我想買隻二手釣魚船?想請教師兄。

1:價錢問題2:西頁泊位問題3:保險問題4:唔知邊到有得賣船。

梅先生, 我都想買隻小艇自用 (家住西貢碼頭, 買約7米Bayliner ge 滑水快艇), 計過數我出海租船玩滑水釣魚一個月幾千銀 (一星期最少一日..公司放大假直情日日出海咁濟), 我租船個大哥話我知自己養架船其實一個月成本平過我成日租, 以我自己case 一個月都係大約千幾蚊就夠晒玩有突(當然唔計買船Cost啦)...冬天唔出海更加可以幾佰蚊一個月就搞掂..平過泊車:smile_27: 請問係唔係真呢??

已經知要乜牌要乜保險等等法例知識
但係實際擁有ge細節就唔清楚。

1. 我都諗住泊罔貢市中心避風塘(屋企樓下...泊船會ge泊船費都算抵, 但泊車費好貴...orz), 當泊好船後, 請問點登岸?? 有無D艇家係專門送人上岸/落船??
2. 同上, 可唔可以泊岸邊? 我見D船係一排連住泊埋一齊, 如果我係中間果隻, 咁出船果陣係咪要解開人地D船:smile_41:
3. 西貢市中心避風塘有無得入油?? 定係要去白沙灣/滘西洲D私人船奧先有得入油?
4. 如果我去美麗海灘(大浪西灣，大浪感田灣和浪茄灣等等), 可唔可以泊碼頭?? 點登岸點落船??游水??
5. 如果D無人島仔無碼頭, 我泊離岸十幾廿米處掟予會唔會犯法?? 定係要拉繩縛上岸??
仲有咩要注意..?
希望有船主幫到手

1,租船大哥冇握你!!自己養船真係好抵架，快O的買啦。不過西貢好似已經冇咩泊位了，但你好彩.我朋友仲有隻釣艇剛剛賣左，有個泊位可以用，有興趣留個電話聯絡。到時可以教你玩船個O的O野。
3,西貢係有油等只有油渣賣，電油就要去陸上油站買咁先夠靚。
4&5, 你講個O的美麗海灘係冇碼頭上岸O既，要上岸就要游水,買隻象皮艇仔爬埋岸。

梅生，我有隻二手Fourwinds,outboard Johnson 115孖機。有興趣call 我whatapp 相比你。

師兄，我都好明白你嘅疑慮，本人都係新牌，買左船幾個月。其實香港玩船真係冇乜人support 到你 (除非你好有錢)，本人由買船開始，冇人比到意見我，要靠自己不停問人，上網睇。期間比人昆過。我嘅經驗係買船前一定要搵好泊位先，通常泊海上都會有駁艇幫到你車出車入，當然要比錢。搵到泊位問好晒價先好去搵船，可在網上搵，但我建議你搵agent.因為有好多暗盤得佢地有，咁搵到agent，成交當然要比commission.

泊海上嘅船最好係買outboard.維修保養較容易。inboard 或in out 泊岸上好啲。買船時副機係最重要，有乜設備都假，部車唔得，太舊都唔建議買，就算唔壞都燒銀紙燒到你謝。到壞機時買部新機分分鐘貴過隻船。至於入油問題，西頁我就唔知，好似要到白沙灣先有海上油站，岸上買油真係要諗過，如果油缸大就真係唔好諗。再唔係就要問艇家買大陸油，不過有人話用大陸油副車好快打柴。其實我都唔明香港四面環海，咁多船，但係海上油站小之又小，完全冇配套。

在沙灘離岸落錨冇問題，總之唔好係禁區落就得，唔可以泊碼頭架。總之問多啲上網睇多啲先好做決定，祝你好運，以上小小經驗之談，有錯請各位指證。

Qatar兄，請問:
1) 白沙灣海上油站在那裏?
2) 為什麼岸上買油要諗過?
3) 為什麼如果油缸大就真係唔好諗?是否安全問題?
4) 你期間比人昆過什麼?
5) 你部機是什麼品牌?可靠嗎?

真不好意思，問題多多，但我真的不知問邊個。

感激Qatar詳盡和仔細的回覆!

梅生：有意留電話 whatapps 睇相