遊艇老友交流站

歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。

如需刊登私人買賣租賃廣告,煩請使用免費買賣/租賃專區
亦歡迎電郵本會 info@hkyacht.com.hk 查詢交換買賣廣告專頁費用

遊艇老友交流
Start a New Topic 
Author
Comment
海下

死得,死得!朋友話海下係禁區,但我已經下下帶小朋友入去兩次,捻返又真係有黃浮標喎!請問
1) 海下係咪禁區?(咪鬧住,我個牌好彩考返)
2) 點解兩次入去都唔見有人理?就算有海岸公園船經過
3) 有無人捉呢其實?
4) 捉到又會點罰?

Re: 海下

定o的o黎! 最敝o米最多即捕即解,徐非你整劑生態大災難就另計啦!
以我了解,海下灣是劃為海岸公園,徐要循從一般郊野公園的規範外,更要注意:
(1) 任何動力船隻在其內不得超過10 knots 航速;
(2) 不得污染或掉棄垃圾;
(3) 儘可能或避免下錨;
(4) 不可捕魚或捕捉生物; 更千萬不要在貴船上執拿捕魚工具,瓜田李下,有排你去解畫的。(我就試過要解畫才可放行!!)
總之,大家要好好愛惜這些買小見小的海岸公園吧!!

Re: 海下

多謝四驅友兄回覆,照你所講,即海岸公園係可以自由出入,但有限速而已。
好囉,己驚連人帶艇俾人通輯呀!
其實係海下玩浮潛都幾好呀,又安全,咁環境,當然全力支持保護生態啦!

Re: 海下

I have snorkle dived in Hoi Ha a number of times. Very beautiful with the sun. U can anchor but only at designated areas. Otherwise you will be fined by the Marine Park Warden. U better check the details before entering. More importantly, the Marine Park is for all of us and take utmost care not to cause damage to underwater life. It is a pain to see those sampan operators from Nam O taking out hundreds of people from the shore with any respect to wildlife conservation.

Re: 海下

I mean "without" respect

Re: 海下

我都試過去海下潛水,都ok架,但梗係冇海外咁多嘢睇啦。潛水會叫我地帶埋身分證出海,落水之前交比船家看管,話有時會有差人check船上各人身分證,同埋睇吓有冇超載喎。海下有幾處珊瑚群落,我地隻船要先放低我地,再响遠處許可區域下錨,以免犯法同破壞啲淺水處嘅珊瑚。
碼頭旁潮退時就可以見到珊瑚,大家埋岸時請小心。

Re: 海下

請問各c兄,於海下近碼頭旁,有些由浮泡圍住浮潛區,有紅色及小量綠色浮泡,我第一次入去時就睇見有船綁在綠色浮泡,所以我又有樣學樣搵個綠色浮泡綁好后就帶小朋友游去睇珊瑚,唔知咁又有無犯規呢?

Re: 海下

漁農處海下灣詳圖,有齊泊船及禁區位置:

http://www.afcd.gov.hk/tc_chi/country/cou_vis/cou_vis_mar/cou_vis_mar_des/files/hoi_ha_map.pdf

你自已看看罷,我船未去過,搭車就去過玩。

Re: 海下

嘩!阿 HONG 兄,簡直感激流涕!而家知當日誤打誤撞又綁對綠色浮泡,以后d仔仔就可放心入去游水啦,thanks ...
係呢,點樣搵到呢幅地圖?重有無塔門一帶呢類地圖可以搵到架?

Re: 海下

請各位愛護海洋生物,勿胡亂讓小朋友進入珊瑚區游泳,浮潛人士更不應站立於珊瑚上,徒手潛水及水肺潛水人士更應受適當訓練,掌握適當技術,以免破壞珊瑚.

Re: 海下

25通兄,你可以入漁護署網站睇下,裡面「海岸公園」部份有齊你要的資料。

Re: 海下

Sorry,冇塔門地圖,但有其他海岸公園地圖。小弟居於港島,想睇海圖時會到中圖5樓地圖閱覽室借閱。

Re: 海下

25通版友:

大家唔好客氣,我是這版長客,歡迎你一齊出文,,我對上網search 好熟,無論我的生意或興趣要 search ,我用得好熟,幫你上漁農處按兩下就找到海下灣地圖連解說。

至於其他地方的地圖或海圖,提議去地政處或海事處買,我買左好多,西貢政府合署的部門有賣,我都忘記是什麼部門了,總之我在西貢政府合署買齊所需,我架船有齊西貢及附近海岸的地圖。

Re: 海下

一級船長,保護海洋生態當然應該,但係,嘜小朋友就唔應該去睇珊瑚?當我個仔仔睇見有咁多珊瑚同魚,不知幾開心,重問好多問題,而呢d時候就係做爸爸教小朋友環境生態,海洋知識最好時候,點都好過對住個 TV 教掛?
你講到好似小朋友入珊瑚區就一定會破壞環境,我就唔係咁認同,我個小朋友入去兩次都循規蹈矩呀,唔見得有問題(包括無踩過珊瑚),我覺得係睇大人點教。
會唔會係你見過一d情況好差呢,講黎聽下,以免我地,唔知幾時做d事都唔知!

Re: 海下

Thanks Hong & Tiger 兄,有時間就會去兩位所講地方睇睇。

Re: 海下

剛遊覽完全港海岸公園 (係漁農自然護理處),突然想起有次在印洲塘海岸公園外圍釣魚,至下午約四點五十分,有艇居然在海岸公園裡面打網仔,當時自己艇上的釣友均感驚訝,點解可以係裡面落網!我們估計係公園管理員下班后變成無王管!
想問一下,下次再見到這類情況,可打什麼電話,或可以做d嘜?
唔好話我知打999呀!真係蚊都啦

Re: 海下

依家既海下灣相比廿幾年前去露營時候所見景色,真係有d慨嘆。以往退潮的時候,可隨手拾起海星,到處都是蜆蟹。假如潛泳到棺材角,海底世界真是叫人目不暇給。聽說當年有一教會會友在那裡被鯊魚吞噬,令人猶有餘悸,也是香港第一單有關鯊魚人事件。 不過如果見到人惡意破壞,打999都冇用,因為就算等得水警嚟,好多野都已經救唔番,所以見到呢類人應該將佢掟落海餵魚,話晒都算係回饋大自然丫嗎!