睇左兩隻船, 一隻係n 年前海事處收返離0既船, 應該係80年代0既. 之後refitted, 2008年再從新出牌, 請問個牌上面會唔會有寫明幾時第一次出牌0既呢？定係由2008年開始計？隻船入面整得好靚, 個engine 又好乾淨, 真係好鍾意, 不過asking 90幾萬, 係咪貴呢？(只係一隻香港製造0既46ft grp).
個engine除左乾淨之外, 仲可以有幾多年壽命？

第二隻係同一牌子, 42ft, 1989年, 不過就冇執過, asking 30幾萬, 如果要refit同埋搵人清潔個engine要幾多錢度呢？又或者有冇可能可以換個新engine 架？

請大家指教.

第一隻
1.回收後第一次出遊樂船牌起計.
2.90幾萬,千金難買心頭好!!有心就同個賣家傾下,叫佢平多o的多o的多o的。
3.Engine乾淨只係掩眼法，要著過先知好定唔好。但一般diesel engine,有保養及翻新二三十年都冇問題。我隻船個部用左三十幾年!!

第二隻
1.Refit有平有貴.. 要睇你要幾豪華。
2.Engine都係個句,你要著車試過先知。

要睇翻新嘅程度，一般超過廿年船底纖維層老化滲水起泡，開始倒數，所以香港的領航公司廿年船新新淨就監平監賤責，上嗰批責十鬆萬一隻。我都有睇過另外一啲政府退役財利，上架最大問題係換窗，機器不會太麻煩。要九十幾萬除非已全面翻新包括電線和船底，否則市場上有廿年以內的可選擇，另注意主機馬力，再部三百幾加埋成七百馬力每轉玩嘅油費唔係少嘢架！香港遊艇係最早打入世界嘅工業消費品，財利帆船在美國係頂級牌子，Island Gypsy係trawler嘅經典名牌，可惜都遷離香港。最近我平平地買咗隻三十年嘅Island Gypsy結果船底都係要刨哂重鋪，好彩珠海船廠係老友嚟，如果响香港整我驚大修三十皮都埋唔到單。

多謝兩位意見. 第二隻已經賣左, 冇得諗.

sampan 兄, 你好似知我講緊既就係財利咁0既？！
隻船果d 窗應該係新0既, 個船底就唔知, 點樣先可以知係新定舊？個broker都未必會講真俾我聽, engine 就係250hp volvo penta marine diesel, 係咪真係要0係外國先可以訂到零件呢？隻船係80's, 真實年齡都3x 歲喇喎, 係咪好快會冇命呢. 如果冇命0既時候, 可以點做
你買果隻island gypsy幾多呎？有冇相可以睇下？
咁好你有friend開船廠, 你係咪自己開隻船過去？？

買船睇底是必需程序，除觀察有冇大炒過之外，車葉、尾軸支架和舵板都要睇清楚狀態，整呢啲嘢係要萬萬聲架！另外船齡超過二十年織維入水起泡是難免的，找螺絲批尾敲船底响啞聲的就有問題，起泡地方裏面藏水，一般維修磨掉表面再用gelcoat線返就可以，但如果太多就要成幅起底，是費用問題，而香港排租人工貴，底未乾透就整效果就冇咁好，你唔理都用得，但水滲得太多太入就會霉就難補救。最好找有經驗者敲吓壓價易好多。有兩大機種咪推GM同年份高嘅VOLOVE，GM冇人整耗油勁，富豪parts難配又貴，十年內新機又唔同，問題係隻船先前係遊艇定工作船，咪數大就要吓，揾個有經驗大偈佬行一轉都可知道大概。一般呢類財利要換机會換兩部吉拿B仔翻新巴士機，馬力減低一百匹行慢啲慳油好多，如果波箱用得翻十鬆萬就搞掂。開去大陸整好簡單，海事處入境處填表就走得返嚟一樣，對面手續交俾船厰搞，但一般係大修先會過去，報關燈油火蠟坐底一萬幾仟。唔係話阻人米路，一般呢類舊船收翻嚟十零，水面以上翻新二十左近，机電如非大修四五個已經可以執翻靚，內部裝修和水底嘢可大可少俾唔到意見。玩遊艇最緊要知道自己玩法和需要，會同乜人幾多人玩，計油費保養泊請人皮費，揾有經驗人俾意見。問我最俾多三五十個揾隻十鬆年美國艇肯定安心好多。

