歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。
如需刊登私人買賣租賃廣告,煩請使用免費買賣/租賃專區亦歡迎電郵本會 info@hkyacht.com.hk 查詢交換買賣廣告專頁費用
小弟部二沖黑機撻唔著,撻車既時候發出 嗶嗶嗶....既聲,但係冇撻車聲,已經換左新電池,請問各位師兄知唔知發生咩事,有冇咩方法可以試下整下,因為我只得星期六,日得閒,D師傅又唔得閒,而家都唔知點算,請幫幫忙......十萬個唔該
你集船什麼地方
先檢查電池頭,清潔及收緊,電池要確定有足夠電力,如情況一樣的話! 1.索制有問題﹒ 2.士撻有問題﹒ 咁就要溫師父勒!
我泊係榕樹澳,今日試過再撻,有一兩下撻車聲,之後又唔得啦,唉..........D師傅真係難請=.=
SIMON兄,士撻同電池應該冇問題,舊電係新的,我都想搵師傅,不過D師傅個個都話唔得閒果下死呢=.=
kenji兄, 比多o的資料o黎先得架!! 黑機幾多匹呀?? 唔著時又係咩情況呀??嗶嗶聲係邊發出o黎? alarm個種嗶嗶定?? starter轉動時有否帶動飛輪轉動?? 有轉的話聽唔聽到爆炸聲??
Tony兄,副機係140匹2冲(非環保),嗶嗶聲係插鎖匙果度發出,由於小弟未聽過alarm係點響所以形容唔到,飛輪冇轉動
著左alarm喎 睇下係左油隔有水/無偈油
62428636維修ok他叫肥仔
kenji兄,似乎你都好新手喎。隻船係咪你第一次買番o黎第一次著車呢? 不過初步o黎睇有幾樣o野。插匙擰一格,一般outboard基本會同你check下o的sensor.. 水溫,偈油,轉數過高呢幾樣. 而你一開車就alarm不停響,好大機會係偈油箱偈油唔夠。試下補充返佢先。 另外你擰匙starter都唔識轉,第一樣係要你將控制扞回中檔/"N"波/空檔,解除保護系統先得o既。試試先.. 唔得o既話就留個e-mail或者電話直接解答,睇下幫唔幫到你。