就會橫過航道,你唔知既話~~行住30,40咪比條繩KICK住,我都不敢想像個後果呀>.<

首先,..多謝大家既幫忙同意見
最後用左個半小時，成功到達目的地今日比預計大煙霞同大浪，好好彩，船反而無想象中多，d turbo jet 真係好鬼快,,,
一日速成左查船同泊位，(之前我未查過嫁，船上又無gps..又無指南針..又無對講機..)真係呢...

anyway ，好似網友話，一次成功唔代表什麼，日後都會小心為上..