大家好!
請問如果買一隻遊艇當屋住(一個人住),1手同2手最平要幾錢?
水電係咪可以接駁岸上的?接駁上岸水電費又會點計?
我知道一般都會綁在岸上,但如果唔入會泊位我可以選擇邊度?
一年保養費又係幾多(1手同2手)?
打風會唔會搖得好犀利?

唔好意思,我係行外人所以問題多多,希望有人可以解答我 OTL

視乎幾大隻同年份,新船幾百至幾千萬,二手2,3十萬都有.

水電這个問題不容易解决,如果可以接駁水電,大把人已上船往.一般人好難.

唔入會好難有水電供應,如果只是泊船就好多地方有泡可以租用.

保養費新船乜都新就唔駛咁多,2手就視乎壞乜就整乜冇數圍,不過基本每年上排油船底油要5-7千.

唔入會,打風就渣去被風塘,都不是一定安全,要訓船往

多謝解答!
另外想問如果遊艇保養得好,最長壽命有幾耐?

船的壽命可以好耐50/60年代的船still working, 纤维船就少Ｄ船身問題,只是船越舊,维修越多,值唔值咁解.

要視乎你住乜嘢船，要幾大。如果係30零呎嘅遊艇，即使係新嘅，100至200萬之間都可以有交易。

至於攞水電，當然係遊艇會方便啦，但要入會費，而且據我所知有啲遊艇會係唔准係船度過夜嘅，長住就更加唔得啦。

係外國，住係船上會係一流享受，因為佢地地方又大又靚，遊艇設施普及同方便，但係香港，呢方面嘅基建差，一般人要住係水上就可能係住係避風塘，要忍受啲舢舨仔同爛臭船尾機嘅廢氣，啲水又污糟，一啲都唔寫意。

香港政府只鐘意偏幫啲極有錢嘅人，因此較為大眾化少少嘅層次就一於少理，任由泊位短缺。

可去屯門黄金海岸或愉景灣遊艇會
百佳超市內壁報板會有住家船及船位出讓