>> Simon 兄
>> 你在何方?
>> 係開心興祝到吾識返尼?

可能有網友唔知有p.2，所以不如開個新thread啦。

第一時間響應!

mkc兄，等你覆嗰d天氣問題等到我頸都長過長頸鹿啦... 你知啦，我哋呢d自修嘅人好需要d師傅/師兄過d經驗比我哋架! 如果你得閒d呢，可唔可以逐d逐d咁開估呢?

係度重post mkc 的問題及我提出的答案:

>> 黠解咁鬼多問題 ,正一係問題老人 .
唔係!好有興趣知!快d開估啦! 試下答啦:

>> 西北石湖或打石湖是甚麼東西來的?
Don't know

>> 打風前的跡象怎樣?
風平浪靜，氣壓低

>> 甚麼是打夜舊風呢?
>> 本港颱風季節是由幾時開始及高峰期為何時呢?
4-10月，高期為7、8月間

>> 海洋流水對風的影響?
海洋流水會將白天的海水熱力帶走，反而不會形成低壓區。
相反，無海洋流水的地方，如菲律賓近赤道附近，低壓區容易形成，並稍後變成颱風。

>> 甚麼叫做回南燙西?
Don't know

>> 點解雷公趕雨呢?
因為雷電是由+及-的雲撞擊而成，而撞擊期間，雲自然衝散。
無雲自然無雨。

以上只不過係logical咁估。
Email: kwansks@delta.com.hk

可惜!
四條1之後未能再下一城,莫非正如someone兄所說,錢要俾人賺

雖然不能一次過pass，但我都想保持自修記錄。

如前所述，我自己缺乏實際經驗同操練，所以我想搵d有一級船主的網友作操練，唔知邊位可以幫忙?

我唔係唔想比$人賺，而係覺得無咁需要。而家口試一般收HK$5000左右，夠我肥10次都得啦!相反，我不如用呢D$同大家Happy左佢!

咁又唔係simon兄，錢真係要比人賺，睇o下比D教牌師傅定係水平高o既Friend啦。如果自學，真係要花比較長的時間同埋自己水平要高，否則真係錢落鹹水海，錢晒埋時間晒埋。你話5000大洋去考10次係無錯，但係你無計到晒o左幾多時間去排期同考試。加上有D問題無人提點，錯一世都唔知，個考牌官唔會話番個答案比你聽。所以選擇自學D朋友要量力而為，唔好不自量力去死衝，以為有信心就可以成功，唔係咁多Simon兄咁o既人

數是這樣計，概念絕對正確，考試費HK＄５１５一次,十次才5150蚊,更何況不一定要考十次，亦不是要一級牌搵食．
自修若不是找資料，學習，然後面對問題，解決問題（考試），算是那門子的自修？
若是甚麼都吾知，每事問，樣樣叫人提，叫人教，這樣同上訓練班，揾導師教有甚麼分捌？相信分捌只在於要俾錢同吾使俾錢或另一種形式俾錢，若果這樣都算自修，無疑自欺欺人．

老實講, 口試都幾多重點要記, 對住個考官只能答一次, 講錯左就立即肥佬, 你唔去上堂跟人學下做口試, 就咁去考真係唔知會碰幾多次丁, 加油吧!

Simon 哥
自古成功在嘗試 , 我十分同意 , 自修有好的地方亦有不善之處 , 視孚你自已點睇 , 自學可能會兜大個圈 , 無疑請師傅可以較為捷徑 , 如果你是為興趣而言越是追根究底越是興之所在 , 除非你無心機如果有的話點都是自學較佳因為轉大圈及須要追根究底 ,以我個人而言考試範圍大剛己清楚表明 , 政府出版的刊物亦寫出要領例如航例 , 海港圖 , 旗號 , 本地船長手冊等等....只是能否了解及知道 , 我都唔明大家考完牌後點解唔將問題拿出來討論 , 情願造白老鼠 .

謝謝mkc的正面分析，我亦當正係鼓勵。事實上小弟真係越學越過引。其實去年8月最初報考二級，都係想了結下多年來的心願(其實我86年讀大一已經想考，99年住坪洲時又想考，但結果都唔成事)，當時都無諗過會考一級。但玩下過引D，玩下又過引D，就行到呢度勒。我肯定我用响吸收海事知識的時間會比平常人多。

我噙晚重傻到去尖沙咀碼頭睇船燈。而且收穫重好豐富! 噙晚天朗氣清，視野甚佳。幾乎所有船種都有 - 機動船、>50m機動船、領航船、漁船、拖網漁船、拖船、>200m拖船、汽墊船、入境處船(HNN旗 ...當然擱淺、失控、吃水深等梗係見唔到啦! 甜品重有"幻海滿香江"表演、香港夜景同各國美女遊客...

