請問咁多位知唔知 OneTakeOk 呢個網 D 船主大偈試題準唔準架呢???

OneTakeOk 個web 好像係simon 傢???
個OneTakeOk地址同simon 自己公司都一樣的
會船為25' Bertram Bridge 味同mkc 個隻?

我買左二級船主, 但呢排太忙仲未報名考, 準唔準就唔知啦, 不過睇落都好多, 第二度未必搵到囉~

幾多錢?有幾多條

我都看過
以我來說.先吾說價錢..
而是咁做braindumps真係好無益..
而家都多左人就咁上完堂就走去買隻快艇四維車.海灘玩完又吾清潔,以為有牌大x哂,但上過堂起碼都叫知多小小考試外的野..eg..危險性,對海洋的保護意識等
大家想下學車如可只上網學,之後考筆試就ok咁路面會變成點.上堂學個學車師父都會說好多考試外的知識啦...
而且我覺得海洋真係香港最後一片樂土,吾該吾好咁多商業活動攪到係人都玩得.最小攪商業活動時教多d 對海洋/人的保護,危險性先啦.
再說手法..我個人建議s兄你都識左mkc兄.又買左會船,而mkc兄又有經驗.你想攪不如正正式式咁攪啦...攪d 船藝課程.呢d課程係業餘來說會小有d,但反而最需要,仲好過四維找左d題目就收人500蚊.考完試比d update 題目你又有折租/借你們隻船去用.
再者....mkc 兄如果想開班,以你經驗我想好多船會有興趣,再吾係你租個會議室都得啦

不文先生，

都同意你ge講法，不過對我個人黎講，危險性,對海洋的保護意識等，我諗點樣上堂都唔會得到我依家自己所有ge經驗，至於甚麼大偈課程，本身我無試過上堂，但我所知ge上堂課程都係教d好皮毛ge野，真係出面學師ge就會打省副偈黎研究，我諗上果d堂唔會掛。所以對我黎講，果d網咪有幫助囉，至少知道個試係開乜。

至於甚麼商業唔商業丫，開正宗課程又好，好似One Take Ok 網又好，一句講曬，搵食姐，各取其好啦。

應該有150條....平均都$3.33一條架...

我好同意要保護生態, 大家係度都應該係愛海之人, 不過考試還考試, 唔合格既你幾愛個海都無用啦! Anyway 好似會考d補習班咁, 有錢上左梗無蝕底, 但唔補習一樣可以考到A~

hi潛水員
yes,的確上堂係教d 好皮毛ge野,只是我覺得上堂時一個好老師除了教考牌外點都會說d 對人/對地球的保護,點都好過只說考試.潛水員你都有潛水掛..點解你又去考牌?找朋友教其實都ok傢.而且你學潛水時教練會吾會說d 考試外的知識你知?其實出海最重要就只有安全,無論你潛水又好sailing 又好啊sir 都以身作則咁不斷重複安全.呢d教育上網係無傢..

另而且搵食姐,各取其好啦..我都明..如果只係500蚊就有題目,有login acc 有心的不用1日就會比人抄哂出來.做生意我都吾覺找到錢,香港咁多地方教,找個就腳去上堂味ok囉,再吾係你有心自修都ok.只是要你有呢個心就可以玩啦,抄題目原因吾好說無時間..無時間又點出海啊..s兄方法吾係吾好.只是有幾多人好像他有心慢慢自修,學多d野,用咁的方法考完試你覺得又會有咩知識去專重下海洋,而且吾會個個都找到個免費啊 sir教傢.

ps...我吾係教考船,亦吾洗再考牌,只是同好多年前比現在出海見多左好多大x哂的人.有人教都如此..無人教我吾知個海變成點..

