作為準備上路既新手，想請教各位師兄一個問題

二手船係維修方面會唔會對新手既壓力太大？因為作為新手，一D經驗都無，而二手船感覺上會易壞D或者快D壞（因為照常理推斷，二手船始終行過一段時間，到手既時候已經有一定程度既損耗，會比較容易壞）。如果從呢個方向諗，似乎新船好少少？

但係如果從另一個方向諗，橫豎都係新手，技術同經驗都唔夠，買新船好似浪費左，不如平平地買隻二手船玩下先。累積夠經驗同埋確定自己既熱誠仲未減卻先再考慮買新船。咁諗法又好似講得通喎？

雖然我覺得最後決定買邊樣都幾主觀下，但係都想集思廣益，聽聽師兄們既意見作為參考。

多多指教

其實應該睇你有幾多貨，謝檸檬新牌都揸法拉利啦，炒咗咪買過架audi，再炒再買，贏咩啊？命硬加有貨！

自問自己好小心渣船 唔會硬膠膠咁插左架船上沙灘 亂撞ga話
好應該買架新船 手尾都少d 如果連達著部車都話要學ga 最好買架平艇學著先
玩船唔係你諗到咁易...大把貨ga就冇計拉

我認為第一個問題係:你想要隻咩船? 船係豐儉由人, 新船可以係由10零萬至幾千萬不等, 決定用途目的, 再睇荷包做人...另外, 除新船維修可以節省外,但其他保養泊船油費所費亦唔少, 就如買車容易養車難一樣....還有,如果自問係怕落手落腳清潔船隻(船清潔工作有很多),每次玩完又要找人做,定期打臘, 又係錢問題....keep船比車多好很多工作,要有心理準備及預算啊！其實二手船不是問題, 只要勤力或找個大偈跟得密d, 一樣可以好可靠, 天星小輪20幾30年船, 幾時有聽過中途壞船情況?