重有，我返大學Library借本"A Guide to the Collision Avoidance Rules"，內面除72年避碰法則原文外，重有許多解釋同案例。不看由自可，原來口試有D問題，呢本書都有講...

不過，我當然認為有人教係最好啦!其實口試很像車路試: 1)不能重答，考即時反應；2)不能有"S"，一個即死。路試都一定要人教，同埋練習啦! (口試好D，起碼答錯唔會撞死人丫!)

不過我覺得我需要的，係一個tutor或者係mentor，唔係一個teacher，有無有一級的師兄肯幫手?

咁你出得起幾多錢先!搭車食飯都要啦

mkc及各位一級師兄，有一避讓問題想請教:

有一挖泥船出現在我船右舷三點，它左舷掛兩個黑球(即左舷有障礙物)。

正常避讓，我船應轉向右舷(綠火舵)，經它左舷，從它船尾經過。但偏偏它左舷有障礙物，那我應該怎麼辦?

(i) 停船，先讓它通過?
(ii) 仍依避碰規則，從它左舷經過，但留廣闊空間(但可能無廣闊空間)?
(iii) 轉向紅火舵?

請指教。

其實答問題除左要正確之外還要經常使用他們作答方法(口形)
你用自已方法答, 分分鐘會比人追問多幾條, 浪費自己時間

(i) 是正確的
呢部係扢泥船
見到佢,我立即減慢速度同離波, 望過船尾無船, 響三聲短啤臣,
開倒車倒停隻船, 等對方過左我艏船, 沒有相碰危險, 較回本船航向, 繼續駛向本船目的地.

遇難信號當中，以下4項我不很明白它們是甚麼，有無師兄可指教?

12. 有緊急位置指示的無線電標波所發出的信號 (EPIRB)
13. 無線電通訊系統發出的經認可信號 (SART)
14. 無線電報警報信號
15. 無線電話警報信號

simon兄,

真係佩服你,飯錢都慳返, 係呢到搵答案, 呢個係唔係你自修計劃之一o黎架!比d 意見你, 不如去圖書館或者係海員工會, 法例資料庫度搵答案. 我諗mkc兄可能會主動幫你, 不過要加長你去應考o既次數.因為要時間搜集答案! 努力 !!

>> simon兄,

>> 真係佩服你,飯錢都慳返, 係呢到搵答案, 呢個係唔係你自修計劃>> 之一o黎架!比d 意見你, 不如去圖書館或者係海員工會, 法例資>> 料庫度搵答案. 我諗mkc兄可能會主動幫你, 不過要加長你去應考>> o既次數.因為要時間搜集答案! 努力 !!

本來我都唔想回應咁多，因為我都唔明晌到切磋下問題有乜唔妥?先前有好多網友都係咁啦。唔知係我特別樣衰，抑或影響到一d人的既得利益?

食飯梗係無問題啦，食得幾多丫？但唔知係咪我蠢誤會左先前的意思呢? 原文節錄:

>> 咁你出得起幾多錢先!搭車食飯都要啦

我真係又去library 借書睇，事實上，d書(主要是英文 的確係pro好多，並非一般"師徒制"+"填鴨式"可比。

我一直都希望在這裡以船會友，無諗過係度搵著數。反之，我希望同大家分響一下經驗，回饋一下。但近來，我覺得呢個網已大不如前，亦確得可能影響到一d人的利益，所以，我決定暫時離開一下，直到知道情況有改善為止。

謹此多謝各位一直的支持(尤其mkc，身體力行 ，有時間直接email 我 kwansks@delta.com.hk，後會有期。

SIMON兄 , 各師兄及師父 :

Simon 兄之所見略同 , 我都是本著以文會友 , 全無利益但我寫的文字是我多年來心得 , 可能太深奧或大顯淺 , 都想太家回應一下作交流 , 但給我的感覺 , 好似對某一些人仕做成傷害又或根本無人想交流 .但無論如可我都本著誠意對大家提出問題作出回應交流 , 如不計較本人才疏學淺即管放馬過來 , 如想出海實習真才實料驚你呀!但是不可計較金錢利益等我才考慮 , 講真搾船小兒科啦己無咁大興趣 .

我都試下回應一下問題 .下列為本人對求救訊號之理解 , 如有錯漏請賜教 .

無線電報警報信號:
是十二長聱 , 每長聱四秒 , 長聲相隔一秒 . 這個無線電報警報訊號會使到其他船隻的無線電報機自動鳴響接收 .

無線電話警報信號 :
是類似(Bee Boo )雙音節的訊號 , 發放一分鐘以使其他船隻的無線電話自動警報器鳴響 .

