歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。
如需刊登私人買賣租賃廣告,煩請使用免費買賣/租賃專區亦歡迎電郵本會 info@hkyacht.com.hk 查詢交換買賣廣告專頁費用
大家好,小弟其實係一個磯釣佬,我同我老豆都好釣意釣魚,因我只係識玩磯釣,所以老豆只可跟我玩磯釣,但佢都有返咁上下年紀喇,磯釣真係唔係咁岩佢玩,之後有試過同佢租過4匹仔玩下,佢都幾鐘意,所以我有一個想法就係買隻快艇同佢玩下艇釣。 快艇坐就坐得多,但係要我去擁有一隻快艇我就R晒頭。希望師兄們可以解答一下。萬分感激。。。 1. 3-4萬可以買到一隻around20呎匹數最好多過60匹同埋耐用d同定d既新艇嗎? 2. 平均一個月2千蚊足夠保養同迫位嗎? 3. 如果可以既話,我可以邊到買到呢?
4萬蚊全新二十呎60匹就真係無乜可能,二手二衝機就相信可以、其實買船最緊要睇部機,船身安全就可以,因為舊機成日要維修,到會師傅人工很貴,除時整你一萬幾仟,畀左一萬幾仟唔係Ok晒喎,係畀咗一萬幾仟先決定要換過部新機先至慘呀!所以先要考慮部車質素,現在潮流吹勢用4衝機,慳油又少壞、就算少用機都好易撻,但當然成本就較高點,至於泊船,船廠約一佰蚊一呎(只係參考價),但你一定要找到地點泊船先好買船呀!唔係你一定出事!祝你可以早日找到心疑的快艇加入做船東。
現時油貴,用四沖機係主流,但三四萬買新船及機就無可能 泊位就睇邊區及泊水位或岸位,香港仔及大埔就平d 西貢及白沙灣就無可能二千一個月包保養了.. 都係果句,搵到個位才去睇船...或 睇d船連位嘅