1. 今日下午係甕缸灣有人遇溺, 有水警到場將佢送院! 最新消係送院後不治.. :(

2. 今日當我6點到回程返到西貢, 見到西貢碼頭對出, 南象限泡個位有一隻大船擱淺.. 到8點幾係西貢食完飯都仲見到o的水警同消防仲係道研究緊點救返隻船. 連最大個隻消防船都出動埋tim.

昨日我無出海，但我看天文台，昨晚七時是大退呢，潮位0.3米，
這麼低水，就算連我的細船仔上岸都好麻煩。
開得大船，照計應好有經驗淺灘在那裡

昨天好好風... 浪茄船又唔多... 好好玩...

個隻係一個潛水會o既船..聽講係一時貪快, 離個灘唔夠開lor.

每年都總會有幾日係最低低潮位，我每年都總會於這幾日到西貢不同地方睇睇，並於海圖上做番一些記號，大家小心點吧。

Kelvin 老師,
如果你肯吹雞, 我地可否車架艇仔跟你出去學下野, 我估會有好多會友有興趣, 唔知Kelvin老師有冇時間指點下我地的靚呢?

唔好咁言重，我都係想提高自己生意之競爭力o即。不過會好悶o架，有次有個學生跟我出海學睇海圖，悶到抽筋，又要長時間望住張圖左比較，右比較。結果頭暈眼花，還吐出早餐來...

悶唔悶就睇個人. 如果學到嘢, 對自已第日出海,會有好大幫助,試想當我自已一個人揸船,全家人條命都係我手,就唔到我唔俾心機學啦. 請老師b切實考慮. 照顧吓無知老年!