大家好我借用tiger 兄的一級船主口試問題版面已好久了 , 真唔好意思 , 應該開個新版面 , 來聯誼駕駛問題 .請各位觀眾多發表討論及交流 , 否則只得我講都唔知到是否適合大家(好似傻佬咁自言自語) .

Tiger 兄:
好嘢知道西北石湖或打石湖是甚麼東西 .
上次我所問的題目其實是漁民或在水上作業船家的觀察天氣經驗 .

由現時起香港已進入風季所以亦開始講吓打風啲嘢 .

西北石湖其實係西北狂風雷暴 , 其中心風力可達列風程度 , 由於它從西北邊向東南推進 , 而在狂風霤暴在未到前己聽到打雷聲 , 雷聲似打石鼓之音 . 因此他們叫西北石湖 , 打石湖或石湖風 , 東漁民聽到後即刻找尋地方避風 .

發生時間通常在端午節前後 , 此時落大雨天(分農雨)在西北邊天色會嚴重變黑夾雜行雷閃電而來 . (即由現時如落大雨時開始有會可能發生) .

原因我估可能是冬季東北季候風與夏季西南季候風互相影響冷空氣及溫暖氣流互相排斥對峙產生的不穩定性對流性降雨而形成 .

發生雷暴地區大氣環境通常十分不穩定 , 溫暖上升氣流遇上冷空氣結集形成大雨點區 , 大雨點下降時的速度亦較快 ,雨區空氣帶引向地面形成強風 , 同時此種對流亦會將高層的大能量帶向地面 , 因些此類強大對流的降雨區都會有強風出現 .

假如我們在海上航行時遇上此西北狂風雷暴(西北石湖) , 大家最好即時靠岸 , 但如果未能趕及靠岸時 , 最好將船駛向海中間預留船東南方位置有廣闊空間 , 避免船隻被風吹向岸擱淺 , 同時採取大風浪前準備 , 將船頭迎風同時再用機車動力低消風力 .如果是小艇可放出腳底錨或海錨可保持船頭向風 . 小艇亦應特別小心被雷擊的危險盡可能避免身體外露 .

保持冷靜小心處理 , 通常此類石湖風在短時間即會過去 .

我最近好似在03年4月份左右試過在東坪洲與石牛洲間曾經遇上 , 當時考慮到未能趕及往東坪洲及東坪洲亦不足夠水深靠泊 , 所以立即開航往東坪洲東北位置避風 ,當時海面視野只得3米天色似黃昏後而未天黑齊前 , 西北風力約8級所以我用慢速航各西北行駛保持船頭向 , 約半小時風暴過後根據人造衛星導航儀顯示船向東南邊後退約3海浬 .

重有我亦見過西北可湖所經位置曾經有水龍捲出現 , 真是壯觀黑色天拌灰色海面 , 出現灰白忙忙不規則四維擺灰色水柱 , 現身時間只得幾分鐘 , 好彩無吹向我處當時都好緊張 , 因為我當時處於港島青洲以西數碼港附近走唔撤 .

重有如果在大風浪航行時 , 感覺到隻船四維擺唔係好聽使時 , 嘗試將啲窗打開佢啦 , 可以穩定啲呀我地又唔係玩風帆 , 要咁多風來只另到隻船擺來擺去 .

重有我記得在後生時約70年代初 , 我當時重係初入行跟前輩駛到坪洲與周公島間間的海隙拋錨無幾來遇到西北石湖當時我都唔識 , 見到船長咁緊張想即刻起錨走人 , 咁唔好採門錨起唔到 , 跟著啲風到連錨鏈到打斷咗 , 佢立即開車走人 , 好採副車重聽駛走返出來 , 當時都唔知危險 .

夏天已到在香港東邊水域風浪平靜了很多 , 大家已開始享受駕駛樂啦 , 但係行來行去都係在海上 , 間中發覺有些海灘想上去行下 , 但係無碼頭點樣子上岸呢 , 真為考起只有唔上啦 .
真可惜 , 唔使怕我有方法在無碼頭的海灘都可以自行上岸 . 唔知大家想唔想知呢 , 如果有人想知請回覆下 , 在下次講給你知呢 , 唔係打字打到手軟都唔知有無人睇 , 好鬼無引 .

I want to know.

請快報告

各C兄
我的二级已全部合格，下一步先考一级輪機員，再向你們学習一级船長考試！

mkc,

Please, one time I was thinking of taking an inflatable dinghy with me for embarking!