我唔係好prq，祇係細細個十一二歲揸兩匹半seagull仔船尾機一直都放唔低玩船，可能係遺傳水佬血液，而家都係做水上運輸生意。後生仔峙貪威貪快水上活動玩快艇開始大小馬力船尾機inout油渣機，木船西式纖維美國艇土炮登件セ都玩過，係唔識風帆，結論係船尾机打理最少，但係一定要擺岸。木船已被淘汰本地冇人維修，以前屋企人玩過兩隻，雖然冇西式咁威咁快，但係講實用面積舒適度牲價比始終係最高。你所提嘅台灣牌子發展至九十年代後期已幾唔錯，我幾時都唔建議買太舊嘅船，纖維船約十年就最好，比新船平成半，又可玩十年先大修，還是一句玩船先看自己需要，除經濟能力外，係要嚟招呼朋友傾生意，後生活力玩水上活動，定係有老有嫩休閒遊船河食海鮮？玩嘅區域都有分別，西貢同港島南風浪唔同，抗浪性都要考慮，自己坃船是否大癮呢，有冇人肯陪你玩呢？好多有餞徒幾仟萬買十幾萬皮費一個月隨時一年用唔到十次！浪費船嘅生命青春，其實一般人最好係夾份玩，机器愈用得少愈易壞。我而家隻快艇一個月出兩次，只係一個人出海run吓部机，老婆怕曬，阿仔伯快，所以先翻家庭船，一部百二匹ford一個鐘油錢一舊水左右，三十呎船自己搞掂唔使請人，閒開去深水灣拋錨，游水、釣魚、睇書曬太陽，煮晚餐過夜都得，李超人都係咁環境咋！

"老婆怕曬，阿仔伯快" <----Like 押韻.

十分認同sampan兄所講, 新手最好買纖維唔好買木船, 貴小小都係禁話 ... 睇船底是係好重要架, 否則你只會買個問題番黎唔係享受係難受, 美國艇又確係另人安心好多。Engine分面, 好似Fai 兄所講, 二三十年都冇問題, 試過先知, 搵多一兩個有識之仕一齊睇包無衰。慢慢睇下啦

我都好明白你的感受, 我都有兩隻艇, 而我自小都在住家艇上長大, 但己上岸多年, 至今都好懷緬艇上的生活. 記得細個時我同細佬和表弟試過由香港仔搖櫓到南Y島深灣釣魚, 隻艇又舊又爛, 當到達目的地時被水警發現,訓話一餐即時被拖回香港仔, 多番懇求都没有作用, 現在回想都感心寒, 水警都只是為我們安全着想. 其實本人較喜歡木船, 因為可以自行維修,享受過中的成功和滿足感. 不過香港材料很難找, 有都很貴.有時間打理的話木船都ok的.本人現有兩隻都是纖維艇只係因為工作關係没多時間打理, 纖維比較適合啫. 以前數隻都是木艇比較實用, 而且童年時都是住在木艇較有感情^^ 現今柴油機引擎馬力巳經好大了, 回想我祖父的漁船都只是'吉拿'三個盆就出海作業了...其實柴油機十多二十年機齡都没問題, 只是視乎使用和保養, 要經常開動較長期擱置為好, 本人玩船己二十多年,應為'吉拿'都是不錯的選擇, 因為枕力和耐力都很好, 零件易配, 只是較嘈!因我怕嘈, 我一隻用'康明斯'一隻用電油引擎'莊臣'150匹, 不過而家油價好貴呀!!!希望可以回落下就好了.能夠在此与船隻愛好者交流一下心得都好開心, 希望大家都出海順利,機器引擎聴聴話話好駛好用, 玩得開心^^

上星期睇arm 左一隻, 俾人截左, 快我一步, 隻船賣左好耐, 我唔睇人地唔睇, 一睇就同時出offer 我又唔知, 我個broker 又唔覆我, 我唔打去問佢都唔知, 點解我咁唔好彩
俾返隻船我呀！！！

咩船呀，可否講下？？

我都有隻船放，有興趣既話俾你個contact or e-mail 去我個e-mail啦！

師兄、蔡翁失馬，焉知非福，凡事莫強求，你有$$$$$$，買部更加靚既番黎，幫佢繡朵花上去頌得喇！