想問一般的船尾機遊艇可否安裝冷氣, 若可, 請問需要什麼設備.

同時, 想問這裡的網友, 有沒有人裝過.........唔該.

若果真的有需要裝冷氣，是可以的。但電力來源當然不應是從船尾機來的。最好到新填地街近鼓油街一間賣發電機的公司買一個220V電油發電機。藍色，很細小的，約一呎長，一呎闊。

以本人愚見, 技術上在稍大的船是可行的, 細船縱使係有cabin都無位置啦. 何況出海係享受陽光與海灘. 嘆冷氣不如返屋企. 如想晚上過夜時無咁熱不如裝把12v電風扇. 況且, 著發電機開冷氣係好嘈架!幾靜o既發電機都未必訓倒好"覺". 用手提式發電機要放室外, 如果唔係就等同燒炭. 我勸你不如換大D隻船啦

問非所答(好似先排有人問船可不可以裝電視一樣)。遲早又比人丙一鑊。

以上兩位師兄看來並非"答非所問"，可不可以安裝和應不應該安裝可算是兩碼子的事。首先網主回應的是可行性問題，而someone其次回應的技術性建議。 至於在船上可不可以裝電視的問題也都是可不可以裝和應不應該裝，但我曾經看過有船隻安裝衛星電視，雖然可能在航行中不能接收，但睇DVD恐怕冇問題掛！

我響前兩日幫個女沖涼既時候佢問咗我一個問題，佢問：「爸爸點解你有一個"啫啫"，我可唔可以有一個呀？」 我答佢：「你係女仔咪冇囉。」佢話：「格離屋細佬仔都有一個啦，你整一個比我丫？」 我同佢講：「你整咗一個唔好睇架，你個樣咁女仔，如果整多咗一個"啫啫"會比人笑你架。」佢再問：「乜會比人笑既咩？」 我就同佢講：「梗係啦，上帝design出嚟原本係冇既，你無啦啦整到古靈精怪，比我都笑你啦。」 跟住佢就話：「爸爸，原本咁架，我唔整啦。」

我覺得小朋友真係好直接，唔識就問；反而大人(包括自己)有時怕比人笑唔識就將問題好好收藏。 《禮記.中庸》:「好學近乎知,力行近乎仁,知恥近乎勇。 」意即知道何謂羞恥,就接近於真正的勇敢。敢於發問，又為何要丙呢？

多謝你們的回覆, 我會深思考慮, 唔該哂.

細佬兄，您有所不知喇。有d人係9唔答8，我當然唔係話網主啦。早期d師兄就知我講乜勒。

稍安無燥，避免再次引起罵戰，有失私交，大家在此交流經驗心得，各人都可以發表個人意見，但如果某些人經常針對作個人攻擊或不接受其他人的意見又或對發問者不禮貌對待，一時之口舌之快，是否有理到他人之感受呢，這樣怎可以提起他人在此發表交流的興趣呢。

mcb兄只想問一般的船尾機遊艇可否安裝冷氣, 若可, 請問需要什麼設備.同時, 想問這裡的網友, 有沒有人裝過.........唔該.

此問題好平常，唔識唔明問吓啫，點解會比人笑罵架，唔好自以為是，對其他人的問題覺得幼稚而取笑呢，係咪應有人企出來主持吓公道。如果唔係邊有人再睇、敢再講、敢再問野呀。請接受吓他人之意見吧啦。

MKC兄，幾時都變夜遊人？

先表明立場，唔覺得mcb問問題是有問題，因為正如MKC所講，唔識就問都好正常，唔係post d 嘜先呢？。
其實網主第一句已經講得好清楚"若果真的有需要裝冷氣"，其實someone兄有無睇清楚呢？
而細佬兄提出"可不可以、應不應該"就更加"應棍"，已說明網主及someone只係企係唔同立場去表達意見，大家無需過份敏感，當然，如果每位c兄係表達竟見時候，如果可以稍加注意用詞，咁大家又的確係會睇得舒服d，不過someone有一點又真係，手提式發電機又的確係幾嘈下，我點知，因為我以前都有一部囉。
另外，作為呢個網一個新人，我亦希望係呢度結識朋友及吸取知識，對呢個網及其他網友尊重，應該係任何一個討論區應持態度，而呢d亦只不過係尊重自己基本工而已。
p.s. 抱歉我自己用詞亦未必恰當，又粗俗，不過呢期我都睇緊老子，有時間再向細佬兄請教中庸 :-)

