何謂游船河？
成日都出船，乜叫游船河？
事源有朋友租左架游河船幾十人出海，我打算我自已開船去聚佢
佢的朋友也可以開下我架快艇

早上佢話左去南風灣，於是我先去糧船灣午餐，吃飽就開過
點知真係大海茫茫，原來在泊船地方看船號碼找船好難的，
我要左穿右插看船號，又要避游泳的人，浪又大
打電話找佢，佢電話又收不到，心想唔想去左浪茄果便等沙灘？
星期日四級西南風，白頭浪都有，我就唔想出鎖匙門了
於是去on 缸灣找下，又左穿右插，無...
又回程去滘西找，唉，又找不到，真係游船河......
自已就水都無得游
我唔找了，上左相熟滘西漁排釣魚去
晚上佢回程話佢地見南風灣大浪，改去左白臘，朋友都未出過西貢游船河，我講左要預早打電話給我，否則可能打不到，佢唔信就死火

我自已就on 車車左成日，游船河~~~~

有時出船係為左想朋友開心，抱著佢開心即係我開心的心態，那當然係有一定的收獲，亦有一定的樂趣。雖然不是每次都有回報，但相信每次出海，總會有新的體會，自己一個，也有樂趣的。我平時見NK都係自己一個好寫意地在船上食野同維修，偶然去打個招呼，他是很開心的。大家努力吧！

嘩哈 ~ 真鬼馬

不過我周時都係一個人遊番轉, 感覺亦一流;
及至最近試落錨, 唔駛去咁遠, 就科大對出已經好寧靜, 停定定、爬上天台查支4號Coppertone攤喺度晒, woo ~~~ , 聞住太陽油同海水味 .... 再吹住海風原來唔會出汗, 感覺到自己咀角慢慢向上繞 ....... 晒到滾就跳落水慢游(遊)一轉, 尤似出爐鐵放落水一樣快慰, 如魚得水, 爽死!

人生原來可以咁樣 ~~

哈 Kelvin, 覆完先見到你段 message 呢 ~

其實初初報船主同大偈班時, 都係諗住玩 salpa 一類嘅呢, 及至上綱揾船時, 一路發覺自己所要的, 所求的都在轉變緊, 最終揾到佢 ......

雖然佢唔係咩新淨貨仔, 而且頭半年計落, 有好多好多嘢執, 但每執好一樣, 自己又開心多一次, 好似個水撥, 原本成支臂連摩打都已銹蝕, 我咪去錦田劏房執套萬事得貨van尾水撥咯, 雖則唔係完全fit位, 總叫用到。第一次就咁安裝, 比D浪花打上嚟, 兩個月又柴柴地, 咪拆出嚟省吓銹蹟, 再大劈大劈雪油撻番上去, 哈 ~ 又掂喎!

始終係中古物, 要執到完美太不切實際, 我諗住佢比到我所要嘅嘢, 就已經係完美 !

P.S. 天花有條木生咗好多菇仔我都唔捨得剷咗佢呀, 哈哈