請問各位, 在下錨後, 享受海洋時, 係米會停左部機 (完全息晒)?
如果係, 等開機後要暖車幾內呀?

其實船同汽車好接近，如果已經出海，下左錨，即副發動機已經熱晒，就算你停成幾個鐘去玩水，架發動機都已經好好warm up,根本一著私翻車就可以行，唔係好似冬天，一個月先著一次機，果時要慣速暖下機，(行化油器要拉choke添)，否則一加油就死火

駕駛大型船，停船停機是正常的。但有人話唔停機係因為他們誤會獨立發電機為引擎，因為發電機通常會開著，提供220VAC電力，如果不用電，就停了罷。
然而，我們泊了船後，是不能即時停引擎的，因停機後冷卻水泵亦會即時停止轉動。這樣會使水溫上升、蒸發及產生鹽化現象，對引擎保養唔好，應於怠速運行約五分鐘才停引擎，散熱就最理想了。反而不須暖機至真。

解釋好詳細. 多謝. 我部係船尾機, 隻船唔係好大. 我下錨都唔只五分鐘, 應該唔洗慢慢等. 下得錨來都應該可以息火. 咁, 你地有冇息埋電制? (驚冇電).

大型船同舷外機好多分別
航外機落錨後可即停，根本停船前你已應慢行泊位，機器已漸冷，舷外機冷卻系統用海水的，停快停遲無問題
只有大船用 Turbo 的就一定要等幾分鐘才好熄機，因 turbo 設計不同，turbo扇葉要慢轉等冷卻才能熄機

舷外機泊船後，如果再著機，根本大熱天不用太理會暖車的問題，熱車只是冬天的問題，當然機器每次開動，慢慢行陣比立即高速好，著車後2-3000千行一定無問題

又講多句，我都係舷外機，140匹
我熄機後唔會關電池，我要聽歌呀，我架CD機要用電的
其實買個大電池，我架140匹我用70amp/hr 實夠力，聽歌開燈都唔怕，大把電打火 , 我想買75amp/hr添，不過汽車用無咁大，船用電池太貴唔買，所以買盡汽車用70 Amp/hr，船用電池會耐用點，汽車用短命左，但我會看著唔怕

既然有高手, 想再問下D技術性問題.
一部二沖舷外機, 曷油同電油都混入油缸到, 經轉輸通到入油缸. 咁, 入油缸的混合油份量米次次都一樣? 化油器米好似冇乜用呵. 速度完全由波箱控制.

第一個問"入汔缸的混合油份量米次次都一樣"? 呢個係你引擎運轉的speed而定, 行得越快, 用油自然越多.

第二問"化油器米好似冇乜用呵. 速度完全由波箱控制" outboard引擎的速度其實主要係就油門控制, 絶不是由波箱控制. 所以化油器其實好緊要架.

如果舷外機無一個獨立抽偈油的裝置，要自已混入偈油落電油的話，應該每次入油時計數電油多少升，要入翻多少偈油。但有些賣電油的船家會混好偈油的，看下電油顏色就知。最重要是問下賣電油果個。

化油器是電油機的靈魂，有事塞左，污遭，唔開等包你架機唔行，所以要定期檢查，清潔。唔係講笑，通常有電都打唔著，八成是化油器的問題

大家果然有input，等我又講講吧！
1. 二衝程引擎一般須要以1:50的份量將偈油加進電油內一同燃燒。混合方法不用多講了。但要注意賣油的老友是否已經加了。太少會過熱，響alarm，太多會有藍煙，甚至當化油器乾了後膠著浮子，或膠著噴咀。
2. 以化油器為例，入氣多少也視乎氣缸大少而定。用油多少亦會決定於轉速，即時曲軸轉動週期的密度。二衝程引擎，若每分鐘1000轉即有1000次入氣及點火，3000轉因此有3000次入氣及點火吧。
3. 雖然舷外機於停船時不須特別冷卻，但若果考牌時則要求我們將船外機板起，使海水從機內盡快流出，使海水不致在內因熱力停止循環而成為鹽，留在裡面。
4. 啊Hong講得對，不須暖機，因已經夠熱。

大家所說的我理論上完明白.但仍解不到我的問題. 可能我有些地方唔會左. 或者我嘗試分點用詳細說一點.