每人都曾有接觸新事物的機會。就正如每人剛考獲船牌時那股興奮莫名的心情一樣。
當你買了第一艘遊艇，首次試航日，你會於回程時刻意將船抹得很美，還會構思如何將遊艇改善...離開前，你更會依依不捨地，不想回家，甚至有衝動想在船上過夜，與她建立更深的感情關系。因比，又會聯想到加廁所，加艙燈，加冷氣，加爐具，加淡水，加魚具...這就是玩遊艇的樂趣了，因為她帶給你無限的聯想，夢想及理想空間。當你高興時，失落時，也希望有一所舒適的地方給你休息一會。對嗎？

這是一個給人自由分享的地方。有新人加入，我們該是高興的。多點包容吧！其實討論發電機都是一個新話題，我們從來沒有在此討論過，會有很多學問交流的，對嗎？

快艇安裝發電機不是無存在的。單在白沙灣也有數艘船安裝過。當然最終有無開冷氣，係另一個問題。我所描述的小型發電機，更是漁民常用在“登件”上安裝的其中一種，用來在夜間開一千火大光燈捉墨魚的。有見過嗎？

想問一般的船尾機遊艇可否安裝冷氣, 若可, 請問需要什麼設備.
同時, 想問這裡的網友, 有沒有人裝過.........唔該.

船用冷氣通常是利用運水式冷氣裝置,獨立機車帶動製冷壓縮機，因此需較大空間,所以綜合安裝在機艙下,利用海水作冷卻系統,而風槽,出風嘴及回風嘴等設計都需要空間安裝,同時耗電量大發電裝置輸出亦要配合,此類冷氣通常大型船隻使用.

而有部份中小型船隻利用普通冷凍劑分體式冷氣機取代，散熱及壓縮機組安裝在船頂或船尾不阻礙位置,將冷凍喉，回熱喉等經船艙或船旁引入所需艙房位置，但此非原廠設計外觀較差，同時散熱及壓縮機組極容易受咸水侵蝕影響其壽命．

根據提供有限資料顯示，(船尾機遊艇)一詞，判斷閣下之船非舢舨型，假如是雙層式設計，應該是想在下層位置安裝冷氣．

我曾經接觸過安裝冷氣，雙層式而下層有間隔的小型游艇上．其設計亦非常精緻．
首先將下層船尾開放式位置，加裝活動膠布封閉防止冷氣外流．
利用小型旅遊巴士（２４坐位）採用的獨立式冷氣機組（已內置有油渣機帶動製冷壓縮機）安裝在船尾新加防水箱內．
冷凍劑冷熱喉利用不銹鋼喉管導引，巧妙地收藏在船旁板內．
出風口即如一般車用類型以１２Ｖ風扇帶動摩打吹出冷風．

特別之處安裝在船尾新加的防水箱，可減小噪音．
外殼玻璃纖維製造,內部裝有隔熱物料,
在箱左右及背部以抽出及抽入方法,安裝多把強力多葉式風扇散熱．
另備有相同呎碼防浪冚蓋,當大浪時可將其完全封密用途.

最特別設計在散熱風扇外之防海水浪花入侵設計部份,聽講是根據外國某廠商船用通風系統.設計的.

不能以劃圖示,我只能盡量形容其精密設計,(未勿貼切如果唔明可依貓給我).
利用多條直立式呈之字型膠板條, (外觀好似扇板樣)前後重疊安裝其間隔距離約半吋, 之字型板條後平面膠板,頂部為吸風或排風口,底部有排水孔洞,
用途將海水浪花進入時之字型膠板條可將大部份海水收集向下流出 ,而.之字型板條後平面板將海水全阻擋而向下流出 .

希望大家明呢,我寫到好似自已都明知寫什麼 . 或可依貓給我劃出來睇下或者好些.

我有計!

吾好意思,今日至知有尼個Site.一部熊貓牌3k發電機、一頓冷氣水砲、泠C0iL加6寸抽風扇(TUrb0)形台灣統一牌、匹半壓縮機5515EXN、2個船底閥加水隔、(溫度開關、銅喉、回風口、出風口)等等! DC24v我仲堅!R134a!!

嘩 ~ 勁 ! 鍾意佢夠晒土炮 ~
全套要幾大地方先安置到(同$ ?) ? 兩個生倉掂唔掂 ?
裝工又點計 ?