我都想知點上岸，同埋之前mkc兄响一級船主口試嗰版啲船家術語嘅答案。 Brian兄，我有諗過用浮床(!)上岸添呀!
好，係時候出發去考二級大偈啦... 希望一擊即中啦! 我諗我都係會好似joeyeh兄話齋，下次先考一級大偈，之後先考一級船主。

請指教!!!

mkc兄，請快開估啦，呢個週末我都可以用得著喇!

mkc兄想賣個關子，想吸引多D人回應。但係我就見泰國布吉D船大部份都係沙灘上落，碼頭都唔多見。當然係香港海灘就唔好試叻，一粒石仔就累你使幾仟銀補船底。話說回來，D泰國"登件"係先離岸拋錨，然後倒車埋沙灘。佢地日日做，技術已經千錘百鍊，新手牌勿用，切記切記。

感謝mkc兄為我們帶出一個有趣的話題，努力！

唔該快d講喇, 好心急呀.

這問題大不，我早己有吹氣小艇備用。當然這是二級船長的小貓方法。論真功夫，當然要MKC兄賜教！

在沒有碼頭時而想登陸是將船隻直接靠岸 , 首先我們可以參考壹般船家在運送乘客往外礁釣魚時靠岸方法 , 他們用船頭頂着礁石再加大車速用舦保持船頭直向岸讓乘客上岸後便退後返出來 .
船家的小艇在需要清洗船底的時候亦會將艇仔擱在沙灘上來進行清洗 .

大家如有學過如在海上發生嚴重入水意外有下沉危險經搶救無效的時候,我們會考慮將船隻進行搶灘行動 , 搶灘時須以船頭直角利用餘衝力向岸邊推進並在靠岸前抛出雙尾錨 ,作用穩定地使船身成直角向前及保護船尾螺旋槳 ,船隻在未達到觸底前利用尾錨力量將船制停在淺水位置 ,然後再派小艇人員上岸帶繩纜將船保持固定位置 , 瓣免船隻左右搖擺及前後進退等情況出現磨損船底 , 待船隻再增加入水後船隻會繼續下沉至擱淺…

我由於工作所需參考改良上述兩種方法後將船分成兩種機動船或快艇靠岸的方法如下 :
1.機動船隻.
找尋平靜岸邊與海藏傾斜度較大(即所謂企人水)並沒有礁石突出的位置 ,預早拋出船尾錨保持船尾處於深水位置避免螺旋槳受損 ,同時亦不會受海浪影響而將船隻橫傾 ,評估船頭食水深度 ,在接近岸邊時再用長鈎竹或測深繩試探海底深度(測深機不適用)用極慢車靠近並以尾錨作控制停止 ,到船隻食水深度處於極限時放出行人吊板作上落用途 ,由於進行靠岸船隻都是較小型船隻船頭食水深度小約1米左右因此大多時候都可以宜接靠岸礁石上落 .假如恐怕擦傷船頭(企人)位置可加膠轆或護墊保護 , 當退後返回時可以利用尾錨绳拉出或倒車退後但小心捆車葉 .

2.使用可升降船尾機的快艇除可以依照上述方法外亦可以直接進行搶灘行動 .
最好找尋平靜沙灘斜度落差越大越好亦不應有礁石的位置, 拋出船尾錨保持船尾處於深水位置 , 將船尾機調校起至螺旋槳在船底之上而保持慢速在水中前行 , 船上的人盡量靠向船尾而使船頭浮起 , 當到達沙灘極淺水位置後將船尾機升離水面 , 指派一人跳落沙灘利用船頭纜將船頭抬高拖往沙灘擱置 ,其他人即可上灘 , 當退後返回時所有人靠近使船頭浮起此時最後上船的人可將船頭推高 , 在船尾同時利用尾錨绳將艇拉出即可 .

緊記船艇靠岸時一定要以最慢速度 , 並需保持船與岸灘成直角否則有傾覆危險 , 船尾錨可幫助 , 特別在沙灘較淺水時船艇會被推横擱在沙灘上傾側 .

由於海浪潮在靠近岸灘時會出現推向及拖拉力使船艇處於不穩定狀態 ,假如船艇被推橫後如需退回則會十分困難 .

當快艇在沙灘上擱淺時船頭底位置會藏在沙中船尾會擺動 , 因此當所有人上灘後將艇即退回較深水位置候命 , 但此法必須有一人留守在艇上掌船十分不公平 , 現再介紹一種方法可以全船所有人都可以上岸灘遊樂將船艇抛在海中候命當需要時將它拉回 . 緊記船尾錨是關鍵所在必須留意錨繩有足夠力量及避免爬錨等 .

