各位師兄你們好!小弟有個問題想找各師兄出手救助。我是一名對機械常識沒太多認知的新手駕駛，近日買入一部連二衝黑機60仔的小艇，但整裝後經常發現熱車後無法再撻著，每次也要拆出火咀抹乾及吹凍才可撻著車頭，請問各師兄火咀沾了很多電油，這是甚麼部件出現問題?是否嚴重和需要很貴的維修費用?

你換晒D火咀先啦

換晒都係唔得，搵過其他船家睇過，應該係個"Cup"塞咗，因冇油到，火咀個位冇電油到撻唔起部機，要洗"Cup"，請問師兄，洗"Cup"要幾$?

你第一個post話火咀濕要吹乾，第二個post話冇油到？火咀如果唔得你跟本無法著第一次机而有行行下死火，如果係真係有讀書去考牌冇理由唔知火咀濕係係俾住大油撻車冚熄火咀喎？再撻祇要收哂油黎撻，試吓撻多幾著次唔著，唔著裏面多餘嘅電油亦會揮發咗，你先俾細油開風門再撻，記住一著就要閂風門呀！唸ＡＢＣＤ考咗牌都累死人！

可能我內容太過簡述令到師兄有點誤解，其實隻船只買了幾日，試船當日係著住機，感覺上冇問題識行識走。但幾日後自己幾經辛苦找人協助才撻到第一次，試完之後熄機想再撻但撻極唔起，自不然在自己認知地方落手試，火咀係當日檢查時係好濕，而在抺乾後裝回係著到機。但三幾日後再撻又唔得，於是換了三支新火咀試，但都係唔得，在旁船的船家見我攪足成個鐘都著唔到機，於是出手協助，佢拆幾支剛裝上去的火咀檢查，他指火咀位置冇油到，最後佢都攪咗十幾分鐘，但我唔知佢較過咩嘢，跟住就著到機。佢曾解釋過，但一系列的機件名稱對一個冇機械常識嘅我，要記得晒係有點困難，我只係記得佢講過個＂cup＂要洗，上唔到油，就算谷到上去都唔順，叫我揸去比人整，佢話有限錢。
所以我想問問洗cup要幾錢，免得大大步行入船廠，大大刀比人劏，再者，每個人有限錢嘅詮釋都唔同，當日出手相助的好船家係玩緊隻60幾呎嘅大船，＂有限＂呢個詞語解釋係可以好闊。
喺呢到我都要多謝當日出手相助的船家，佢真係好好人！

你話個cup即係級fit打，carburettor
化油器，識用螺絲批自己都拆到用電油洗，最好油喉都檢查埋通通佢。怕啲机佬屈，叫啲玩開電單車、整電單車嘅佢哋都識，岸上整二衝電單車嘅平過整二衝船尾机好多好多。

收到晒！唔該師兄！

師兄想問吓你個油缸個入氣閥有無鬆開？如果個油缸完全密封下會出唔到油喎....

講真，我對呢副機器真係冇認識，至於入氣筏我要了解一吓個部件喺邊個位，再深層次有冇打開更摸不著頭腦，我上面所提及到個"cup"嘅問題，我都係聽完人講，我用文字寫出的，有些$係要比人賺，只不過唔想比人呃得咁盡啫。

師兄,不單是你有這些問題,差不多所有師兄開始時都交不少學費.整好這个問題,下次又有新的.似乎這放面要惡補一吓,上youtube D外國人好鍾意教你整,不過冇經驗唔好自己來.睇完當學野,最少人哋講乜都知,係唔識做.之前,師兄方法是基於冇見過部機,只是睇你陳述當時情形作出推測方法.
可能,你會有点冇耐,我们每以講一個方法(幾句話),你就用成个鐘去試,都冇整好.師兄,因為你對engine 認識不多. 如果你真係想整好佢,不如問吓各師兄介绍个實際D帥父整好佢.這就是"錢係要比人賺，只不過唔想比人呃得咁盡啫."
多謝賜教

唔該晒師兄，幾經努力洗完"Cup"，清理埋電油格，的而且確撻得爽咗，行起上嚟都感覺好力咗。
但一名新仔又點會得一個問題，希望各師兄繼續出手協助我呢名又窮又想玩嘅小船主。
最新問題係，整完喇，撻到，但有時行完車要撻三至四次先會著，有時就凍車頭一吓就著，請問個係咩原理?
另外係有時撻唔到，又或者剛撻著與唔著之間要拉起風chok，還要拉到好盡先可以維持引擎運轉不死火，是不是個引擎轉數不足?抑或係火咀線的問題?因我見條火咀線個接駁火咀位置有點發霉。有勞各師兄多多提點!

Raymond兄:慢慢呢,部車玩多己個月,你就知點玩,部車係你自己,文字上好難堤點,做維修要眼看,耳聽都好重要.........

Tony師兄，好詳細，又了解多個部件運作原理，稍後試完話你知。

http://tw.myblog.yahoo.com/kenny196-fishing/article?mid=974&prev=1006&next=-1專講黑機維修保養及對其它牌子比較。

各師兄:
現在最大的問題如下
"渣"實個漲油泵都不是次次可能點到火..可能點10次未必一次得
按動2下匙先點火
搓,漲波仔.張油缸內氣油攪動
拉風chok..
換火咀..都可以唔得
有時一點就著..所以..摸不著頭腦

如可以著機後.5000轉或以上.的確有點速度..但行順一段..會有似"嫁蘭"...的響聲..引起極度不安
我見淘寶$1200人仔..就有部國產3.5匹..扭扭機..攞嚟救命.有著數嗎?
因為叫一次救命."拖艇".應該同$1200人仔相差不遠

升機之後..3個cup杯底.有漏油情況

1200人仔國產3.5匹~"扭扭機"
響聲之大..容易壞..冇配件..呢樣我已接受
但用到2次..什至一次..係我心目中.已回本有餘.再加上如在泊碼頭方面幫到手..1200人仔直情"超值"

http://item.taobao.com/item.htm?id=4833005354

你部車玩左幾耐呀?

買入大約1個月,由對面海到橋咀邊皮x2
對面海避風塘轉個圈x3
只著機而冇行,約20次

全新引擎?咩牌子?幾大馬力呀?

舊機，M字頭嗰隻，60匹。

黑機60匹.年份不明..但肯定唔新..打開蓋.有很多"土炮式"維修..但不是說土炮式.是下等維修技術...
只是這樣說,大家就會知道打開個蓋..不懂機器的人,會更頭痛..