呢個星期六日出海,都見到好多應該係新牌仔渣住隻快艇去到沙灘. 但發現佢地都唔係好識下錨的技巧. 成日都扒錨. 見佢地車來車去都未泊得停. 所以講左下錨知識過佢, 順便係道同各新舊老手分享一下, 如有問題,不仿指教.

1.選擇一個適當的下錨地點(水深, 海地質地, 足夠回轉空間等)
2.選定位置後,逆風而行.到逹下錨位置停車, 再慢慢後車.感到船後 退時停車
3.下錨. 放出最少為水深4倍的錨繩(e.g. 水深3米, 放出12米的錨繩)如海地為沙地/風浪較大時,可再向長多1-2倍.

*以上只是簡單描述,如有不足請補充.

哎 ~~ 我咪係其中一個囉 ~ !!
我仲以為 D 飛行服務隊係嚟周我哩 ~~
(先去糧船灣 , 跟住白蠟 , 再出西灣鹹田大灣 。)

我以為已經掃咗埋 D 礁度 , 吖 ~~ 走嘅時候車葉又無事喎 ~~ 不過全場十零廿隻遊艇船長船員暨遊客就睇住我"表演"打轉 , 幾個人雞手鴨腳圍住個船頭錨位氹氹轉好儍仔 =.="

最低死係拉番個錨上水時 , 一邊拉 , 對腳一邊震 ~~~ 好重 , 真係好重 ~ !!

放錨繩要多於水深兩三倍長度上堂時都聽過 , 不過唔明何解呢 , 如果遇有風或水流 , 架艇一移位 , 咪方圓幾十呎加船長嘅矩離都會被橫掃 ~~ ?!

P.S.我明明用埋叠位法肯定停定哂 , 錨繩亦無跳動 , 何解隻艇稍後仍靜俏俏的飄流 ? 鬼馬 !

停船時已經要看四面，人地停左的位，已經順流，你要預算自已全船長，成個圓圈四圍轉都唔會碰到人地，當然要再加保險，預多好過少

泊船放錨時，其實逆流放是合理，懶時求其喇，最重要是看你四周的船頭位置，指向邊，同你旁邊的船位置，你會計到自已停完轉到邊個位，總之要大家夠位，反而我有時擔心另一架船在我旁邊泊，我在沙灘都實看住佢點泊~~~

我老婆成日話我泊得唔好等等....佢話我泊得太近岸呀....唉，佢怕撞底，我成日講怕乜，沙灘黎架，又唔係第一次黎，又無石，我有牌，你無牌，唔好教我喇~~~~

扒錨？我試過一次走少少，其實買合理大小的錨，一般唔會扒錨，在沙灘就算落晒船，得閒看下囉

NK,

收錨時，普通沙底，應全無問題，我老婆都收到，(係人都收到)，如果去釣魚，收錨時極重，可能掛石，開著車迎頭收，機器比人大力得多，實收到，唔得就試換方向頂，一定收到
我試過錨掛舊魚網，兩個男人加engine頂才起到，跟著切左魚網
所以船上一定要有切刀等工具
最衰時，收唔到，切左自已錨繩佢囉，個錨唔係貴
最衰是幾呎不鏽鋼錨鍊貴，個錨我用鉛錨炸，好平

另外你另一問題是什麼？....唉，回你文又看不到你原文
下篇再講

呀，你問點解三四倍錨繩泊船
這是當然的，因為力學角度，較長繩角度較少，力度較高
角度愈高，抓地力更低
45度就是約1:1.416
四倍有約20度(？) 我唔計喇
總之有起碼20,25度才安全
錨繩才有力
超高幾十度的錨繩完全無力的，有浪就走

Woo ~~ 勁 !

我估計當時係放得唔夠長 , 我都有用肉眼望吓人地 D 錨繩入水角度同自己嘅好似一樣 , 不過依家諗番 , 應該唔夠 , 測深顯示18-20呎 , 但我第一 、二次祇落咗約40呎 , 瀨嘢 , 第三次就去到50-60呎 , 咁先 OK ~~ 不過周圍已經好鬆動 , D 艇家可能怕咗我 , 紛紛起錨回程(晏晝四點幾) , 哈 ~ !

原來角度咁 .......... 複雜 !! 勁 !

嘩啦 ~~ 乜嚟架 ?

http://203.98.133.222/~luingaikuen/14-07-05_1917.jpg

http://203.98.133.222/~luingaikuen/14-07-05_1114.jpg

好o野喎!! 我想知要幾錢?

