License $670 per year ------------------------OK

Insurance $1200 per year----------------------OK

Parking $2000 / per month 夠唔夠？-------------泊岸位唔夠, 泊海要看位置, 西貢, 白沙灣差不多啦, 有少少錢找返或加多一二百咁上吓啦, 大埔, 夠晒, 由800至1200 3 咁上吓啦, 香港仔我唔知泊位價錢

Oil Consumption $200 / per month 夠唔夠？----------唔夠, 以16元一升電油, 200元只買到12.5升, 船用油多過車好多倍, 車輛一公升油約可行10公里, 船只可行約一海哩, 用12升油出三次海來回計, 咪只可每程行2海哩, 除非你只走出去少少, 不過無可能, 你一定忍唔位越走越遠, (參考數值, 要看你的引擎是什麼牌子, 年份, 四沖定2沖, 油渣定電油) 如用船外機電油引擎, 一個月出三次海, 唔遠唔近咁計, 每次出一次來回大約用40-60升油

Repair $10000 / per year------邊有咁離譜呀, 當你的船底油係用"渣野" 都起碼頂到3個月, 每次上排油船底, 咪千零蚊, 其實保養得好的引擎, 好少要去修理的, 修理條數可大可少, 無得同你講一個月要幾錢的, 不過無可能1萬蚊一個月, 如果係真, 換咗隻船或換咗台機好過

唔該哂師兄既資料，我去留意下，搵隻二手艇玩下先。

你打算放那裏呀

其實我無咩所謂，我住香港果邊，但唔係成日去，遠d都ok。最好平d。

介唔介意過來大埔區? 呢度好正架, 有平的船位, 對出有水警檢查站, 治安好, 去印洲塘及西貢香港後花園又唔太遠, 而家又開始了認識更多大埔船友,上星期才搞過一次聚會, 今日雖然我無去, 不過我知有大埔船友去了塔門食海鮮, 有無興趣過來大埔泊船? 如有, 可以EMAIL我, 我在WATHSAPP開咗個大埔船友GROUP, 如你船在大埔區, 我會ADD你入去, 日後大班大埔友一同出海玩

據說的資料:
岸位約4500
船廠海位約1200
漁排由800至1500
避風塘約800

唔知有冇師兄知大埔泊水上電單車幾錢？

唔知呢, 不過見過有些漁排上有水電停泊

香港仔或鴨利洲泊岸位要看隻長度及淨泊還是自己吊起上架，舊年我隻21呎泊香港仔橋底岸位,包括吊起上架(即隻船返到去取回鎖匙就走得,佢會一手一腳吊起上架),費用$1800,鴨利洲岸位自己吊起上架$1600。香港仔要坐駁艇,鴨利洲可以坐駁艇或行過坐。

我剛剛考左船牌，都想買只艇玩，住響三門仔，想了解一下大埔的泊位，可晤可以add 哩我

我係直接去船廠問，佢有電話嘅，不過……我要再路過或者幫你問下朋友攞電話啦如果你有空，你可以去到鴨脷洲海傍道儘頭行過去（有狗，但係船廠養嘅），另一個地點，你可以去到布廠灣，即係黃竹坑雅濤閣，水警南分區旁一直去到海洋公園入口都有船廠，有啲船廠有泊位及賣船維修等等服務，我上次去個間呢（真係唔記得叫乜名），要係香港仔海傍或水警南分區旁邊有個碼頭坐駁艇去或者係鴨脷洲大街洪聖廟對岀碼頭坐駁艇去，地點係鴨脷洲橋底香港仔個邊。我以前岀去釣魚時常都經過，但隻船已經賣咗，所以都無經過喇！