咪話冇可能...
一部二手熊貓牌3k發電機大約幾千元(單盆、水冷、行油渣)夠安全,行理箱貢大,生倉一定放得落,
一頓冷氣水砲800.00
泠C0iL12寸×11寸 1200.00(同喉加左賈)
6寸抽風扇(TUrb0)形台灣統一牌 800.00
匹半壓縮機5515EXN 750.00
高底壓保護制 250.00
2個船底閥(要有慘,吾系有空氣)500.00
膠水隔200.00
溫度開關 110.00
銅喉2、3分加6分朱腸喉500.00
回風口、出風口可訂做200.00
水泵DENS0 800.00
裝好放落第2個生倉,一入一出水喉,搞掂,到時你想吹边道,用6寸石紙喉0k!
下次在講電線點接,打到手到軟!

世上無難事，只怕有心人~ 這個世上沒有不能達成的事，只要有決心去做才能完成。這個主題都己有好些日子，由夏天吹到冬天，居然仲遇到這方面的高手，好野！
我前幾年試過幫自已部車換壓縮泵、入雪種....雖然問咗人跟足menu去做，但係見到d紅色警告字眼都好鬼死驚，話晒都有番咁上吓高壓，一個唔該好容易閤家富貴，老婆即刻可以去保險公司收埋條尾數呀...

裝冷氣真係易學難精,經驗係好重要,如果照足menu一定死得,喉長喉短自然不同,散熱好壞壓力又不同,天氣,水溫壓力又不同,自組配件又吾同,泵大C0iL會變雪,泵細吾夠凍又CUT,不過人人曉裝,我就餓死了,

o拿，正面的討論，一定有fans。多謝電王的介紹，好有創意，相信會有人嘗試安裝。有無圖解詳細介紹呢？

我近日都想介紹一部小型發電機比大家。體積約只有10"Wx 12"Lx 12"H，好寧靜，好輕，可輸出220V及700W交流電，用來睇電視，用電腦，大光燈釣墨魚，音響都可以，當然推冷氣就唔得啦！不過最吸引就係價錢，只售980元正，鴨利洲發記有售。

鴨利汌發記o係邊ga? 可唔可以俾詳細地址, 我有需要用發電機呀! 係咪入工業電油就得? 唔該

如果淨係開電視或者係大光燈，我就選擇用12v 轉220v o既inverter喇，又安全，又寧靜(近乎無聲)不過就要搵舊大D o既二手電池差滿電。玩晒D電就訓覺，無手尾，行船果時差爆佢。價錢重平D添!唔駛開冷氣o既就諗o下呢番啦

如果手頭上有0的錢,就加塊太陽能板义電再用inverter,不過都幾貴.

huh ?
"inverter" 係乜傢伙 ~ ?
可以12v 轉220v 咁勁的話相信舊12v 電咪祇涯到3 、2個鐘 ?
但可以"行船果時差爆佢" ?
這個嘛 ...... ???

12VDC轉220VAC係可行，不過有點風險，就是好快無電。而且仲要電容量Amp數足夠才可，即可能要多個電池並聯配合。買部小型發電機就要幾多電，有幾多電啦，體積都相等於一個電池般大，有著數啊！

NK兄，請你不要針對人，好嗎?Kevin版主都好大方呀!
如果你唔知inverter係嘜就舉手問，大把高手答你。
至於你話 "可以12v 轉220v 咁勁的話相信舊12v 電咪祇涯到3 、2個鐘 ? " 好明顯你係知inverter係嘜但係你就覺得得果3 、2個鐘唔掂o者。我就話睇o下你駁嘜啦，駁電視機, dvd 都有排睇la，
d照墨魚o既"登件"都係咁做生意啦，都唔知你駁嘜搞得果2-3個鐘。好明顯你果個係細電池。至於差電問題"行船果時差爆佢" ?
這個嘛 ...... ??? - 雖知行船果時係high current quick charging, 差唔爆都差返7, 8成啦，唔通你諗著幫你搞掂晒咩!況且你唔係舖舖都用inverter嘛, 係咁就真係裝部發電機好過囉!!!

至於回應kevin版主，我唔係反對裝發電機，須知呢個係取捨問題。
用途係用於低功率交流電器- 例如睇電視，dvd，我個人認為安全至上，我會選擇inverter，遊樂船都係要o黎玩o者, 況且而家D inverter都好高效能，大家就住o黎玩總好過一次意外輸清光。
至於冷氣就.........