拆開錨绳尾綁上一個滑輪 ,預備一條足夠與岸灘來回長度的绳索 ,將绳索穿入錨绳尾的滑輪 , 後其中一邊绑在船尾固定位置而另一端绑在船頭的固定位置 ,將雙绳帶回岸灘後可將船艇拉回海中而將雙绳绑在岸灘固定位置上 ,當我們需要上船時再拉船頭绳索船便返回岸灘上船 ,記得適當調校船尾绳保持船直角靠岸 .此法在避風塘內船家多採用大家可多加留意觀察 .

上述方法是本人職業所需 , 經多方面參考嘗試實踐證實是成功可行並不會另船隻受損 ,如有效法請大家小心行事按部就班地嘗試實踐 , 假如單為恐怕船隻損壞都是以橡皮艇行事 .

好好大家開始有回應問題是一個好的開始 ,希望大家共同努力特別是師父級人馬多提出話題討論 ,吸引多些行內外人或更多對船或航海有興趣的人仕觀看 ,借用此網址交朋結友互相發表及交經驗提高航行安全意識 ,成為香港最受歡迎船網.

今次我提出有關機械問題了 ,大家有無嘗試過船尾機起動困難 ,如在海上回程時船尾機死火撻唔着 , 又或電池儲電不足點樣可以低電壓着車 ,如船尾機给海水踐濕後着唔到車等有甚麼江湖救急方法呢 , 請大家提出意見及可行方法呢(唔好話比我知拿去叫船廠修理呀 ,唔算數架)

我突然想起一個問題有關船艇的防盜保安系統 , 水浸警告等是利用無線電話傳訊報警的 , 唔知大家有無這方面的資料呢 , 最好是提供售賣商售價連安裝的費用等.

多謝mkc提供沙灘靠泊法。

我反而相提出一個問題: 今日睇新聞，有大陸漁船在南沙群島遇上海盜，4死。

相信大家都有夜航，或在海上過夜的經驗，請問大家怎樣避免遇上海盜，有或者真的遇上怎麼辦?

mkc 兄,

保安問題可參考車用防盜裝置but都可能無用, 因為安裝防盜只係心理安慰.D賊係成隻船拖走你, 車都無法制止被偷何況只係船? GPS定位追蹤都無用, 因為追蹤得o黎隻船都已經係南澳或者係得棚骨(無凈). 水浸無線電話警報器發生作用時撞o岩返工或夜晚, 聽到都救唔到. 我唔係掃大家興, 呢個係現實. 有個人係附近住, 一call佢就同你睇睇重有"so". 至於你教果D埋岸方法, 新仔無師傅係側跟真係唔好試. 晒錢不特止(船或機o既維修),係同自己生命由關. 不過如果D新仔誠邀mkc 兄你出師又可能唔同講法. 我怕D新仔睇到你呢編o野以為可以一試, 咁就可能有新聞見報喇. 所以請mkc兄你見諒, 我唔係否定你o既方法

近期因為要準備航行實踐課程 , 未有時間解笞在較前所提出問題請諒 .
小心風之鄉己開始成風了 , 如經過風之谷後請大家小心觀察其動向 , 稍後再談 .

MKC c兄：
昨天到了鴨x街走了一次，看到專門海上用的對講機，售貨員說內已有全球海上頻率設定，這台機面是白色的也有注明了MARINE字，售價$1980。
另當日買了一對频率462有1WATT CHANNEL ，有無c兄用過后的意見？

ai.. No matter what's the output power, the 462MHz is not open for public to use. The 409MHz with

你要check一下有沒有96和99channel,因為遊艇用對講機牌照只可以用此兩個頻道和16頻道, 如果沒有的話便要搵人(舖)入去.

打大風落大雨 , 珍珠已離開風之谷(菲律賓)走去岸上食井水 , 本來它去海南 , 但突然轉舦吹向香港以東與台灣之間 , 估計珍珠不會正面吹襲香港 , 但它的環流雨帶即將影響香港 , 風力會在今日稍後增強同時暴潮已影響香港水域 .
無事唔好出海 , 記得將船加纜綁好將吹得動物件收藏或綁緊 , 如果唔係吹走唔見咗咁又要再買過 .
大家有無留意早幾日天氣 , 好熱好焗 , 大家有無睇過海水顏色 , 海面漂浮物 , 同視距的改變 , 天上的雲形狀 , 流水漲退波幅 , 如果有風濕的人覺得點樣呢 ,大家觀察吓 , 同時大家留意當颱風登陸時之流水情況 . 可能有些可觀察的變化已過咗 . 當風過後大家將觀察所知拿出來再討論 , 下次便可預測風的動向 .

以前科技未有現在咁進步 , 在大海時點樣知颱風風眼位置 , 同時點樣避開颱風 , 如果唔好採走入咗個風眼又點樣應付及點走返出來呢 , 如果大家有興趣想知道可提出來磨下牙 .