Hi 不文,

完全認同你所講ge野，自己亦親身見過D友仔玩Wakeboard / 水上活動亂飛，完全不理我地浮上水面支象拔，安全真係100%最緊要，不論自身或他人。但係就不論有正式上過堂或者淨係讀試題ge人其實都應該要遵守。

至於果D試題網，唔係話無時間上正式課堂，好多人都想又平又簡單又考倒個牌，我咪其中一個，不過就真係要有意識去專重下生態環境，唔止淨係個海架，同注意安全囉。

出面有幾多個船主course係一定要你實習揸過隻船??? 咪又係上堂齋吹! 小弟個船主牌係自修嘅，如果你係話有好多有牌者都唔識點泊船、落錨、繩結等實用船藝，咁你講得好啱，小弟第一個舉手話唔掂。我都好想學。

至於果啲唔守規則、不理其他人死活嘅駕駛者，講真，海面有，陸地上都有，我唔覺得果啲人教得到。一個人有冇品，通常唔係可以咁易响18歲之後改變。潛水教練夠話眼看手勿動啦! 實有啲衰人走去捉海星、珊瑚o架! 如果你話上啲正規堂就會令佢地學乖、守規則，我就唔多認同嘞! 何況我都唔覺出面教船主大偈啲人會教呢啲野! (就算有教，啲衰人都未必聽啦)

其實，有冇上過堂，同有冇船品、會否愛護海洋、注意(自己及他人)安全，真係冇乜關係囉! 有啲人上堂訓覺只係掛住死背試題，亦有啲自修嘅人四圍去圖書館借書學更多野、問前輩攞經驗。自修與否，係個人選擇啫。

哈哈，估唔到行開一陣，便出現了一個咁過引的Topic。我都黎趁下熱鬧先!

不過為免幫人賣廣告，我只針對事實去發表/補充:

(1) 二級船主及二級大偈各有 > 1000 條試題，而且無重覆。
(2) 呢d試題，係可以因應用家以不同方式抽出來做。Exam mode 即以考試時的模式，根據每個topic的比例，隨機抽40(50)條出來，並有時間限制。Topic mode可根據用家較弱的環節(如燈號 去集中練習
。最後有Exercise mode，可順序給用家練習，而且可逐條看答案。並非brain-dump咁簡單。
(3) 有HK$250 及 HK$500 兩種。前者14天任做，後者60天任做。
(4) 試題是不能copy 出黎的(手抄例外 ，唔信各位電腦高手可以試下。
(5) 如果各位真有細閱網站內容，便知道其雖然以商業型式運作，但此舉只在於證實該網站的成功程度(能令人掏腰包，相信一定有真材實料先得!)，其實能賺到幾多錢，大家心裡有數。再說，假如個網站係
free的話，一定會影響左個經濟生態。凡此種種，其實在網站已經解釋得一清二楚。

在此，想side-track發表一些意見，正所謂『無研究，無發言權』。雖然咀巴是閣下的，但其他人都有腦，未經深入理解，就胡亂發言，這一方面不負責任，對他人不公平，另一方面只會自暴其短，久而久之，此君的發言必無說服力，遭人訕笑。相反，有見地的批評就幾辣都接受。

(6) 不文兄常說"好老師"，敢問真的大家認為好的又有凡幾?相反，我問過很多船友，唔好的更多。就我親眼所見 (見"考試問題"一文 ，有老師吹噓"唔識字都考到"，這難道會對危險性,對海洋的保護意識等有幫助乎?
(7) "找個就腳去上堂味ok囉"，我看恐怕要7-11開班先得勒。上網就無時間同地點的界限勒。

最後，想發表小小意見。OneTakeOK如在外國建立，相信亦會收到很多批評，但人家都會本著為個網站好而去批評，而且都會做足功課才會去提出論點，而不是從自我出發，更不會以偏蓋全，或無限上綱。到目前為止，我以船及以網總算認識到很多志同道合的朋友，但感覺上九唔答八，超級自我的更多。有點失望! 但Mkc，我們不要放棄，繼續"以船會友"!