以上都係本人對此事件的意見，並無針對某人發言而作出無稽反對

不要太敏感吧！NK都只係寫了幾隻字，相信並非針對任何人。而且，我們都只是介紹以不同方法產生電力，其優點缺點等問題，供大家參考，而並非要讚成或反對某種做法，因為只要處理妥當，任何一種都是安全，處理失當，則所有都不安全。

係咪呢排天氣凍，大家打得邊爐多攪到咁燥呀！ 我諗NK兄冇野既，只不過大家表達方式同諗法唔同啫，所以kevin都仲繼續支持佢原有既發電機建議。

我好耐以前都己經開始用inverter，佢的確係好方便，尤其響郊外了無人煙既地方開工，雖然帶備發電機，但有時開夜為咗著支光管又或者用把電鑽，唔係吓吓都開住部發電機攪到鬼殺咁嘈、又耗油。試過有次帶住個女開車穿州過省，因為我部van冇裝電視，我就索性將屋企個19吋LCD mon同埋部有VGA output既DVD機帶上車比個女睇，全程行咗四千幾公里果然冇咋型。

至於inverter都有分好多唔同既Watt數，細到幾十瓦大至成千瓦都有，但瓦數大就要直接由電池接駁，但總括來講都係要視乎用途同實際情況而決定究竟用inverter定係generator。因為如果著住車基本你個interver有幾大就出幾大，引擎自然會叉電，就算開支500瓦既小太陽都仲掂，不過熄咗車就要就住玩，出海一個唔該玩大咗都相當麻煩，但係要搵多舊大啲既二手電池差滿電又可能有難度；假設你響岸上叉滿電再將舊電搬上船，除非你有一雙強壯既臂彎，不然恐怕你輕看了所謂的大電池到底有多重。其次，若你將電池以並聯方式接在船上依靠行駛時叉電，這要視乎你個alternator到底可唔可以承受多一舊電的負載。當完成充電以後需要立即將並聯分離，不然其他受電配置將同時消耗並聯上的電池，這便失去了原來意義。

我曾經有部舊車試過走電(短路)，我走去買個jumper駁埋一齊等我有電著車，而每次熄車之後都要將個jumper甩開，不然就連個jumper都冇晒電，但結果我都試過好多次忘記將個jumper甩出嚟就走人，最後我唔係整電路，而係劏咗佢一了百了。


而我個魚民朋友既登件係用一舊10吋左右既電池，再駁一盞12v車頭燈加個不銹鋼兜反光，就咁用嚟照墨斗，可以用成晚都冇問題，咁又搵到餐飯食。有時土砲都有佢既生存空間，最緊要響有限既資源條件下發揮個人既創意。 我響屋企就試過用一個12v車用電冰箱入滿水，再用水泵將凍水用運送到cpu的core做水冷超頻，結果相當成功。所以我諗如果以水機形式做冷氣都冇話一定冇可能，廣告都話「只要有夢想，凡事可成真」丫嗎。

噢 ~ 叫人以為在玩針對 , 小弟實在有不是 , 多謝 someone 提出好讓小弟可反省發問時之形式語氣 ~ ! (更多謝 Kevin 、細佬知我也 ~ 感動 !)

哈哈 ~ 實情小弟呢 .... 從未見過聽過inverter , 3 、2個鐘祇憑空推算 (睇 DVD 一套至兩套戲?) 事有湊巧 , 今日入元朗辦事 , 一落車見有間電器用品店(有鉗形他錶一類), 膽粗粗問老細有冇inverter , 可將 12V 85A 水電轉 220V 用 , 可能嚇親老細 , 佢用高8度聲答曰 : 85A ??!!!

Inverter , 有 , 原來係一件類似汽車擴音機再細少少 , 但祇得 5A 700 watt , 四佰幾蚊~ 我一直以為可以駁水電 ,咁件 inverter 一面應該好似過江龍咁有兩隻大鉗 , 一正一負 , 另一面應該有個拖板可插三 、兩個三腳插電器 ~ ? 定還是可能呢舊 5A 700watt 祇合車用 ~? 亦唔明 , 如果可以行船(車)時作叉機用 , 舊水電咪永遠有電(直至銅板打柴) ? 不過已經唔好意思再問老闆 ~

而小型發電機方面 , 則較易明解 , 經濟效益嘛 .... 唔識計 =.=" , 不過肯定方便 , 唔駛的住舊水電上落 , 小弟12月6號先捧o左舊落船 , 好甘 ! 當然睇情況 , 放嚮架3米(仲要係橡皮o個隻
)艇上又好似唔太安心 ?

