遊艇老友交流站

歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。

如需刊登私人買賣租賃廣告,煩請使用免費買賣/租賃專區
亦歡迎電郵本會 info@hkyacht.com.hk 查詢交換買賣廣告專頁費用

遊艇老友交流
Start a New Topic 
Author
Comment
想搵工但唔知去邊度搵?

我好想係呢行發展,已考到船主和大偈牌,我想搵呢行既工可以去邊度搵呀?求求你地幫手

Re: 想搵工但唔知去邊度搵?

自己買隻滑水艇做滑水佬囉。

Re: 想搵工但唔知去邊度搵?

嘩...有D串不過係真!

講真一句....E家D老細邊有撈得掂...抄人就有

滑水佬似係最有機.......

Re: 想搵工但唔知去邊度搵?

基本上你已具備入職條件,可留意報章廣告,從水手做起.
年輕又勤快便很易上位.

Re: 想搵工但唔知去邊度搵?

滑水艇請人..如果系你地會幾錢先會做...2個鍾同全日咩價錢???

Re: 想搵工但唔知去邊度搵?

你最好用返普通六七百D日日揸有經驗

因為帶wakeboard幾講技考去就玩嗰個...無謂博

上次我俾我老友帶....叫住係推水...教左幾次

點知都一係太慢...之後竟然揸到隻艇起水

我就咁中招....

Re: 想搵工但唔知去邊度搵?

....

Re: 想搵工但唔知去邊度搵?

唔該晒各位,但係我未做過,只係考到牌,報紙好少見到有請人,我都有留意有冇請水手,但係我都唔知幾錢個鐘?咁可以點呀?

Re: 想搵工但唔知去邊度搵?

kamkong我係想做,但係我都唔知幾錢個鐘,仲有係邊區返工架?

Re: 想搵工但唔知去邊度搵?

kk請問一隻滑水艇要大約幾錢?咁泊船要大約幾錢一個月?但係我係咪要考埋個滑水教練牌會好啲呀?我已經考埋個救生員希望對係呢行有幫助,但係真係唔知應該點算?真係唔知邊度先會請人喎?我只係想要一份我鍾意既工咋

Re: 想搵工但唔知去邊度搵?

無熟人都幾難入呢行
登報紙見左公
都要過船主佬個關!!

Re: 想搵工但唔知去邊度搵?

100K以下就有一隻ok condition 既outboard

但南區巳經好飽和....你要睇下你可吾可以係西貢大埔區開工

重有冬工係無工開...吾好靠曬wakeboard揾食

另外留意開工船保養繁重...個人要有一定維修技能同自救能力

Re: 想搵工但唔知去邊度搵?咁點算呀?

kk唔該晒你呀,咁即係話我只係可以睇報紙搵工,想買船都冇用啦,因為我想搵一份長工,唔想考完個牌之後都係冇野做,我一心想係呢行發展都咁難,做水手又好渣船又好乜都好啦!但係你地咁講既話,都係冇乜希望架啦

Re: 想搵工但唔知去邊度搵?

真係多謝大家既回覆,我諗我都係冇希望架啦,不過辛辛苦苦考到個牌之後原來都係冇用,好hurt呀,咁我可以做咩工呀?唔通又要諗過其他野做

Re: Re: 想搵工但唔知去邊度搵?

無叫你吾做,經驗可以累積

只係萬事起頭難,應盡可能配合天時地利人和

Re: Re: 想搵工但唔知去邊度搵?

你唔係呀?又懶又無膽。諗著一考到就送份好工比你呀,要自己搵架。經驗係時間累積架,開頭緊係做散仔啦,你考到牌只係比個登記證你入行呀。況且考到都無壞呀,又唔使年年交牌費,用到65歲都重得,考牌費就越黎越貴,越早考越著數啦。而家D後生仔真係質素差,我請水手一定飛呢D先,免得自己嘮氣。

Re: Re: 想搵工但唔知去邊度搵?

如果單憑幾句你就放棄,通常只有幾個原因。
1. 你跟本唔適合呢行,甚至唔適合工作。
2. 你對呢行根本沒有任何認識,甚至唔知遊艇業有乜工作提供。
3. 你身邊沒有遊艇朋友,或者未開始結交遊艇朋友。
4. 你沒有耐性等候,或者認為由低做起不是你成功之道。

如果你今日有在地鐵站取一份免費報紙,就不難看到一篇文章。關於Laughing哥謝天華個人的真實奮鬥經過。
由水上人、boat boy、船家做到魚蛋大王,出租遊艇之父,甚至買賣遊艇的國際公司主席也大有人在。成功在於他們勤力、好學及對人誠實。得到同行及老細欣賞,提攜指路,才有今日成就。買條船自己做個體戶都得,但網絡唔夠一樣死。不如先找份工,邊學邊做啦!