各位，得罪晒。

各位師兄:
航海我己經渣船三十幾年,在現任職機構任航海訓導主任,如以商業形式開班教授避免受人非議謝過,交流經驗無問題,以船會友我有興趣.
大家可能記得,我曾經發表過的問題都是環繞在技術性,經驗性,以個人心得為主題,但反應並不理想,我本人對機電工程亦有些心得,亦發表過機車維修問題,此終未能達到友誼至上.不過自己先行出第一步以誠意會友原則.
請不要誤會,我並不是由外太空來地球的外星人,我都有先己朋友,想擴闊生活圈子另結伴良朋,度過空閒日子.
再者,可能發表過的事對某些人或者對網站可能構成威脅,但大家深入想想本人出發點(交流天地),應該對任何人都沒有傷害.

哈，MKC都變夜鬼啦！講真，Simon攪個網，如果為賺錢，我真係唔識計條數囉，收都唔夠Simon你入油啦，又要花咁多時間，唉！不過我就好欣賞你地呢股熱誠，唔係咁多人做到，起碼我都唔掂啦 :-)
Tiger都講得好，有無品唔關上唔上堂事，上堂實 A，咁就唔會有咁多補習天王啦！不過安全問題又真係好重要。

>> 不過我就好欣賞你地呢股熱誠，唔係咁多人做到

螞蟻過獎，不過我覺得做人應該要無悔今生。我驚我唔做老左會後悔!

難聽d說,我只是說s兄你無heart而已

我個人覺得.呢個考試都已經去到有上堂做題目就可以考到.
上堂做題目起碼有吾明問題時可以發問.亦會有人答,坊間d 老師就算如何亦會即時有個詳細解釋,上網題目係有答案,只是10題吾明你會吾會在forum打哂十題問題等人答?
上堂其實都係做mc,但起碼現有咁多間會都有d良心會說返幾堂到最後先比你做mc.聽哂d概念而合格都好過無成成合格.
大部份新人學玩其實係一張白紙,你有咩就知道d咩.亦吾會去自己找多d資料看,去自修.上網做mc就算合格左真係明的都吾知有無十份之一..
我吾知你親身經歷過幾多海上意外,對我來說只有安全最重要.你要比個新人咩都吾知,基本概念又未聽過因做mc合格左而出去四維車我最吾想見到

說真.其實幾年前我都有哂1,2級船長大偈的題目,船我最發燒時都有3隻.閒時亦有教水上活動,其實多人易d教到牌對教水上活動都有益,不過我只為興趣,好多時都無收錢,而做呢d咁簡單的 web site 你都知用幾耐就可以做到.我吾知你幾有heart..從舊文中開始看只見.你不斷說坊間d 老師無料,基本上你連去聽都覺得他們無資格教你,呢d係吾係你所說的超級自我?
吾去上堂,四維找題目.合格左了.見到mkc 成日好有heart答人同好有經驗又找左他買船,同時又上網賣題目,又找人入會幫浦隻船..真係好有heart...
商業野吾係吾攪得.我只是覺得如果你最先有1,2堂理論由mkc 說,其他人上網有問題有hotline 問的你收1千蚊我都覺得抵..最好考到後就有多d興趣班..實習等等.好過拿d mc 出來賣.收得$500 錢又找不到,又攪到有可能出現"部份"又無品又連好好好基本理論都吾識但又有錢買船的人出來四維車,呢d人一個都覺得多.

有經驗的吾怕
有人教的吾怕
有heart 的新人吾怕

有概念的新人吾怕
有概念但無品的新人小怕
無人教無概念又無品的新人你覺得如何..點解考到都吾知,傷到人新人可能都吾知咩事.
做教育一定要有heart..

對事啦...唔好對人啦...
本來我都好欣賞你既愛護海洋同埋安全第一, 但真係同人地賣試題無乜關係...我真係忙到晚晚九點放工, 點上堂呀? 無你咁好氣...