個錨自己揾

裝工我問過五間 :
船廠 A : 要弄清楚個係乜錨機先有得報價。
船廠 B : 嚟緊三星期有大 job , 得閒先嚟睇。
船廠 C : 電工 $3,500 + 木工 $6,000
船廠 D : 電工 $3,500 + 木工 $4,000
自由人 : 全包 $3,200

差別好大呢 ~~

如果覺得又平而做到，當然找平的人做

出大蛇灣試過部機 , 唔知係咪暗湧大 , retrieve 時聞到螺味 , 好似出埋煙 ; 上網揾吓料 , 見到各家都有好唔同嘅 concept :

Maxwell :
http://www.maxwellmarine.com/gen_which_winch.php#working_load
大概話揀錨機要幾大拉力就計吓: 錨+鏈 嘅重量 X 3 , 佢嘅example係錨+鏈= 180磅 , 故揀個650磅拉力就OK, 如果該model系列由500磅一跳跳到800磅 , 咁就當然要架800磅 ~~

但 , 據 boatersland 講 :
http://www.boatersland.com/chwi.html
都係 錨+鏈 嘅重量 X 3 , 但得出之數值 (pulling strength) 不能超過錨機最高負荷(Max. pull capacity)之三份一 ,
佢嘅example係錨+鏈= 45磅 , 乘3後(135磅)不得超過錨機最高負荷之三份一 ~~~ 咁即係用得九份一嘅負重 ?!!!
真易計 , 我用緊900系 , 即900磅拉力 .... .... 咁即係吊得100磅 ground tackle ?!! 個錨35磅 , 鉛水鏈一呎約一磅 , 即祇可放65呎 , 鏈長應係水深3倍 , 再即係 = 21呎半水深 ............ 我 .... .... 駛Q用電錨呀 ?!!! 大大力扯兩手都的住個錨飛離水面啦 !!!!

=.="

Maxwell個web page都係叫你用部錨機o既25-35% working load.
可能你一時留意唔到.
你部機有螺味, 會唔係o的電線唔夠力呀?! ..

overload要小心啊。會燒的。於大石區下錨更要小心，先以流水反方向先行小小，試試錨鍊是否鬆了，再起錨會有更佳效果。

To : Keung

噢 ~~ 我睇嗰版無 25-35% rule 呢 ~~

再嚟 Lewmar :
http://203.98.133.222/~luingaikuen/Lewmar_01.jpg
http://203.98.133.222/~luingaikuen/Lewmar_02.jpg
簡單 D , ground tackle x 4 就掂 ~ !

自己 check 過 , 果然電線接駁處已燻黑 ,
http://203.98.133.222/~luingaikuen/IMG_0210_small.jpg
裝機師傅同我拉兩條紅黑有成隻尾指咁粗 , 但奈何跟摩打出嗰兩條好似香雞咁幼 ~~~
已拆出攞去廣東道比人改 ~~

To Kevin :

最慘係唔熟識各海灣係屬乜錨地 , 真係拋正大石區就大鑊 ; 上次去大蛇灣的番個錨上水先知係泥地 , 再上次爬錨嘅白臘係沙地 ~~~
我都有用船頭迎風頂一頂前先起錨 , 但可能唔夠前 , 因肉眼睇鏈同繩嘅入水角度好唔同 , 大家同樣放120呎 , 繩輕身 D , 望落係斜插入水 , 但鏈就重身 , 放完120呎都好似直插入水 , 我咪以為個錨已喺正船頭對落 lor ~~~ 一收錨就變咗係靠錨機扯隻船去個錨度 , 而非 "motoring up to the anchor whilst during the windlass to retrieve the anchor rode and using the boat to break out the anchor"(re. boatersland) .... ....
哎 ~~~ 經驗 .... .... 原來係用血同汗堆積 !!

多謝幾位網友熱衷地交流下錨及起錨資料。我近日在海上見番個三年前的學生，他對下錨知識還跟三年前一樣，所以不停學習是最重要的。

今期Fragrant Harbour英文雜誌有講一些下錨長短的論文，否定以前的說法，非常可取，大約也是水深+幾多是合理

那文是帆船用，但我覺得機動船可參考，詳細是英文
我可以有時間時譯翻做中文，大家看下
我覺得訂閱這本英文雜誌也不錯，又不貴，街賣也是HK$30一本，我在游艇展時訂兩年好平

喂NK
大佬你唔知你泊船乜地？
去得游水的地方都是沙地泥地，絕少有石
沙地泥地下錨一樣
去釣魚才有石底，你架電收機有無顯示電力/電壓等？我無大船電錨經驗，但如果有錶看到電流高就停，改用船engine去頂來收喇
或者你用電錨多以後，就有感覺幾時要用engine頂—而非單靠電錨

