考左3次二級船主都肥左呀
成2千蚊考試費.........呀....無晒錢...
請問有咩好辦法....幫下忙

船主死記OK啦過

D人多數死大偈

燈號,旗幟,響號全部都記熟...
考完都好有信心,但都系肥...都唔知咩原因....

反而大偈一次ok.......

你偏偏講少一樣。安全題等於考車牌的大“S”，中了幾個就可以收工。可能係呢個原因。考試制度係要評估你既能力同經驗，並非單靠計分。
試試重溫行船方法，避碰規則，滅火常識，大霧安全等部份吧！

有可能是考试方法的问题。有的时候它的问题是哪个“不是”，而我们很自然的理解为那个“是”。还有时候几个选择都对，但其中一个更加恰当，所以一定要把所有的选项都看清楚，然后再做决定。还有就是安全包括消防，这些方面的问题有的时候就是模棱两可，一定要看清楚再选。个人感觉安全，包括落水救人，划水等，要着重看。如果实在没有办法过的话，去上课应该可以解决问题，它那有很多练习题。我问过一起考试的人，他上过课，他讲基本上所有的题都见过。祝好运。

多謝c兄提點.
btw, 如果唔上堂,有無d模擬試題可以搵到???

AT兄，你問下版主會唔會比你丫？人地D搵食架生黎架，你搵到D舊版本"盞"你又比多次考試費，有時就係輸埋呢D孤寒錢就捨得，比錢上堂就死都唔制。況且上o左堂D試題任做，又有阿Sir比你問，問到佢傻都得，起碼知點解丫。比疊試題，只係死記，人地兜個圈問你，你就企係度o勒，又輸多舖。唉............

呢樣真.....

好似單向入港方向今左紅右綠無絕對

我自己都亂曬....敢講大部份自讀人仕都吾知

我都試過自己已有船牌，走去考底能P牌就比考官放個單一紅泡出黎，考口試推船就衰左一鑊，有牌又點呀！哼！吹咩！重比個官寸一寸添！做足功課至去好的，勿因小失大。其實個牌一的都唔貴，如果你係後生就重底，個牌去到65乜都底喇！

我考船牌前在網上也看過很多資料，聽說自修比較好，因為精讀課程是專為考牌而設，不過最後我還是選擇了報讀課程.

但讀過之後，我感覺自修生成功考到牌，大部分是靠運氣的，點解？因為如果無讀過課程，只靠兩本書或再加其他書參考，有好多重要問題，跟本就唔知亦唔識！到了考的時候就靠運氣，有些試題跟本自己答錯都唔知！

樓上有位師兄講到入港出港方向問題.....左紅右綠無絕對！其實點會無絕對？呢條問題跟本就好簡單，如果自修就真係有可能會唔識，不過報讀課程的話就一定識.

仲有航道標「車泡」問題，不同方向燈號辨認船隻等等........！
如果靠自修.......我自問就無本事學識了！

聽CD加做試題是一套非常有智慧的教學方法！不過可惜那些導師表現實在令人非常失望，無耐性，問多兩句就嫌你煩！好似唔想教的樣子，呢個問題實在令我對他們非常失望！呢個問題並非是我個人感覺，我其他同學亦有同感，搞到我地依家有問題都唔敢問......亦唔想問！

其實我地真係有好多問題想問架！不過算啦！唯有靠自己做多D試題加狂聽CD，希望可以一次過合格啦！小弟新手一名，如有講錯，還望各位多多原諒，謝謝！