不文兄，我想，這個討論網最大作用應該係，相互交流及結識興趣相投的朋友。
你所提出的安全及環境保護問題，本人全面支持！
但對Simon兄的批判，則絕對有所保留！
你認識Simon嗎？
你有曾接觸Simon嗎？
你有嘗試了解 Simon 及 MKC 他們在做什麼嗎？
你真認為他們的言論及行為純粹為商業活動嗎？

本人絕非他們一伙，亦絕非他們會員，但有在網上多番討教，繼而電話聯絡，及后亦曾參予船河聚會(中秋節，但本人只作約一小時的短聚)當日亦有其他人參予。雖相識日短，但絕對能感受他們想創造的天地，絕不是不文兄你所想像！你所指無Heart的人，卻又出錢出力出時間更出船，免費指導新牌或對船藝有興趣的人相關安全駕駛知識，這些又是否上堂有所提供的呢？
本人就是你所指的上堂而取得船主及大偈牌照的人，上堂所能學到的，可能比在這裡還少呢！課堂上看圖就懂機械結構？總共數小時就會有你所指的基本概念？你不會那麼天真吧？可以提問又如何，在沒有實踐的課室裡，有提問機會，但根本不懂如何提問，就像我以前曾說過的，大學講師向幼稚園學生解說完三角幾何后，請學生有問題請提出，會有學生能問出真正現實中會遇到的問題嗎？(雖然比喻有點誇張)，更甚者，課堂上教師的質素又有無標準呢？我可以大膽地說，有教師就只為騙財而教，因為我就遇過！除課程費用外，付出額外的數仟元后說什麼會教你開船而之后結果連船都沒碰過！只得到一堆試題回家！

如果你對他們所做有所質疑，何不親身接觸他們而作出了解呢？
在不清楚、不了解的情況下，作出多番辱罵，這又是否公平公正呢？
當然，你部份提出的意見，亦是具建設性的，有值得思考的地方，但並不是等同否定他們的做法。

惡言批評與良性建議，只是一念之差而且！

請恕我的以上謔言，誠懇邀請你繼續提出建議，但請勿針對任何人。
若可更進一步，何不把更好更完善的導引提出？總比只作批評為佳，對嗎？若提出的合乎情理現實，相信Simon & MKC 都會樂意接納，對嗎？

誠心希望這裡是片言論的樂土，而非戰場！

話就話以船會友,最後都係講錢,既做婊子,又要貞節牌坊,重要在這裡公然拉客,就真係無品

由咩時候開始出船唔使油錢??? 唔通出風帆? 定係pulling boat? 有心人兄，如閣下搞船河、船釣活動，出遊艇之餘又分文不收，小弟第一個出席支持你!

哈..
的確..我未見過mkc兄,同s兄,亦未同他們交流過..
只是由文中見..mkc 的確好有Heart上呢到教導新人,我估大家都相信mkc 真心只為交流同分享.不為錢財.多年經驗仲咁有心教新人我都真心寫個服
反觀...s兄個賣題目的web "13-Mar-06" 就開左..吾計之前想左幾耐啦..
而Feb 20th, 2006 時
手頭上有下列resources:
(i) 800條左右的模擬試題(有重複)
(ii) 2 份 notes
(iii) 2 本 books
(a) Robinson 個本 (Library 借)
(b) 王子個本
直到昨日就說有2000條模擬試題賣
-----
賣題目的網頁 13-Mar-06 就開左
6月先考1級,前幾個月係咁上網同人交換題目
交換完就放上網賣..3-4月前mkc一出大家都知高手出現就找左他一齊買船.之後就攪交流會.找人入會.又說到"商業型式運作此舉只在於證實該網站的成功程度",學有心人所說..仲想要多個"貞節牌坊"tim...
呢d 野心水清都只是呢2個page 就會找到

