請問各位,
聽聞電油機比船外機好食油, 請問相差有幾多? 我諗緊買船外機好還是電油機/柴油機好.
又話電油機維修好貴, 一郁手就一萬以上. 船外機好好多. 係米真?

看見D十幾年二手船, 一隻船外機, 一隻電油機. 價錢相約. 邊隻冇咁易壞? 請賜意見?

我相信船內機耐用，維修也較易
耐用度: 柴油船內->電油船內->舷外機
電油舷外機用海水直接冷卻，好多煩野，每次淡水沖洗，機器成日對住海水，易壞好多
當然各有長處，船內機佔位，大船才用
有些電油in-outboard，人講是波箱易壞，不是engine易壞

請問乜野係 "電油in-outboard" ?

我可以証明 , In-out Board 嘅波箱真係勁麻煩 ,
單單一粒螺絲就要上排搞 ~~

新機仲好 , 如果係舊機都幾頭痛 ,
我就係咁先發覺自己原來吸啖氣可以潛咁耐 , 哈 !
(有 D 小維修我自己 DIY )

除咗波箱外 , 仲有條 trim 機用嘅油壓臂 , 好易打柴 , 又好難修理 , 但其實又無乜功用 , 原廠代理都話隻機好抵死 , 無配件換 , 一換就要成條臂筒換 !
我索性同佢 .... ....

先答何謂 In/Out Board : 一般 In Board , 機器係連波箱 , 一齊裝設於船艙地板下 , 淨係隊碌直濕 (傳動軸)出船身(船尾)外 , 當然仲有車葉;
但 In/Out Board 就祇得副偈喺船尾甲板下 , 波箱 連 propeller(好似船尾機嘅下半截咁款)就已經分体式咁貼住船尾水面以下 , 即係浸住啦 ~

如果部 In/Out Board 機器係燒電油 , 咁咪係 In/Out Board 電油機囉 , 咁咪身份嘅象徵囉 , 點解 ? 保養維修都夠甘 , 人地油渣7個零1升你就幾乎13蚊1升 , 死味 ?!

不過 , 如果你係買家就好 D , 可以大幅講價 。

講解很清楚. 謝謝. 如果係咁, 大家都係食電油, 又浸住水, outboard engine 似乎好過 in-out board 電油 engine 喎.

二沖outboard 勝在維修簡單. 可以慳番好多維修費. 同埋而家o的outboard會有一o的專for係海水用o既型號, 比以前個o的耐用好多.

電油inboard... 人地話維修手尾長. 可以話係整開有條路.

油渣inboard. 就最耐用.十年以上都問題不大