Re: 想搵工但唔知去邊度搵?

如果揸滑水艇有六七百蚊日..我都想楂..吾知有無人請多份散工都好

Re: 想搵工但唔知去邊度搵?

我係指一般6/7百連船連教練嗰D

wakeboard都係安全D好....好睇揸嗰個識吾識就玩嗰個

Re: Re: 想搵工但唔知去邊度搵?

多謝大家既教悔! 其實我發吓勞穌咋,我真係好想做呢行架,但係我一啲遊艇朋友都唔識,我真係唔知點去搵咋,我好勤力架,人工方面唔係問題,我唔識呢行既野,諗住初初入行可以邊學邊做,只係唔知有乜途徑去搵之嘛,睇報紙都唔見有請人,我只係見過天星小輪請人咋,如果我唔係有心想做呢行,我就唔駛考呢個牌啦,我唔係有錢仔,可以考來買自己鍾意既玩具,只係我有得做,我已經好開心,(因為每日都可以做自己鍾意既工作,我諗好多人都想係咁)希望大家幫幫助呀,你地比左好多意見我,都係我都未知邊度可以搵工呀?

Re: Re: 想搵工但唔知去邊度搵?

另外我都想問邊度有散仔做呀?係咪只係可以靠睇報紙搵工架?仲有冇其他方法可以知道邊度請人呀?

Re: 想搵工但唔知去邊度搵?

KK多謝你呀! 我真係唔識呢行既人,所以我先唔知點算咋?而家我只係得個牌,睇報紙又唔見請人?試過上網搵遊艇會有冇請水手都唔見有人登,我都唔知再可以去邊度搵,由乜做起都唔緊要,只係想比心機去邊學邊做咋

Re: Re: 想搵工但唔知去邊度搵?

Kelvin Lo 多謝你! 你講得啱,我真係唔知遊艇業有乜工作?而且我真係一個遊艇朋友都唔識,又唔知要等乜? 我未讀船牌之前,我細心諗過自己想做乜野工,我以前份工係一份好辛苦既工,我都好比心機做,而家我決心做呢行,亦都唔會放棄! 但係唔知點搵先搵到,請問除左睇報紙之外,仲有乜野途徑可以搵到工呀?我之前上網搵過遊艇會都唔見請人?報紙又冇,不如你教吓我啦,我唔會坐係度等份工作,好想搵到,但我識既途徑只係得咁多咋!散仔都好呀?但係我連散仔都唔知係邊度搵呀?

Re: Re: 想搵工但唔知去邊度搵?

不如你開個新post叫見習boatboy,留個contact
講明去西貢大埔定香港仔方便D
人工吾好要...跟人地去釣下魚...幫手入油起下錨,渣下快艇先
自己玩下又好,攞D經驗又好,起碼影到D相俾人睇,實有機會有人醒D零用錢過你...洗下船又得,補下fiber又得,點都學到野
最終自自然然又會識到D老細
趁宜家空閒D走去考埋個潛水O牌,到時見工人地多數係大艇,打到網你都可以一手包辦自然嬴面大好多,又可以試下揾下有無船廠請學師仔,
因為整船好少人入行,要有心理準備好污槽,但學埋整船你D資歷分分鐘勁過D蛋家仔...你可以將興趣投放到專業其實巳經係一大長處!祝你早日成功啦!

Re: Re: 想搵工但唔知去邊度搵?

我有個friend請水手, 或者可以幫到你, 但係佢隻船主要用來潛水, 成日要搬抬拓, 可能都幾辛苦咖, 不個我個friend吾係經常喺香港, 我見到佢幫你提吓喇, 如果佢有意思再聯絡你

Re: Re: 想搵工但唔知去邊度搵?

Edwin
我有個friend請水手, 或者可以幫到你, 但係佢隻船主要用來潛水, 成日要搬抬拓, 可能都幾辛苦咖, 不個我個friend吾係經常喺香港, 我見到佢幫你提吓喇, 如果佢有意思再聯絡你

潛水船多數車到好出+可能打埋魚添!!
風浪+處理魚獲要有心理準備

Re: Re: 想搵工但唔知去邊度搵?

8888 / Edwin : 好呀,真係唔該晒! 我駛唔駛留個電話比你呀?你比個email我呀,我留比你呀,但係我呢幾日唔係香港,27號先返嚟!你個朋友隻船係邊區架?

Re: 想搵工但唔知去邊度搵?

想請人揸船&水手,有興趣請致電給我 91678255 恆

Re: 想搵工但唔知去邊度搵?

你好!我想問你而家入到行未?因為我都想做呢行但冇途徑!冇耐之前上網搵工見到呢個網站,雖然係好耐之前,但都想請教下!