遊艇老友交流站
歡迎閣下在此分享任何與遊艇活動有關的項目，包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關，而且禁止含有不雅、誹謗、誤導及商業推銷成份。所有言論內容，本會絕不負責，並且有權隨時刪除而不作任何通知。
如需刊登私人買賣租賃廣告，煩請使用免費買賣/租賃專區
亦歡迎電郵本會 info@hkyacht.com.hk 查詢交換買賣廣告專頁費用
因工作關係,之前自己隻水電積死左無理
今日都係因之前工作時間太長太亂,好眼瞓但又瞓吾到
諗諗下好好天氣不如去整下野
揸隻船去到個灘仔..整野過程順利
但副偈抬極都吾出...水電係煩但之前又抬過出到架喎
不知不覺天色巳暗,一睇錶試左成個幾鍾!自知冬天黑得好快
諗落自己精神不足可能係原因,改日瞓飽再試!
急急腳執工具,盖帆布走人...突然好大風,帆布盖極都吾得,覺得寒寒地,大家同我諗法應該一樣,超!今日掛黑球梗係大風!
落船嗰時本水深一尺,走時水漲變三尺...但一定要揸船走
無法,濕曬!
我同好多玩水人兄一樣,鍾意人字拖
臨上船爬梯一刻,肯定好多人估到...無用脚指公夾實,浮走左一隻
例牌會浮返上黎架喎
但無喎!? ,繞船一周,繞船兩周
都無!算!越揾個人越寒,走!上左船,睇下周圍啦,宜?又有返
快快手攞撈基,講梗5秒以內望返原本方向,又無左!
可能俾D風吹埋左,揸埋D睇睇,一不為意..差D連船帶人搶左灘
唉!百令蚊我豪俾個海...搶左灘就吾方走到!....今日感覺真係好怪!
快閃為妙!想走....又打到繩..解左就又TAKE 2!你老x..好似俾野"留"咁!搞黎搞去,成半個鍾先出到個沙灘...重要係沙灘仔......
下集再續...瞓下先!
寫埋下集先:
返到泊位埋到個泡...梗係123澎澎聲挷繩
之後鎖好wire時據然跌左條匙落水
巳經天黑曬,但第ニ日要用船,又要返工無時間換匙膽
無偈潛水揾,好彩有電筒同三寶,D水又吾係凍
但好濁....一尺能見度
潛左十分鍾就揾到,但同時發現有個女公仔頭
擰埋一邊再望返又係度...心諗係個公仔無理由得個頭
撞鬼就要攞我命一早攞左
之後上返船當無事...返到屋企漸漸無再諗起單野
過幾日睇新聞,附近山坡發現一女子上吊自殺,相當長時間始被發現
巳嚴重腐爛跌下,身首異處...........................