我由出第一個post 就好清晰只反對s兄此行為,原全吾關mkc 兄事
原因
1)個web 就算是介紹,faq 都係"抄足" anm
2)d 題目係別人每隻字打,吾該都無抄哂就拿去賣
3)為小小錢吾理別人真係只做mc而合格之後出去的危險
4)....吾想打...好多
係人地地頭(kevin)找生意,一直不斷數仿間老師幾不知所謂
,去上堂聽都費事.....s兄.我只可說你好彩.找到個免費高手,其他新人真係聽你說" 超,d啊sir都無料,自修都考到啦 " 出到去咩都吾識就大件事.. 我可以說真係玩船的人都有點自我,出到海有咩事都係自己攪掂,有事時船長連說野都無d power ,吾知點好你估d乘客會有幾驚
.
Tiger 兄...我吾知你玩左幾耐..其實香港好多有船的人都成日"免費" 叫d 朋友上船玩..d 朋友又找d 船主吾識的人上來..都係"免費"
.香港好多船主都會好樂意同別人分享大自然,你吾信星期日你去d yacht club 問下人都9成有船上到.鬼佬船最易上...當然上人地船要有d手尾啦.你整壞鬼佬d船他們好多時都無事.但你破壞大自然的他們有d真係會立即要你下船....中國人好d..最多送你返來後以後免談.

再說....網上世界有到好.你係咩人都可以發言,可能版中好多朋友其實現實上都識,上網改名就當新人.. 我係西貢玩,好多師兄都見過都吾出其.

Simon, mkc,

手把青秧插野田 低頭便見水中天
是非何嘗需分辯 退步原來是向前

Andrew 兄,剛剛吾發覺你個2句,所以無答你...sorry
對事定對人我都說得好清楚,我出聲是因如只賣mc 而令人合格真係好有機會有危險,而呢件事由各言論看來只關s兄事,吾關mkc 事,mkc兄攪交流,的確令人寫個服.我發言只為安全2字.無heart 攪不如吾好攪..個d 好多好多商業手法真係關我咩事...你係人地地頭每月找到6個客有$3000,次次出船找到個免費老師之餘又有人每人比100蚊養船都好....關我咩事.哈,題目我幾年前都有齊,仲2級1級船主大偈都有.開個咁的web 我估要做的咁多船會1星期內就做到..點解大家吾做?除了題目保安問題,各會都想"起碼"吹幾小時理論先比你做mc,有良心d,現在都去到有上堂就合格,仲想點.而有心玩的星期6日上堂都得啦,如果星期6日都要工作,平日又9點收工吾通考左牌只係買船當屋訓?

謹聽Brian師兄教悔。在下只在事實及客觀基礎上補充一下，免讀者被混淆視聽。

(1) 請詳細再看"13-Mar-06" 文章，亞Joe問有無試題share，我只是說我有甚麼。而且，我在文中已說是借給Joe師兄的。
(2) 個網站是我們重新創作的。有IT Knowledge的人應該分辨到出來。
(3) 之前我手上有的題目，全都是hard copy，相反，打字的是我，而版權，正確來說是屬於海事處，如果有事，所有學校都有事，這點我之前已請教過律師了。
(4) 我一直都無響呢道提OneTakeOK的，相反，是不文兄篤出黎的。敢問誰是始作俑者呢?
(5) 也好多人在這裡賣船，難道這些人也應被杯葛?