如果可以 , 我諗住將依家舊駁緊220V o既叉機改(加)上三腳扁插 , 用小型發電機推動 ~ 點解 ? 原來件o野入水位積滿蠔宿躂唔著 , 連累兩舊水電連月冇得叉 ~ =.="

以前邊位大哥講得o岩 , 多o的 fixture 用就盞多D 機會修理 ~

要衡量衡量喔 ~

你地吾好曹呢!我有個客係美國訂左一部輸出有220v∕3000W inverter,到時比張相你地睇好嗎!

又係咁收場自己人打自己人.

嘩~ 咁多位乜咁大反應 , 小弟真心回應為學o野, 祇恨玩開 blog 呀 、MSN 呀 用開 emotion , 呢度齋用文字唔識表達心意 , 再次向各路高人 say sorry ~
亦真誠向 someone 講句多謝 , 小弟睇番自己以前出D post 呀 ~ 回應呀 , 見態度流於浮誇 , 對新朋友o黎講都幾乞人憎 , 見 someone 在此一直監察住 , 到適當時候就會出聲提點 , 就讓小弟改善改善吧 !
回正題 , 電王呀電王 , 等你張相 , 不過若然再提供多點資料就更好了 :
1)若以你所述之220V 3KW inverter 駁 85A 水電 , 可堤供之 AmPH 會是多少 ? (再實際 D 運算 , 如睇電視 , 加 DVD 機一類可用到多久?)
2) 若水電用罄 , 如何用inverter 叉番滿電 ? someone 亦曾提及行船時用 quick charge 形式 , 那應該是要將 inverter 調較至產生出僅約高於 13V 之電壓 , 但inverter 本身又要有電推動才行啊 , 其運作原理小弟真的無慨念 ~

inverter 只是將直流電轉成一般市電(交流电220v),不能用作叉电，要計inverter 同电池的电量功率: 例如 220v/1000W output inverter, ouput 有1000/220= 4.55A
假設inverter之效率是90%, 當inverter full load 時之电池电流是: 1000W/0.9=1111W/12V=92A, 通常市面之INVERTER如超過500W, INVERTER之INPUT電壓是24V或以上，假設此INVERTER之INPUT電壓是48v, 當inverter full load 時之电池电流是: 1111W/48v=23A, 又假設用85Ah电池(85Ah=該电池可以用85/10=8.5A放电10小時，放85A通常只能放35-40分鐘),即4个电池串接，可以大約用电2.5小時.

Quote NK：「小弟實在有不是 , 多謝 someone 提出好讓小弟可反省發問時之形式語氣」
若NK都已經作解釋和致歉，毋須繼續將事情諗得複雜化呢，大家一同討論，有多少火花總好過唱獨腳戲哩。

回來看看這裡，在ebay你可以睇到各式各樣既inverter，圖文並茂、任君選擇。

http://search.ebay.com/search/search.dll?GetResult&itemid=120070830755&itemsiteid=0&itemstate=1&query=3000%2F6000+Watt+Power+Inverter%2C+12V+DC+to+220V%2F240V+AC&sibeleafcat=85805&sim=y&ssPageName=VINS%3ASIM

回NK一問，inverter稱為反用換流器，即平常慣用火牛的相反作用。kakit 解釋得十分詳盡，就連條數都計埋出嚟，好野！(3000watt的inverter都有12v,但市面有售的款式不清楚) 至於你話當水電用罄點樣叉返舊水電，我之前都有提過；就係利用船上引擎帶動既發電機，以並聯方式接駁到原有電池，但要視乎發電機可唔可以負載多一舊(大)電池。

quote 細佬:「假設你響岸上叉滿電再將舊電搬上船，除非你有一雙強壯既臂彎，不然恐怕你輕看了所謂的大電池到底有多重。其次，若你將電池以並聯方式接在船上依靠行駛時叉電，這要視乎你個alternator到底可唔可以承受多一舊電的負載。當完成充電以後需要立即將並聯分離，不然其他受電配置將同時消耗並聯上的電池，這便失去了原來意義。」

嘩 ~ 掂 !! 正是小弟想要之資料 , 雖然已諗住整件小型發電機 , 但 inverter 亦o岩另一種玩法 , 夜釣墨魚是也 , 靜中有力 !

ebay 條拎果然整全 , 亦見早前所推斷之老虎鉗 , 加點煙器取電接頭 ~~

雖則要由engine 帶動之發電機(打藍磨?)駁至 inverter / 水電於小弟能力而言有難度 , 不過係時候自己整個不銹鋼反光兜 ~ !!