緊急位置指示之無線電標波所發出之信號:
E mergency P osition I ndicating R adio B eacon
無線電緊急示位器(EPIRB) SOLAS CHAPTER IV REG.14-1
其用途是當船隻遇難時 , 能夠不停地以無線電之遇難求救頻率(飛機用121.5MHZ及243MHZ , 船用406MHZ及2182KHZ , 海事通訊衛星E型訊號1.6GHZ)發射 , 顯示該遇難船隻之位置 .
海事衛星(INMARSAT) , 救援衛星 (SARSAT) , 鄰近之飛機及船隻 , 與岸上的鑑察海難訊息中心(MRCC) , 都會收到該遇難船隻發出的訊號 , 並能定出該無線電緊急示位器(EPIRB)的位置 , 將有關資料立即轉往最接近該遇難船隻之救援控制中心(MRCC) 作出最快之救援安排 .
EPIRB 的規格:
1要有高能見度顏色 2 可供無經驗人員使用 3 可供人手啟動及關閉 4 容易測試及維修 5 電池12個月內不須更換 , 包括測試時所耗用電量 5 防水 , 並從20米高處拋下海 , 能浮起而無損壞 7 要有發出訊號指示 8 內置電池應與結構完整 , 可供48小時不斷使用 9 可測試若有需要其電池可在12個月內更換 10 能夠在船隻下沉後自動脫離固定裝置及自動操作相繼連續發出121.5MHZ及253MHZ , 406MHZ及2182KHZ , 1.6GHZ訊號 .

無線電通訊系統發出的經認可的信號 , 包括救生艇筏雷達應答器 :
這些訊號是全球遇險及安全系統的無線電訊號 , 在指定頻率發出數碼選擇性呼叫(Digital Selective Call)簡稱SELCALL . 因此在甚高頻無線電話中頻率70不可作通話用途 , 否則防礙真正遇難的船隻發出訊號 .

# (MRCC 國際救援控制指揮中心)
# (無線電話 : 海事無線電對講通訊機)

SIMON兄 :
唔怕貨比貨最怕唔識貨 .

mkc ：
你是否是專業導師，你的文章真是可出書本。
我真是很高興在這裹可免費上課！

打風前的跡象怎樣?
在珍珠未影響本港時大家是否有留意酊天氣之變化 :
1 在海上見到遠處之景物比較平時所見為近 .由於低氣壓所產生菱鏡效應
2 氣壓錶明顯下降　．
3 天上之高層雲雲成勾狀或魚鱗狀 . 中低層雲移動較快 .
4 天氣時晴時雨 .
5 海大潮比平時稍高及快 .
6 海面出現浮游生物較多(俗稱沙魚屎)啡白色隨流水漂浮 .
7 海水變黑 .但不是污染 .(水底熱)
8 天氣焗熱 .
9 風吹向東或東北風 .
以上是水上人家觀察所知 , 舊時天文台沒有現時之準確 , 各家都有其睇天方法 , 如有更加多方法請提出來大家談下 .
現在大家都是信天文台之天氣預報已十分準確的了 .

mkc兄﹕我見到果啲沙魚屎，但係唔係好點解會出現。可否再解釋一下? 謝謝!

已Pass。特別鳴謝mkc、Brian、細興、一級船長、Tiger...

恭喜晒:)

考咗牌係咪手痕痕好想揸船呢,我初考到時都係咁.

恭喜simon兄!

>> 考咗牌係咪手痕痕好想揸船呢,我初考到時都係咁.

係呀，有手痕呀!有無師兄有門路可租到30呎以上大船
可以比我實習?

SINOM :
有冇想過夾份買船,可惜我冇錢,同時揸機動船大多所以興趣不大,如果有帆船賣,我當咗條底...去買,最多唔食飯去釣魚食.

mkc，如果您記得，我去年冬天已希望係呢個網廣交好友，繼而合股買船。奈何您睇道啦，都唔晒我多講啦。似乎呢個如意算盤打唔響。

My 25' flybridge has not been touched for good part of last year. If MKC & Simon wants you can take out for a ride at anytime. I don't mind if it ends up damaging or what because it would be a great excuse for me to buy another one (I fancy the Proline Series as it has been too much trouble moving up and down the flybridge even though I have Windlass, probably too much for an old man like me). Mine is rest ashore at Haber Haven. Drop me a mail if you are interested.

What an interesting proposal. mkc: interested?

SIMON:
非常開心，成晚訓唁著，有消息盡快請通知我．

出海記住預埋我呀!

Tiger兄
點聯絡你

何為保持航海及速度,對含意為何呢.