謹請不文兄冷靜下來，這裡是認識、分享、交流之地方，不要引起罵戰了。

Simon兄
你手上的是hard copy又好,word file又好,四維找/抄返來又好,海事處比你都好..都吾關事,呢到好多人都賣船,點解只有呢個行為會出聲...你咁耐都吾明說d咩?畫哂d腸出來吧....如潛水.又係個句.比錢上堂就有牌.其實個i 簽比你就有open仔..點解人地平平平,平極都要上堂聽吹水,聽哂個i 先簽比你..其實都可以有i 話500蚊一個open 牌,不洗上堂,比野d 文章你看哂就ok...拿左牌都無人知.."""呢個係良心問題""",而學open的最小未上堂都知有個危險性,就算500蚊他們都吾選...但呢次..無牌的吾知危險,考到牌就會四維吹話自己幾勁幾勁,自修都考到(最少我最見過幾個,包括你.但你好在都自修到1級,安全無咩問題)...咁同吾上堂比個電單車牌你一樣,你吾出事都會有一日令人出事......mkc 有無教你海上唯一要嚴格守的係咩..只有安全.可能我想多左.但如果有學生上船時輕視自己/別人安全的我會要他下船..

至於考到牌後你攪個d"交流會"又好,咩都好.都無人話你,
只要mkc 有d 特別課程說的收$1000都大把人參加,呢d係市場空白地.
攪多d仲多d人歡迎...最好就個個會都攪,個個都有得玩

不文兄，你的以偏蓋全、九唔答八、奇異邏輯、無研究即發表、口中大仁大義、但實際就... (下刪一百八十個形容詞)等...小弟甘拜下風。

最重要的是，小弟無閣下咁得閑時時響度哺住等出文。

哈,吾說商船,就算是玩都係咁,吾信又去下外展又好,長程sailing trip 都好,你又看下有人一開始就玩玩下的會吾會比人"請走".
一定吾係個別事件.
.你都覺得我針對你的就當有青山傻佬走出來post 文吧..無人介意.

唉..都無咩心情再說.再說只變罵戰..
不過最後一個post 都想提出一個問題想問版中各人意見,最好包括mkc,kevin,hong,Brian 個幾位啦

不文由第一post 開始都表明只談一事...就係賣題目行為,
用以上手法去賣真係對新人有益?當然,以商業角度看我理得你識吾識,最少錢就收左,但同一直打大棋號係非謀利係味相同?業餘同好會香港都好多.車會都n咁多個,說非謀利其實係可以收錢,不過好多發燒友都會為新人做指引點入門玩.而吾係不斷發表"超,街d所謂啊sir都無料,吾洗上堂,自修都夠哂"..新人不知就當真.問點自修,就有人說"比個mail我啦,我send 題目比你,吾夠就$500賣2000條比你啦",去到個web,咩指引又無,介紹又無,理論無,安全小tips都無,只有"2000題題目,500蚊任做",吾好說d 題目有幾準,當真係有人合格左就有一條龍式的"非謀利"出海活動...我都說過,攪一個非謀利同好會,重要係定位清楚,做野出來安全的推動呢個活動,因為大家都係業餘,錢係吾重要,好多人貼錢出來都有,所以新仔好多時都會信d 同好會建議,因為怕去商業公司問就比人點.
反觀現在.."" 可能我看錯 "",我只見s兄係先係想個個月吾洗做找到幾千蚊(3月就開個web).再找d 有心人一齊攪個同好會(上3個月),自己第一次買船,到時錢又吾洗比,有得玩,有野學,仲做攪手.個賣野web會有造成咩問題都關人xx,發表意見希望做都做得有良心d,專業d,定位不清不如吾好攪

以上只是一個青山傻佬發下up風,各位沒有奇異邏輯,九唔答八的正常版友有興趣請發表一下..

