我想問問以下情況下,船公司有冇責任賠償乘客之財物損失??

航行時,因要避讓大貸船而減速和改變航向,但避讓後沒有理會大貨船之船尾浪便立即加速和轉向回正常航向,結果轉向令船傾側(右舷與水平面距離減小)和令船尾擺向船尾浪(可以話因轉向而令大浪與船身右舷正面相撞),引致大浪橫掃進入右舷下層乘客位置,令乘客由頭到腳全濕透,電話損壞...

唔識喎.. 但我個人覺得如果因為安全避讓都要賠錢. 咁船公司唔洗做啦!
坐快艇都會打浪上o黎啦.. 咁又入船主數??
船主渣得唔好搞到暈船浪都要賠啦.. 賠返醫藥費...!

所以我諗要船公司賠償就好似唔合理, 想要賠番部電話.. 就睇你自己有冇為你o既財物買意外保險la..

以上全為個人意見!

我都明安全避讓係固然重要,但係當避讓後船長見到好大既船尾浪時,係唔係要用較安全既做法避浪後(先車頂頭過浪,待船尾浪過後先至轉回正常航向),個船長既做法比我個感覺係-我隻船有成60m-70m咁大,都唔洗理會個浪...先至令這次事故出現...
講真個句,我由12ft船玩到23ft船,玩左咁耐都從來未有成個船尾浪照頭淋,23ft快艇車6-7風浪都唔會成個浪照頭淋啦!比風吹上艇個o的濕就真係冇得避...
我可以話日日比錢坐船返工放工,今次冇人受傷就好o的,假若下次有個呀婆行緊去洗手間,比個理應可以避免既船尾浪掃到佢仆傷左咁你點算呀...>.<
而我最唔開心既係船公司所回覆既信件,竟然係話船長於避讓過程中從來沒有改變航向,同埋係等待大浪過後先至加速繼續航程.你話咁既答覆算唔算係不負責任...咁小既責任都唔敢講出真相同承擔~咁下次有大件事咪....
p.s.只是想大家討論下~~比下意見!!thx

其實意外既解釋係意料之外,不能避免..
咁你話船尾浪既出現是否意料之外...