各位師兄有冇在大陸找到以上配件,因為想改装隻30尺船為內燃機,找到engine, gearbox,但之後配件就難找到.船engine 在50hp以下,基於用小渔船機件成本低易找零件,唔洗快,最緊要行得.有冇D已配答好一套系統成套裝唔洗逐件找
多謝幫忙

我返大陸造船，以上零件都响香港買料，大陸的不銹鋼太渣，隻隻船唔同，需要度身訂造，如果你連呢啲都唔清楚，点搞呢？一部船內機安裝係好複雜嘅野，由其改裝船外機船，內艙擺得落机同波，要造軌躉乘得起，重要拉線決定出尾軸角度，造海底門安咸水泵，死氣炮，油箱，電器等等，全部都有技術要求，交俾人搞啦！恐怕隨時妹仔大過主人婆！唔嫌土炮，去問長洲成記，成隻造好約廿七八呎船翻新甘明斯行成二十舊年初廿皮內，今年唔知貴幾多？大隻啲想慳皮只講實用，買大陸陽東現成玻璃纖維漁船款，出遊艇牌，新船新機車得返嚟，唔包航儀燈車，四十呎船四十萬左近，要嚟游水釣魚住家都得，唔失禮架！香港似乎未有人唸？

師兄我想攪隻咁的尺寸大小 (見youtube)http://www.youtube.com/watch?v=XNG9gI_6b7s&feature=related

细船自己裝都冇問,就是買唔到料.有冇見意.

師兄我見過你D post,你玩船可能是享受將自己idea 經別人手變成事實,我就窮D用自己對手變成事實.所以船太大唔掂,又唔想用10幾20萬.
船身用快艇style 2-3萬, 大陸cheap cheap機1萬, 大陸cheap cheap gearbox 幾千, 就是找不到艉轴,螺旋桨,舵轴、舵叶,艉軸密封件, 只要唔係高速柴油3千幾轉,D野唔駛咁靚, boo boo 仔 style. 已前冇高速柴油都行左咁多年.我見過菲律賓 local 野用bus engine 改裝都得,有冇D合我這當次.

我都好佩服好似美國佬咁喺車房做乜都得，微軟蘋果都出到嚟，但似乎你唔明船唔同車，好多嘢都係手工度尺，以安軌躉為例，要用纖維加板在底骨上加樑加橫柴，要足夠支持机器振動同推力，波箱拉線出尾軸係要經驗師傅決定，角度唔啱隻船行郁，你想要嘅零件去鴨脷洲大街零件鋪，鋼材鋪全部買得到，尾軸要幾長幾長，但係先要買車葉，幾乎所有本地葉都在番禺一間厰造，你噏得出机型波箱比船長濶噸位可以訂到，決定車葉孔徑就可度位訂車軸，尾板冇現成要自己設計，板鋪做開或會幫你，燒焊靠自己，要用316白鋼，識起模用纖維都得架。

Diy is good!! Support.