珍珠己進入本港範圍 , 估計將於明日中午過後至入黑前進入汕頭附近登陸後會消散 . 當風回南時風力不會有大太改變 .但方向改變船會轉向可能出現抓錨 , 當船變位時底會出現互相碰撞靠襲 , 或極接近岸等 .

甚麼叫做回南燙西 , 打風不回西3日便返歸等說法 .
點解會判斷明日下午後風會進入內陸呢 .
風打夜舊一詞又指可物 .
有無人話給大家知道呢 .

有無人知道甚麼叫天文大潮

轉寄： 加油時要注意!

很難得錄到這麼清楚的影像, 實在是應該要特別注意！
請仔細看完附件檔案就可了解油槽車灌裝時為何一定要接地
為何禁打行動電話(因電池接觸點易引起SPARK)
該女主角常磨擦衣服(毛衣)導致靜電而產生火花.
可見平時加油時的習慣不可大意,雖然濕氣重較不易產生靜電,
有一天我們到國外是不是也會注意呢.
如果你遇到相同情形該如何應變.

http://www.leesmetal.com.hk/gas_fire.wmv

條link 睇唔到?!

17-05三號風球 .
上午駛隻船由香港去西貢行咗成2個鐘 ,下午再由西貢返回香港快咗啲個半鐘到 ,呢一轉真係小啲經驗都死 , 一出南塘海峽睇下個海面啲浪高10幾吹啲浪坑長5/60吹 , 起晒浪花 , 平日見到的排位好似隻船行緊打浪咁 , 的浪打上個排到啲浪湧上去成3/40呎高 , 峷邊見刑白忙忙 , 啲後生仔當塘收聲見佢地好緊張面都青 , 隻150呎船拜神咁行 ,咁都未算當船行過白排後需要轉經火對九針行時 , 變咗食橫浪隻船左右搖超過20度有時達至30度 , 最衰吹西北風由紅火吹來 , 船向綠火傾斜超過5度 , 隻船跌落個浪坑度好耐先至返上來 , 個船個防搖缸起唔到作用仲增加自由液面衰多幾錢十分驚險 , 隻船平時好好舦而家都要用車去幫手舦啲後生仔手忙腳亂 , 好不容易駛到西貢 , 做完嘢後再返香港 , 未返去前問下佢地剛才驚唔驚 同時現時點返去 , 而家由你地作出適當評估返隻船返香港(其實返去比來客易因為己轉西南風同水干流) , 個個望著我 O 字咁個口 , 我比信心佢地來己來咗都無事驚的咁多最緊要有信心 , 我又唔係走咗去你地集體位作呢 , 以後出東海打浪唔駛驚啦 , 食這行飯始終都要面對 . 仲話比佢地知隻船的破浪能力 , 重溫實習大風浪航行法同改變船隻壓水艙水量 , 改變船的( G.M )穩點/重點/浮點問題配合協助航行 , 在航行時怎樣觀察隻船搖擺角度的變化 , 對船安全評估及採取預防措施 .

太Pro了!我諗如果我係船上，都會好似班後生仔咁驚，但最多扮鎮定。

如果可以跟mkc兄學下野，出下海就太好了。一定可以學到很多知識

考左牌都未曾揸過船, 又無門路, 我近西貢個邊, 有無brother有好提意。謝謝!

>> 考左牌都未曾揸過船, 又無門路, 我近西貢個邊, 有無brother有好提意。謝謝!

我舊年都有呢個煩惱，我深明感受。最後我計過最底都係參加"海x家"做會員，然後租會船。

Send個email 比我啦。See what I can do for you!

>>我舊年都有呢個煩惱，我深明感受。最後我計過最底都係參加"海x家"做會員，然後租會船。

Send個email 比我啦。See what I can do for you!

西門兄: Sorry late reply. 我收到你email, 因為出外旅遊今日先回HK, 明天會call你, 多謝!

呀, 還有一點, 我都是"海X家"考牌。

今次我提出有關機械問題了 ,大家有無嘗試過船尾機起動困難 ,如在海上回程時船尾機死火撻唔着 , 又或電池儲電不足點樣可以低電壓着車 ,如船尾機给海水踐濕後着唔到車等有甚麼江湖救急方法呢.