問題1:
二沖船外機通常係個頭上面大大舊, 下面細. 好似"7"字咁. 下面就係羅旋葉. 上面大大個頭就係汽缸, 曲軸,...等. 化油器是在這個大頭裡面嗎?

問題2:
理論上. 化油器有節風門, 控制霧化混油注入汽缸份量. 而混油份量多少, 就是控制速度多少.是嗎?
應該說, 化油器嘖出的霧化混油是嘖入曲軸箱內. 曲軸箱內的霧化混油多少, 就會因霧化混油多少而產生不同壓力. 不同壓力就會經傳輸通道嘖出不同份量的霧化混油.
所以, 控制化油器嘖射份量, 就等如控制傳輸通道嘖射份量.

化油器>>曲軸箱>>傳輸通道>>汽缸

還是, 理論歸理論. 現實是兩回事. 就好似橫向壓力等. 細船仔, 船外機, 理乜鬼橫向壓力. 泊到碼頭米得.

1. 化油器是在大大舊裡面，氣缸，曲軸，什麼東西都在水面上的大大舊，唔會在水底，連落水底只有傳動軸一條，7字下面只是幾個啤鈴連著傳動軸和轉動軸/葉片，曲尺內有齒輪改90度傳動，詳情其實看一些解剖圖即知

2.化油器是靠真空吸空氣混合電油，而直接噴入氣缸，不是經過軸箱，希望你了解爆炸的情況，我貼上一個四沖程發動機解說給你
http://auto.howstuffworks.com/engine7.htm
圖中 C 位就是化油器的混合油氣直入的 Intake Valve 進氣門所在位置
記著電油只是用來爆炸，不作他用，所以空氣混入電油後只有一條死路，送往氣缸壓縮點火而爆炸

舷外機機器轉得快而船速快，機器轉得快(轉數高)是因為加油多左，加油多即是化油器在操作，吸入更多空氣，空氣和電油混合物多左，氣缸爆得更有力，於是行快左，快左就真空大左，油又配合多左，於是轉數提高，直至平衡點 (雞與蛋誰先誰後的問題)
你減油，真空少，吸空氣也少，混合油氣也少。爆炸力少，於是機器就慢~~

大型舷內機有軸箱等等，有好多野，但電油爆炸都全同舷外機一樣的
軸箱不是爆炸關連的，完全不同，只是潤滑系統有關

唔好意思. 越來越亂. 你說的應該是四沖程. 而我說的是二沖程. 電油和曷油混合在曲軸箱內. 經轉輸通道上. 所以我有以上問題.

你可能誤會了曲軸箱一詞，用大型舷內機或汽車engine舉例
曲軸箱在車底，成個engine 的底部，電油不會去到那裡的
曲軸箱顧名思議，就是曲軸的地方，不是氣缸，曲軸箱只有爛鐵幾條，完全唔關點火或通道問題

電油二衝程機和四衝程機，化油，點火爆炸都是一樣的
希望你明白電油和空氣在化油器混合就直接送往汽缸 (不論衝程)
混合體就在汽缸爆炸產生推動力

簡單講多次，電油和空氣混合前，混合後都不會走左去曲軸箱
曲軸箱完全不關點火爆炸，曲軸箱只有曲軸和啤鈴，汽缸力量經連桿傳去曲軸，曲軸就帶動傳動軸去車葉，曲軸箱只是幾條爛鐵轉來轉去
並無電油，( 有就肯定火燭喇 )
提議你再看我上文網頁的圖和解說，我都盡力解釋了，其實抱歉都問句，考到二級大偈牌應該懂這些罷~~~