多謝 kakit
多謝 細佬 !

其實呢舊野都唔係新既野，我開中港車己曾經裝黎睇DVD，同埋香港好多車都裝左呢舊野，鴨記有得買，不過火數唔大，300零火，係自己隻船，我就自己裝左部單盤20匹油渣10K大陸發電機，自己裝架，好省油，用成10個鐘都係40蚊油渣，個舊12v轉220v，如個大火數係大船至可以用，因為細船叉電多數20A至35A到，邊有咁快叉得返，大船裝左佢都係貪佢開的220v既燈，唔駛下下開發電機，開冷氣？唔駛黎啦！

德明 , 你架船用20匹油渣10K咪要有運水冷卻 , 請問你點樣保養 ? (特別冬天少上船著機時)

唔知做乜 , 一係未見過 , 一係有留意就原來身邊都已有 , 一商舖在裝修中 :

http://us.f2.yahoofs.com/hkblog/du1ni0GKHxqiCGEjWCB9MDU-/blog/ap_20070112080535795.jpg?ibruMqFBCb2WhQRe

http://us.f2.yahoofs.com/hkblog/du1ni0GKHxqiCGEjWCB9MDU-/blog/ap_20070112080525799.jpg?ibdtMqFB9olljL4N

成個書包大 , 應該勁火力 D ?

哈嘮NK
我部發電機係12V電撻又得手撻又得，做一條銅喉放入油渣機冷卻水箱入面，用220V水泵，開動發電機時，用220V泵運水冷卻，船底開一個閘，死氣喉做埋運水，再加一個化氣箱，就完成！

NK
我睇過你張相，果個係電子焊機，即係交流電轉直流電，可以燒焊，而佢地所講既，係直流電轉交流電，inverter即電流交換器。44hk

嘩 ~ 乜咁大分別 ~ ! 哈哈 , 仲等我潯日星期六出o左去山東街 、新填地街搵 ~

原本諗住去鴨琍洲搵發記 , 同個 agent 傾開 , 試o左呢件二手貨 :

http://us.f2.yahoofs.com/hkblog/du1ni0GKHxqiCGEjWCB9MDU-/blog/ap_20070114100110668.jpg?ib2k4qFB3aQqVAuD

話 output 2,200 Kw, 但見佢推架2.9 Kw 雙頭電爐都 OK (可能祇試開一邊爐頭 = 1.45 Kw ?) ! 仟零蚊算吸引 .....

呢個電油發電機一定要放係船頂或者下風位，因為好嘈同會出熱氣，唔可以放係船倉裹面，因為的電油會容易引致爆炸，我己經見過！好驚！！死左人。其實多數電器都有標示火數，即小太陽燈300W、500W、1000W，你將所用既電器火數加埋，就知道架發電機可以用到幾多火，最好將佢打個八折咁就安全的，呢部機都幾底買。

多謝德明分析 !
會爆炸 .... 死人 .... 要謹重考慮考慮先咯 ~ 對啊 , 好嘈 、又排熱/廢氣 ! o係 cabin 內用真係燒炭 !
見山東街一帶有售小型台製電油發電機 , 工具箱大小 , 900W 索價 $1,200 ~ 講明8折輸出 (即得720W) ......

果的台灣廠大陸做去深圳買1200蚊兩部，最好上海本地做果隻最好。

對啊 ~ 我順便搵叉池機時 , 其中一間位老細正正講祇做上海同意大利貨 , 其他地方o既唔建議我試 ........

發記買0的野好X差架!皮帶特別快斷,我見到佢地係漁船搬0的貨番呢買,有义池机、水泵、電油車仔、皮帶等,全部本消貨,所以比出口貨平.

加裝燈車我有計(油渣)!似Ouan

詳情係點先?講多o的來聽下丫. 我有興趣wor

今日先知有尼個交流站....