根據經驗如果個船尾機起動時通常都是拉風掣加強燃油混合比,但此法無效時都是唔起動,如果再撻連電池都無電估幣家伙.
此時大家可以嘗試將風掣放回原位,將油門加大然後再撻車,此法是利用化油氣,加強燃油與空氣混合在氣缸的容量,當火咀點火時爆火能量加強, (但此法不可常用)
同時如試2/3次後都不能起動時,應即停止因為缸內之燃油過量(濕火咀)此時需拆火咀清理及清除氣缸內過量燃油.
方法1用布沬清火咀燃油或用火烤乾(小心遠離油缸)
方法2用布將拆離火咀的條缸頂蓋住,拆除油喉避免燃油繼續供應,撻車利用氣缸活塞作用將氣缸內過量燃油排出.
完成後將火咀重新裝回,再加油撻車,當起動後再插回油喉,保持運行.

電池不足,可嘗試將其中一個火咀拆離後減低壓縮力,再嘗試撻車,如起動後,利用自充電及車頭熱後才可死火裝回火咀,再加大油空轉充電.

如船尾機给海水踐濕後着唔到車,可嘗試用電油將所有起動電器抹乾,待電油揮發時將濕氣帶離 . 記得注意此時嚴禁煙火.

此是經實踐的江湖救急方法.

mkc兄﹕
5匹機如果撻唔著，學你話齋又拉過風choke，又試過比少少油都係唔得，係唔係冇其他方法，一定要拆火咀出嚟呢?

tiger兄 :
方法係唔好拉風choke,俾大油撻車,可能我寫錯 .
資料不詳好難判斷.
單盤仔如個盤(氣缸)有事都幾難撻火.
撻車時睇吓個死氣出口有冇電油氣味.(如果有即無點火或爆火不足)
嘗試用手動繩拉車時試有冇壓縮感(即一吓重力然後又鬆).
如個副機好久無運行,啲油蒸發咗留低啲二沖程油在個盤內/火咀/同化油器個油杯內都比較難撻.試吓換火咀洗油杯後再撻.
或者個盤漏氣亦都幾難撻火.試吓拆離火咀睇啲火顏色可以知道個POWERPACK情況.
之後同用隻手指塞著個火咀窿,再撻車感覺吓有冇吸氣入去,同時有冇感覺到熱,如果有呢2種感覺,即係副偈仲可以行.(記得撻車時唔好掂火咀線).
如果樣都有恭喜你可以運動吓,不停咁拉呢,拉之前拆油喉.著車後唔好停RUN車RUN耐喲行順佢.
唔知可唔可以幫到你,唔得再講俾我知.

我成日都話香港是個福地,碧利斯又吹去台灣,其實過往根據資料颱風動向,慣性由年頭最初吹向海南島,然後按月份向北移至台灣,日本等吹去上海十分小,每年7至8月通常是香港打風季節(高峰期)但時代改變了,大家都是信天文台預報把啦.
但又講返轉頭估計今年颱風形成較早二年為多,小心福地(香港)會打風.

近幾日吹大西南出海小心.雷暴及季節風可達列風情度.不好彩遇上可用車用船頭頂風待風過去.

近期海上頻頻發生意外,趺落海失蹤/螺旋槳擊傷/船艇相撞/擱淺/火警等等多不星數,有無想過歸根究底問題出於可處呢.
大家去想像下自己的駕駛技術如何呢.
我本人有感而發,假期駕駛者的技術及危急處理經驗有幾多呢.
大家經驗不足想出去稍為較遠海岸又害怕,只有在近近地啲沙灘行下算數呢,咁在假期時近市區或近船艇停泊區之海灘等啲船艇聚集越來越多,意外出現是難免的.
憑本人經驗想道出航行駕駛方法,注意事項,安全守則及意外理方法,但唔知大家是否有興趣積極對待呢,請回應下吧.

當我們駕駛壹隻快艇時,坐在駕駛艙上駕駛在高快速行駛時,靠近船頭及對出位置為眼肓點,應指派其他人負責瞭望,同時在行駛時保持高度介備作出應有反應.

在今年中時在維多利亞港內有壹艘運油船約20米,行經鯉魚門近柴瀛避風塘對開時 , 因船上燃油已買完輕載回航入油,途用撞上正在海上之小釣魚船,導致60歲男魚民被捲入螺旋槳而分屍上身尚捲在螺旋槳葉中,而身體下半部份到現狂尚未尋回.
根據同在釣魚艇上其女兒聲稱,早上由柴灣避風塘往三家村避風塘途中,見到該艘賣油船正向他們行近,由於船速慢通常其他船都會避讓他們的小魚艇,但由於賣油船頭輕載己升起,肓點增加,在航行時並沒有留意四周環境結果導致撞船.大家想想如果你是杷方船員當時你的心情怎樣呢.
意外都是相方面多方錯誤,錯誤經濾積而產生意外.

下次再談mkc