講過收錨笑話，我上星期去到浪茹，第一下下錨看來離岸太遠，於是起錨去近岸些少
起錨時老婆加一個男人猛話收錨好重，收唔到，我機器頂都收唔到，攪錯？一定沙底的，唔會掛石的，我就唔信，我去檢查，車 ! 是老婆下錨時，自已將錨繩跟船頭繩亂左連著，船頭繩也結在船上死位
錨繩連船頭繩互相船上死位鬥力，當然收唔到
解開後當然無問題，於是又教老婆一課，船頭有兩條繩，一是錨，一是船頭繩，以後不要交差，一定要清楚地只有一個用上在連船扣著

第223期吖嘛 ~~ 我都係4月尾黄金海岸 boatshow 訂咗2年。不過跟佢嘅新 concept, 條繩唔一千都要900呎, 特別係大風時 ~~

講起有D失禮, 我實情真正拋錨唔多過五次 ~~ 真係唔識睇海床質地, 又冇海圖 ~~
至於沙灘係沙地, 我相信要早D去泊船, 靠近沙灘先得lu, 上次白臘我漂埋去近東南面嗰棚悄壁, 因水好清 (亦好淺!) 我見到個海底好似係石底呢 ~~~

而大蛇灣嗰次, 我又係中午時份先去到, 泊到最開, 成40幾呎深, 原本係沙地出到咁開嚟都變泥地咯 ~~

整好哂套架撐後會努力去試多D拋錨, 起碼去糧船灣食海鮮都得, 自己泊定定上天台灘喺度晒又得 ... ... 得咗 ~ !!

見到面嘅, 上嚟整支冰凍汽水吖 ~~

最好係個錨尾加條倒尾纜，咁起錨果陣如果起唔到，拉條倒尾纜就可輕易起到個錨，仲有，條倒尾纜唔駛太長，一般三四十尺已足夠，除非你地去超過四十尺水的地方落錨。以上係我既起錨經驗。

澳門船友好提議，不過我是架細艇仔....我不用了，我也不怕
對我來講，拉不到錨走，我切錨都是四百元以內的事
兼且通常唔會拉唔到的

我好多時下錨沙灘游水，全無意外

NK, 我成日去糧船灣或滘西漁排食海鮮的
如果你擔心糧船灣泊船食海鮮，咁樣去滘西囉
滘西魚排幾大架船都停到
搵日一齊去喇，今個星期日如何( 31/7 )？

嘩啦 ~ !
我正想開聲叫Hong哥你帶一帶 , 唔好意思開聲咋 ~~
星期日晚我趕得切出市區就OK咯 ~~

貓箱 : xomovr4@netvigator.com

NK，
已留言你 email

在香港一個錨仔要成四百蚊，都好貴喎！！！係澳門幾十蚊就OK，舊年我就冇佐二個。

唔係錨四百蚊，切錨就會要買不鏽鋼練，這樣貴呀，成百幾銀
鉛錨幾十炸，另外買繩呢，又百幾，所以四百銀
切錨當然未試過，只是我新玩船時，連繩尾都無結在船，去釣魚，叫旁人在深水下錨時，佢手鬆，連繩連錨掉晒入海，唉，又唔係浮水繩，第一次落錨就無左全新繩 (錨連鍊就是舊的)，on 車車回航去借錨用，再車過出去釣魚。全新再買就四百銀，所以好記得~~~~

啊Hong的經驗一定很深刻，因為第二次講了。我自己亦試過，仲慘，因為去橫欄島釣魚時條繩唔夠長，突燈返去鴨利洲買繩，再去過。跟住駁長，然後落錨。點知...繩尾無駁好，新繩、舊繩及錨都往深海去。

上次繞到魚絲連魚鈎都幾乎唔夠力起錨 ,
家吓廣東道兩舊水加工後又會咁大力喔 ~
(今日 6 Aug 牛尾海)

http://203.98.133.222/~luingaikuen/IMG_0218cut.jpg

http://203.98.133.222/~luingaikuen/IMG_0223cut.jpg

記住 記住 記住 要有刀仔喺船上面 ,
個網應該好大 , 成30呎深 , 個35磅錨上哂水都仍然扯到歪埋 , 差D要喺牛尾海過夜 !

哈哈哈，今次看到相，你把長簾刀幾得意
我就有一把刀和一把cutter放在船上，跌左落水都仲有後備
我架船細，無想過要長刀~~~
哈哈，成把關刀~~~~~
乜你星期六出船？我昨日星期日出了

不如啊Hong將你個女朋友亮亮相，等我地在海上見到你時都可以同你打個招呼吧！