先回答正題...技術層面係船尾機遊艇裝冷氣絕對冇問題, 好似樓上所講, 解決電源及冷氣機安裝既問題, 就ok! 但....

因為所開既問題, 所提供既資料有限, 所以我可以大胆作假設....

試問會唔會有人係一個冇電源供應既鐵皮屋內, 裝一部嘈到拆天既發電機(幾百至幾千蚊貨色, 3千轉, 冇隔音箱), 然後再裝一部家用冷氣機(唔知係船頭定船尾突個散熱器出嚟), 開冷氣時唔知係享受定難受!

可能你既艇有船底艙, 但艙內有冇足夠既新鮮空氣比發電機用?? 佢排出嚟既廢氣又點處置??

如果係船內機, 問題冇咁大, 因為可以似車咁, 裝車頭冷氣泵, 再加啲DC風機, 就可以滿足要求亦唔嘈....但尼啲冷氣泵唔防潮唔防咸, 用一兩年就玩完...

電源用inverter供應, no way!! 假設ideal case, 1匹冷氣機1小時用7kWh電, inverter效能100%, 船用電池12V... 至少用584AH電, 即3個200AH水電, 或6個100AH水電, 或9個70AH水電(70AH係通常做starter battery個隻, 個AH越大, 電池size亦越大... 你隻艇有冇咁多地方容納佢哋?? 又點叉佢哋?? (船尾機打南磨通常約出50A電, 要叉滿584AH電, 至少用12個鐘...電油錢有得計) 付出咁多去博果一個鐘既冷氣, 代價真係大!!

To : 電王
哈哈 , 咁睇o黎佢地都好公道 , 一分錢一分貨 ..... 可能江湖救急頂一段短時間都有得諗耶 ~

To : Keith
多謝所提供資料 , 連耗電量與叉電所需時間都有 , 很詳盡 。
這篇post都係技術交流罷 ~ 可行性與可實行性o既分野而已 。多點參考比其他朋友研究研究也不錯呢 ....... 雖然睇完以上呢個post咁多回應都應該估到大部份朋友點諗 ~
- _____________________ - ll

就好似 Supercharged 車加Turbo一樣 ~ ? =^^=

首先張部4匹船尾機打散,改条皮帶賴個12V泠氣泵,船尾機係水泠,所以吾使消炭,加個迷你化氣箱(尿胡個隻),賴水泵可以救火,賴電球可以發電,賴打南磨可以义電,賴泠氣泵可以有泠氣,登件都冇問題.

真是巧奪天工，神斧奇技！賴咩有咩！甚至賴櫃員機出銀紙！電王就是電王，不是浪得虛名！

搞咁多野做乜野？買隻船有發電機同冷氣既，咪得囉！
哈哈 哈哈........................

強呀.......道出真理!!!!

年事已高义唔到電 , 正廠要成九猜一隻 , 雜廠都要一半價錢 , 仲要訂一個月又要改皮帶轆 !



搵車房整但整唔掂 ; 走訪新填地街一帶 , 終有不起眼專科小舖修理 , 拆散換埋啤鈴銅刷綫圈翻新 , 銀色一件仲繞埋殼 .....



但點解唔兩舊都噴銀色或綠色呢吓師傅??!

共銀$2800 , 捱幾耐就唔知咯 ~

乜兩張相走咗上去 ??

今日到佢 ......... 係乜 ? 原本o個三條線燒嶩咗脫落 , 正廠要$2000 ....... 新填地街冇間做維修 , 除咗一後巷檔口仔 !
真係同我一刀一刀劏開個頂 , 完事後再揼返埋同唧膠 ~



燈車索掣也 ~

黑線搭減氣 , 藍黃線搭加氣 , 黃線一接電 , 鐵棒即縮入 , cut 電後鐵棒長時間彈出 ~

裡面既線圈有冇燒到呀

劏開之後我都冇望過呀 ~
不過個老闆話已繞過晒幼線 。

正廠要$2000，咁巷仔最後收咗你幾多手術費呀?

$650 ..............
原本覺有d拿西 , 外殼都唔補o下油 , 但間間都唔肯整 , 得佢肯 ; 老闆有d性格 , 仲要等成兩個禮拜都算咯 ~

今日真係好鬼開心！真想不到在這裡學到甘多野。
甘多卧虎藏龍，正！

乜 ........ 整唔完咁嘅喂 ~