不文兄，點解唔可以換另一個角度去提出你的見解呢？一味只係度"小"對事情會有幾多幫助呢？
無錯，齋賣題目係絕對有問題，但現實中，我又想知，現行各舉辦課程的機構，又有幾多個係 MC + 理論 + 實踐呢？
我自己就唔知有邊個機構係有要求學員 "一定" 要上齊以上三種，我就一個都搵唔到啦，可能我無知啦！相反，只見在賣題就唔小，而且重好貴添，上完堂一樣係嘜都唔識，起碼我自己就係咁樣牌，到自己買隻船仔先邊學邊玩！
你話隨便就可以上人地船？我自己最初就試過走去問人一d入門問題(識得同唔識得都有)，只係試過俾人點就有，熱情邀請你一齊出海就只有一次(多謝魷魚兄，希望你睇到啦，無你我到而家可能重係嘜都未開始)！
對一d身邊無朋友係船主人，自己去考牌再買船玩，我覺得無可厚非，要我做仔，做契弟去跪低求教於人，你不如叫我放棄好過！
業餘同好會，會俾你三唔識七一齊玩？
個website無指引，無理論，無安全建議....好，好提議，不過如果我係Simon，有人作出呢d建議，我諗我都會諗諗辦法改善，但係如果一味小，有幾多人會接受惡意抨擊？
而你提出唔駛錢買船？我唔知詳情，但MKC，Brian，Simon已有船就係事實，唔通Simon唔駛錢就可以做船主？
但係我就親眼見到佢地出錢出力又出船去教有興趣人，入四仟蚊油俾d新人玩，而只收番總共幾佰蚊油錢，我本人都係做下d小生意，數都識計小小，不過如果佢地只當生意黎做，呢條數我就唔識計，不如你教下我啦！
你講到好似S係度搵MKC老襯，呢點反而令我覺得你思想有多以問題(抱歉我直言)，幾時開始人與人交往做朋友，係要稱過度過，大家同樣斤兩先可以做朋友？
BTW，你三番四次對教課程死硬派式支持，你係咪教課程架？如果唔係，咁你年記係咪都幾大下？咁硬頸？
如果真係想呢個圈良性發展，請提出良性建議，勿再只作批評，淨係得把口講，又打擊人地士氣，可能人地真係滿腔熱誠呢！你唔去了解又點知呢？更何況時間一長，係商業定有heart自有公論！

在這裡說上課有問題, 是否對香港遊艇俱樂部上課人數有影響, 是否不對, 是否應該介紹多些人到這裡上課才對, 而不是叫人買題目. 以下是網主個人資料
Kevin Lo，香港遊艇俱樂部創辦人，於澳洲取得電子工程學學士及工程管理學碩士學位。於留學其間首次接觸遊艇活動，當時喜歡聯同三五知己揚帆出海，其後戀上機動遊艇活動，並取得首個澳洲維多利亞省遊艇執照。

回流香港後主要從事工程品管及設計工作，並曾參與教學。由於愛上遊艇活動及喜歡鑽研引擎科技，因此決心將香港遊艇活動發揚光大，並以興趣化為理想，於一九九八年創立香港首個網上遊艇俱樂部，是本會之前身。

香港遊艇俱樂部於二千年正式成立，初期會址設於旺角好望角大廈，其後遷往旺角豉油街。Kevin由撰寫遊艇書籍、教授、設計遊艇牌照課程、以至帶領遊艇實習活動，均親自主理及進行品質監控；使學員有效掌握應有技術之餘，亦帶領他們成為一個對海洋及大自然負責的水上活動者。

我仲以有甚麼討論得咁激，原來係一個網站。我個人都上過，設計不錯，概念亦很好。從市場學角度看，確是能殺出一條路，亦滿足到部份人的需求，值得一讚。市場有需求，自然可以維持，沒有不當。

我本人設立香港遊艇俱樂部亦旨在推廣遊艇活動，不賣貨，不推銷，亦沒有甚麼收錢大計。因正職已經不錯了。

教育學裡提到，學識好，未必品行好這個人性缺點。因此就算上網學習，只要個人有好品格，有安全意識，亦能有好效果。此等對上網學習與否沒有關係。教育學之父skinner，也將自己的女兒收到一個箱內，實行封閉式學習，因而有skinner box之著名故事。

但願OneTakeOk網主會緊記其立網宗旨，將遊艇活動傳揚下去。

不要再在此討論了，否則我會收取廣告費o架。