請問各師兄polyester gelcoat 中文名,用在玻璃纖维模,可以在那處買到,謝

中文名唔洗識啦, 你叫gel coat ok 啦, 識就識, 唔識的話講中文都唔會明,西貢利記有得買,約$800一筒, 再加色張約$100, 再加吹乾, 但你想點用, 磨得靚要好多時間!你要少少的話買一筒就無謂,唔多的話我可以比d你,大工程的話就要三思!

唔該哂, 原來師兄都係纖维高手. 不過HK$800都幾貴,如果要做D靚野至用佢. 這次是粗野冇謂用咁貴.有人話用保鲜纸都得,行唔行得通？
謝

唔多明你想做D 乜, 修補用or 自己倒模整舊野? 無聽過用保鮮紙喎......纖維膠水搽落保鮮紙度,應該會溶
gelcoat 好處係滑同夠硬,無咁易撞花,舊左磨一磨佢又變返新一樣, 如果整粗野油纖維油無咁煩,又好磨,不過易花, 睇你自己要求

謝謝你的意見,本身我想齊8個生倉口和倉蓋,已用木板做咗個模,只是拍纖维黐住套模,睇youtube就教用gelcoat,不過咁就貴,我都諗過用纖維油,唔知得唔得,如果纖維油nut咗最多再油返,有乜好題議? 謝謝專家

師兄

這種係咪即係面膠呀?

係!即係膠面

咁你就將套模油D纖維油落去,磨返滑,每次落纖維之前打一次車用果D防水腊落去, 咁就唔會痴住, 跟住件成品就係咁易用原子灰補返D 汽孔位,油纖維油OK 啦! 想再滑D,就用#280>#600>#1000 磨返平D 油痕,跟住打腊,靚晒!

師兄

你係咪做玻璃纖維呀?留個e-mil比我可以嗎

我唔係做呢行,只係鐘意自己整船,d 手作仔野,其實唔難,上網大把資料,你有咩要整,如果你都泊响西貢我都可以過去望一望

師兄... 面膠 並不同如 gel coat. 面膠平好多，硬度同密度都唔及gel coat. 面膠只係用o黎做模型...

師兄

做遊艇時,先油上去後落纖维那層是什麼物料?請拍教

果d 咪係gelcoat lor..... 係要問中文就唔識答你, 台灣人叫"膠衣" 我諗唔到有咩比叫"膠"貼切,當然你識化學品名詞另當別論.
http://en.wikipedia.org/wiki/Gelcoat
http://www.youtube.com/watch?v=3nFriw_FDVI

師兄,唔該晒,資料好有用,又專業,謝謝

boat 師兄
經過一翻study 之後 外國用gel coat 在船身,而香港就用纖維油.你專業意見gel coat vs 纖維油.如果耐用性高可能用gelcoat油船身唔再用纖維油,你意見呢?

我會覺得要睇返你隻艇本身係用gelcoat 定係纖維油,如果你果隻本身係靚船又係gelcoat面,緊係用返gelcoat 會靚d.
但係我覺得你用纖維油已經ok,因為gelcoat 唔係咁易用,佢特性太快乾.好難控制, 要好有心機先攪得掂.
兩樣最終效果(視覺)我覺得差唔多,但係纖維油真係好易花,成日要補油.但係容易補返靚. 但最終我會建議用纖維油好d!

多謝師兄寶貴意見

Gelcoat chinese name is "膠衣"