歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。
如需刊登私人買賣租賃廣告,煩請使用免費買賣/租賃專區亦歡迎電郵本會 info@hkyacht.com.hk 查詢交換買賣廣告專頁費用
其實我睇返, 呢個應該已經系香港比多人討論艇友的討論區, 雖然好似玩船的人多了, 但交流的人反而好似少了, 大部份都是一些新手問題, 其他CHING 可能比較忙而做吾到大家的明燈(當然而家比到意見的CHING 已經非常好, 但討論區應該總是越多人越好吧), 當然大家都系為興趣, 有不同的事要忙, 但而家真系有d可惜, 一頁頁睇返以前文章, 真系學到好多嘢, 好希望之後都可以有以前的氣氛, 希望網主及以前的 CHING 有時間可以出現下, 比d意見大家, 希望大家一齊去推動呢個活動!!!! 謝謝
其實樓主的說話也道出了一些人的想法。 現時,這個論壇大部分的討論也只限於機器維修的層面。 說到航海知識、經驗和熱忱,MKC是首屈一指的,很能夠支撐大局,可惜他已經仙遊了。 在這個論壇另一個令我印象深刻和懷念的人,是一位叫做Hong的仁兄,我和他不曾見面,但他有很強的表達慾,勤密地以直率有趣的文筆把自已玩船的經歷在這裏坦誠和大家分享,很能夠帶出出海遊玩的趣味,不過,不知為何後來卻銷聲匿跡了,可能是一如很多男人,被老婆趕走了二奶。 其實,這個俱樂部、網主和網頁似乎也是處於冬眠狀態,已經沒有甚麼活動和更新了,也沒有實質的平台讓大家親身接觸,僅餘下這片網上的大笪地供有心人交流意見。
呢個平枱勁開放... 冇會員基制,咩人都可以留言.. 但好多時有不負責任,惡意挑釁的言論。一個名幾百人用.. 跟本唔知邊真邊個假,令人豪冇歸屬感.版主管理好重要!! 你想要討論航海知識... 想問你又有咩知識想討論?你有冇咩技術可以分亨... 又有咩經驗分亨呢?
其實會員與否各有好處(不過我都同意註冊好),我反而覺得最重要系有人帶頭作用同適當時主持下,MKC 真系有料又有品,不過其實之前真系有好多師兄
各位師兄出現下啦
我絕對唔係經驗豐富,好多野都係碰過釘俾人搵過唔少笨咁樣慢慢累積番嚟,我都係十分鐘意玩船,如果大家志同道合,可以多些分享甚至聚會就好喇。
聚會試過搞啦(自發個隻,不是版主發起的).不過冇人有反應.
Tony兄又唔使灰心嘅,可能大家冇留意啫,趁現在天氣開始穩定,又可以嚐試再次搞吓吖
多d人出現已經系第一步
如果大家都會開船都已經係一個目的,只不過大家因為唔認識所以就算泊喺隔離都未必會打招呼,如果大家都係對船同海有興趣既同好,可以相約到某地點就算只係吹吓水,自然會有共同話題,慢慢就會熟落,甚至可能成為朋友添。唔一定要有特定目的或者價值嘅。
其實都冇乜所謂,返正假期都會揸隻船出去搵過內灣位hea吓釣吓魚,如果有興趣咪泊埋嚟吹吓水囉,又唔係要好熱鬧嘅,返正由零開始,如果有一個響應都已經成功左啦。
各位師兄, 如果有方案, 小弟都願意參加 如果開船, 我覺得最大問題係地點/地區, 有些師兄泊東, 有些泊西, 會唔會好用油? 直覺好似行唔通.
睇住呢道咁多年都冇進步,發起人仲話 : 本會於二千年成立,在香港已有多年歷史。本會成立宗旨是推動香港遊艇活動,將被認為是富豪享受的遊艇活動概念從新定位,以滿足一般人士對此活動的各項需求。使遊艇活動能夠發揚光大!!!!!!!! 我真係想問版主推動過D咩?? 唉... 網友們靠你地la.... n
不過網主都已經有好大貢獻, set 呢個討論區都總有成本, 可能大家各有各忙, 我地自己努力吧
Tom兄言之有理!!(可能當年網都係咁o既原因搞左呢個會,不過最終都係為左搵食,推動唔到落去) 咁我地下一步可以點做? 首先希望其他有志師兄願意加入呢個小組織.然後一起討論, 搞番o的有目的, 對呢面有幫助o既活動, 行動, 計劃!!
我覺得應該多d人氣,而且要有一d有料及有心攪的人行出來,好似以前的網主或mkc等都有條件,不過而家情況吾同,各Ching 請現身啦
由於小弟離開香港,久未露面,令網友失望,深表歉意。前資深網友MKC曾經向小弟建議,真理須由網友共同討論出來的,單靠兩、三位資深網友,不停地解答網友問題,並非最佳做法。始終每人的經歷都不同,且有主觀意見,即使建議合情合理,亦未必迎合每位網友需要。自由討論、、自組活動、任由發揮、彼此尊重,才可發揚此網的最佳功能。 一山還有一山高,一代新人勝舊人。相信早期的中堅份子,雖然久未露面出文,但正如本人一樣,亦時刻在背後監察討論情況,因為這班老朋友,會向我舉報誰人濫發文章,誰人濫法廣告。因此,雖然他們沒有出文,但亦有觀賞大家的精彩文章。 蛇無頭不行,但自由更可貴。願大家繼續支持,享受討論樂趣!
始終有個主持會好的
攪活動好呀。不如去我魚排攪。又想色下電工,又色下玻璃纖維。大家交流下,黎黎黎。糸攪吾洗怕,今日1/2個去,過一排可能幾10幾20人去
停咗幾年無玩船,返黎睇咗兩日,睇到呢篇文章,先知MKC仙遊,Hong隱退,覺得非常可惜!佢地兩位的確喺呢度分享咗好多經驗同知識,當年有d問題,都係佢地教識我點解決,知道佢地嘅離去,好婉惜! 希望再有多d有識之仕再次將呢個討論區激發起黎!
現時都幾多新手想買船玩水,我都招呼過吾少的,但限於泊位問題,客仔改玩水上電單車或吾玩.... 泊位費及雜費高,係香港嘜都貴,人手要多,服務要好,租金不平,廠內,浮橋維修又多,無辨法一定要加架啦......
如果分享玩船經驗和心得,有玩船問題唔明白可以請教師兄,例如我上次有泊船問題提出已經有師兄回應我們問題和給意見我参考,我本人遊艇會籍想轉讓有人介紹和給意見我們,遊艇老友交流站係好我一定支持。
我是新牌的現在玩緊水上電單車,因為方便,價錢平,不過修理我覺得都幾貴,一次換油,加風格油格火咀都要2000,得1500cc,三個cylinder,成日想玩下快艇不過最近問過岸位要250呎月租 所以打焼了玩快艇的意欲,