我架船油箱喉管有野壞，去唔到發動機，好煩，因為上手無留地方修理油箱，我好煩，現可能買個外置油箱玩著先
唉~~~~~

Hong，有無野需要幫手?

Hong兄
近日好媽？你终於開動你的快艇，大陸的工作忙不忙，我今天都需要往深圳去工作，有時間我們可相聚一下？

hong兄:
你架船油箱喉管有野壞，去唔到發動機, 通常都是油路問題,
1.手動油泵(即膠波)內設計有一個止回閥 , 該止回閥如積有淤塞物可以更換 .

2 繼續檢查清理所有燃油隔沙 , 通常在油缸出油口/化油器入口或電油過濾器前會有安裝 .

3.輸油喉間轉彎位置 , 可用士巴氧鬆開觀察各段油喉輸油情況 , 完成後可以加小量水喉膠布重新裝回 .

4. 亦可以嘗試用水壓灌通法 ,利用手提試水壓泵接駁油喉將清水灌滿油喉後加壓打通油管 , 或續段拆鬆油喉接駁位排出淤塞物 .

5. 嘗試拆開油缸出油口位置觀察油缸是否有油出 , 如果沒有是油缸內積存淤塞物,拆開油缸維修井蓋清理 , 或在油缸內放條鏈落油缸內,將隻艇搖擺利用鏈的磨擦將淤塞物及鐵銹擦鬆再油電油沖洗後放出 ,隔離雜質後重複多次 , 效果顯注但必須用幼細短的不銹鋼鏈 , 當完成後取出 , 須預先用繩綁尾方便拉回 .


緊記----電油為低燃點易燃液體---記得防火安全任何明火等均須隔離 , 工作完成後清理船隻後再用水沖洗 , 特別小心船艙內積存有可燃氣體 .

如有不明處或成效如何可再提出 .

真係多謝各位回覆，日前因為9個月無用船，化油器塞了，call suxxki 維修，suxxki的維修比我想像好和便宜，而且那位兄弟極盡責，打散回去廠修理之餘仲話我架有那些船身問題(唔係佢engine)
試了兩次船包換埋火咀，拆晒化油器翻廠慢慢弄，才1200銀
一日後，他弄好所有engine野後他自己落水試船，我無去，試機一切OK，點知回程途中死火，無電油到，佢檢查過後用自己後備電油箱仔回航，回來電話告訴我是我電油箱塞左，唉，佢又打開船地氈檢查，我船在三年幾大修，新做蜂窩千維地板無留油箱維修孔，唉，佢話整唔到，唉，好慘呀.....
我又無時間理了，現又一個月，engine一流，但無電油到
可能買個外置油箱玩著先喇，唉

架2002年BMW私家車，冷氣又壞，唉，乜都壞,架車仲唔知乜壞，短期熱死，看來是冷氣的電腦死了，要等幾日去試，唔想翻BMW整，否則可能成萬銀

公司又忙，煩死，但多謝各位

BMW有事，可上寶馬谷網上問人，我平日亦這樣做。

Hong，我同mkc傾過您架船的問題，如您無意見，我同mkc可以免費同您睇睇。mkc係非常經驗老到的師父級人馬。當然如果件壞就要收番零件費。至於我，則當然在旁做亞四。

有興趣就電郵或比電話我啦。

多謝晒，現時已買外置油箱玩住先
這排好黑仔，上兩星期又在大陸玩單車跌落黎，弄到手爭腫晒，成掛著三角巾掛帶，無開車要星期，一去玩船，隻手爭又痛翻....唉

看看時間安排，大家玩翻轉，油箱能看看就弄下，我早前都無晒心機，現心情較好，架車終於無冷氣兩星期後修好...現在只是手爭