師兄，我想幫我隻登件清潔船底，再油返新油補補船邊韱維，已有架位，但只有一日時間和4隻生手，請問趕得切嗎？有甚麼要點和事前功夫要準備？

唔好用鏟鑿等人手工具，用砂紙機，否則後悔，預備埋原子灰，有用

Kin師兄，別怪我問題多多，想問問用剷係咪驚用剷會鑿崩船底的玻璃纖維?另砂紙機是否用作打磨的那一款?咁船底的蠔叔怎樣剷走?原子灰用在甚麼地方?

去借或者租一台4500psi左右嘅pressure washer返嚟打佢就最快，同人手鏟冇得比，半個鐘唔駛就乾淨晒，但要視乎你個船底本身夠唔夠硬，如果唔係分分鐘連纖維都打埋出嚟。
http://www.youtube.com/embed/uvA4_5Prypg?rel=0

我冇咩門路去租或借呢支咁勁嘅水槍啊，況且我隻只係快艇仔，未必受得起咁勁嘅水壓，暫時仍打算用最平方式~~~人手。

有o的鏟其實好似把菜刀咁厚o既..... 要佢孿要斷都好難..

有D C hing 好揸手木方打甩D 蚵叔先剷會好剷D 又唔傷船.

剷就ok啦，唔使想咁多.....
唔難的，細船如20尺兩條友一小時內可以剷完，上午油埋油，下午落水走人

各師兄，今日一個人一對手一個剷，但係喺孭支樽喺水到剷，都剷足兩粒鐘，未得閒上油住。

師兄, 睇黎你最终的選擇係最特別,最辛苦, 努力!

又可以搵籍口偷閒一潛，又可以慳返幾嚿租架，油價咁貴用嚟入油去玩仲好啦

有無穿頭帽? 兩個鍾. . .你都得啦.

如在水中剷船底，要小心，因有寄生蟲（在豪叔裏面生長），會走入耳同鼻。

有帽遮耳的，剷完爽好多，揸起上來冇咁震，真係定期要剷。

真係好恐怖，我都差啲中招.啲蟲蟲見窿就捐.

ming師兄，原來你都有呢鋪引 。

潛住黎鏟, , 勁!! 不過下次上油, 試下晌D 船底油到加D 白蟻粉, 我架船都係泊海, 油一次, 都頂到半年, 如果唔加, 四個月就生返滿.....

白蟻粉係加喺油入面油?另想問問，如果角位有少少崩花，可以點修補?

一般廿尺左右剷底上油比人做收幾$? 是否交去船廄？

我有隻27尺双体帆船,無乜錢又學人玩船,所以船底都是自已做,我是計好潮汐時間,揾定個沙灘,漲潮拉理去用木方聶好,等退潮.成隻郎起任你攪,揾幾個兄弟一齊剷'磨'油跟住等漲潮推反出去,又慳番.

ming師兄，你邊個灘整啊?不如交流吓吖

Raymond兄.我在白沙灣附近的灘整.當然我上一則講得好簡單,應該是開始退潮期間推隻船埋灘,最麻煩就係依個時間,因為船頭廊起,船尾仲未廊起會有啲浪推吓推吓,驚會傷船底所以廊船頭的木方頂放塊膠或發泡膠,到咗油船底時你可能問廊住船底的位置無法油,我會帶備汽車用的車積,積起一邊轉換油好的位置.

諗落有d驚險

kin兄
我隻双體帆船,條Keel係活動,所以無問題.不過我以前細隻D的帆船.就是你所講的Fixed Keel,都有辨法,要揾一有沙底的碼头,潮漲泊啱位头'中'尾綁好,當然船邊與碼头要綁多幾fender潮退成隻企喺度任你攪.

你有E-Mail 就比啲相你睇