小弟非常非常鐘意海呀遊艇帆船呀呢d咁既野, 想黎緊考個牌玩下, 但小弟唔係有錢人, 想問下如果到時考到個牌買架遊艇有冇d可以坐十個人又十萬樓下又見得下人既艇仔架??(如果真係冇唔好耿笑小弟呀, 十萬黎講對於小弟真係好多架啦, 而且小弟真係唔熟呢方面既行情), 仲有一個月用5k黎養佢得唔得, 小弟一星期可能先用一次, 聽人講d油費好貴, 想問下有幾貴? 仲有長遠小弟想做渣遊艇, 唔知呢d工岩唔岩需求大唔大呢, 難唔難搵到呢?? 仲有就係小弟知道個牌唔可以黎做生意, 但想問下多唔多人偷雞拎黎做生意架?例如租畀人釣魚, 釣墨魚, 潛水, 開party咁呀, 因為小弟真係冇乜錢, 所以想得閒偷雞拎黎幫補下皮費呀.....sorry呀咁多問題, 希望有人可以解答下我啦.....可能小弟天真左d, 但希望想知道自己想法可唔可行呀, 真係想投身呢行呀.

小弟睇過下十萬好似冇乜可能, 帆船係咪會有機會d???

十萬蚊唯一可行出隻新九十匹廿一呎登件，新船吊上岸擺三千咗近幾年唔使整，遊艇出張出租牌就可合法做生意，租俾人釣魚收百零二百一個，除油費有幾百蚊執，關鍵係你識釣魚。呢個價錢買得到嘅二手inboard大船都五癆七傷，除非你識自己維修，而家的人眼角高太舊外觀冇人吼，就算新淨唔掛靠agent未必夠客，掛又少一忽，皮費打理亦唔輕，請散工水手都五舊，白油二千幾銀一桶，二佰匹机近近地都用到一千蚊油，遊艇如冇承包合約在手一般難揾食，西貢咁起粉己飽和，反而做小釣魚快艇幾個灣頭都多咗需求。

sampan師兄, 請問遊艇出租牌要樣申請?

出租遊艇牌須由政府認可特許驗船師每年簽發，代替政府驗船，益自己友！其實係睇下安全設備減火筒灯号救生衣一類，今年又加咗每二年上排睇底水下設備，一般有正常維修唔難應付，最麻煩有幾樣改裝，甲板面要有--油柜通氣出口，緊急關閉燃料cord，同密水檔，呢樣木船麻煩啲，另外過六十人要等同營業船規格[多9魚]，特許驗船師名冊問海事處攞到，來去嗰十零廿友做，普通中小船一仟幾佰度啦。

想請問下海x家見到個d 營業三級船長
- 營業二級船長
- 營業三級輪機操作員
- 營業二級輪機操作員

係咪考左先可以營業?

遊艇申請出租牌營業本身依然屬遊樂船，祇要駕駛者有遊樂船資格。

多謝sampan解答呀
咁想問下買集二百幾萬可以載3x人既雙體船返做生意有冇得諗? 攞拎做船河, 觀光, 潛水, 出租等等生意
就咁計條數好似幾好賺咁喎. 旺季出去遊船河租隻爛鬼中式船都八九千啦

同所有生意一樣，利潤等如收入減開支，開支最大是油渣人工保養，大船要夠快到靚水地方要成千匹馬力，一轉要萬幾銀，三四人操作日薪共二仟左近，保養泊位一個月点都大幾仟，收入要減去不宜出海天氣旺淡季客源有冇咁多是否隱定等。我自己都係船發嬈友，有看我舊帖都知，我而家都係做航線客運生意，做船生意、、、好難！我都過好多種包括水上小酒店到印洲塘過夜，計唔掂，香港人一窩蜂，見人揾到就做爛市，船東贃到錢係少數，香港比起世界有咁好海景資源，船遊發展遠落後兼倒退，政府喎！唉！

做水上生意最大成本係維修保養,同埋油魔o既操控。呢兩樣野你係完全控制唔到。仲有nick兄你想得太理想... 唔係想潑你冷水,香港做船河類生意真係冇乜得點做,自己落手落腳做o黎搵淡粥水飲下都仲可以。想食飯加餸都幾難。如果有二百幾萬真係用o黎買樓or買股票投資好過。
雖然你好想入行，比錢交學費係最能夠學到o野o既方法，但如果你果你依舊用呢種咁狹窄o既想法去做，你交o既學費可能多到你難以想像。

多謝樓上提點同解答, 小弟真係諗得太天真啦. 小弟都知呢個理想好難實現......
如果用帆船黎做會唔會好d呢? 紿終唔駛油錢, 而且維修相對應該冇咁貴.....有冇得做?
仲有樓上有位大哥提到一轉要成皮野油錢? 咁個d遊船河船家點圍皮啊?
我都知我問d問題對你地黎講可能好白病, 但小弟真係好想知道答案呀....

帆船船河而家都有公司做緊..帆船用帆的確可以唔洗用油錢, 就算用engine行都唔洗用好多油。不過船速就比較慢，唔能夠係有限時間內去到較遠o既海灘。香港遊船可多數係夏天，不過夏就冇乜風可以玩帆船(起帆)..所以多數要用engine.冬天先可以起帆la,但一般人10月已經唔會再去遊船河。
港人的船河意思係消遣娛,船河要有冷氣,有麻雀,有骰鐘,卡拉ok,香蕉船,wakeboard... 乜都要有。如果用帆船就難滿足唔到呢班客仔,因為帆船空間真係好有限。而當你隻船乜設施都冇,有咩誘因令客人照比8,9千蚊出一次船呢?港人喜愛比較,,冇乜冇物.就算有,又要好又要靚..最後.平D啦。
其實成個船河行業,市場已經定晒型,較難搵突破o既空間。依舊模式做呢行生意只會係分薄個餅,好快就玩完。細佬,你有理想有勇氣咪去試下囉,班師兄都指點晒你,最後靠你自己. 成功的人諗到就去做,諗去點做,唔好成日問人有冇得做。祝你好運

thanks tony你最後個句好掂呀. 有d野唔去試真係唔知, 一味問都冇用

最近上網見到呢隻船賣http://www.sunmarineltd.com/chi/sdetail.php?id=1091
請問係咪Nick兄上年買左黎做生意呢？如果係，可以分享下經驗嗎？