各位師兄大家好，小弟新考二級遊樂船牌，有意買架快艇過船主癮，想係買之前評估下可行性，特此請教各位意見。

- 首先係泊船，小弟住屯門，請問屯門附近有無地方可以泊艇？泊上岸係唔係會好少少？因為感覺避風塘好似個無掩雞籠咁。各位師兄有無好介紹？
- 其次，其實小弟希望做到類似遊車河既性質：將架船駛到一個地點，泊底佢，上岸行行企企，食飯幾味，玩夠就囉返隻船歸家。問題係：如果揸車就好簡單，可以walk in泊時租停車場，或者咪錶，甚至泊係路邊。但如果係快艇呢？通常會點做法？
- 承上，如果有個地方畀我暫泊（應該都係係水上），防盜方面通常會點做？
- 承上，如果呢個暫泊既地方係避風塘，咁可以點泊？大船就話有錨姐，以我既認知快艇係無錨既，咁點泊？
- 承上，就當畀我泊到，如果我本人要上岸既話我知道要坐駁艇。我想問駁艇係唔係長期捕住有無船入黎？如果唔係既，我會唔會有可能泊底左成粒鐘都無人接濟我？
- 船隻想入油，我印象中好似係揸架艇去油船度入？如果係既話，呢D油船通常會係乜野地方出沒？同埋最重要一點：油船係點既樣？我日頭見到一隻船，我點知佢係油船？

以上既問題好似好基本咁，可能對各位師兄黎講係常識，但係小弟係真係一個絕對新手，除左考牌需要既知識之外就一無所知。最慘就係上網search，得出既result少之又少，所以就冒昧係度請教大家既意見。如果唔方便留reply既話，可以Email小弟或者留低其他聯絡方法，萬分感激。

希望他朝一日有緣同各位師兄海上相遇。

1. 泊屯們有冇人幫你睇住，冇的話準備成隻被人拖走。
2. 西貢有滘西洲魚"pai"及糧船灣泊船食飯，但你會從屯門出發嗎？
3. 油船只提供油渣，不提供電油，除非自已在陸上油站買再搬上船
4. 香港仔有大量接駁船,其他地方有無一眼睇晒.

好有經驗的師兄.