各位師兄:
我係公司貨倉,
發現一隻(有蓋)小遊艇約7米長2米闊,不明來歷,
隻船我冇認真睇過,
大件事,老闆話要隻船出海,
但隻船,什麼都冇,
冇呔,冇船尾機,冇船身編號,
我想問:
1,隻船點先可以出牌?有冇牌簿?同車有冇分別?
2,隻船要咩裝備?如雷達,無線電,還有呢?
3,隻船去邊道修理?
4,修理費需要多少錢?
5,船身噴油多少錢?
6,隻船價值多少?
7,屯門碼頭區有冇地方泊船(平價)?
多謝各位師兄,求教!

係本地產品？定係進口船？
本地產品比較易辦我相信，進口就麻煩多

我相信你要弄清簡單法例先好問咁多:
架船你嫁？細路仔都知路不拾遺，拾遺不報要自己拿去擁有是犯法的，我十歲兒子都知，你老闆連這些都唔知？唉.....可憐........

唉，7米長的船對普通陸地人是一架大船，你咀巴說是小船，你是玩野嗎？你無認真看過，但點解架船會停在你公司前的海旁，冇呔,冇船尾機,冇船身編號，你唔會玩野喇，有無死屍或人蛇呀？ 你老闆更比你勁，你公司能在海旁有碼頭或者自已地方，有船漂過來(因你無竟然話無發動機)，就是自己的，要去登記，勁!!!
架船有鬼架，無發動機都泊到你公司擁有的岸邊，越南船民死在船上，隻鬼等你擁有一齊死....

唔好玩喇，你在這版玩野或者我提議你報警。
至於你老闆，你作得太大喇，兄弟。真是你老闆問你就我問你們是否賣叉燒等生意，你魯味生意？否則邊有咁的問題，問下你自己的心罷。

這版經過多年版友大家支持，大家同好好開心，但有些無聊人走來問好多無聊問題，前有問在船上看世界杯足球，現有竟然有人問執到架船，唉，好心喇，這版是大家學船，玩船地方，唔係玩野。
你貨倉有架船肯定是有鬼怪送給你，或是你地自己偷返來，天跌給你，買六合彩喇，多餘。
請你報警或者檢查你公司貨倉檔案，世界無天跌落黎一架船，你問完你律師架船是否你地公司擁有先，兼且提醒你唔好在這版玩野。

對唔住上面，飲多左，亂up一大輪添~~~~~如果版主得閒，就煩請刪去

唔答咪唔答lor,, 唔洗小人一大輪o既....你係呢個谷唔得耐唔代表你就係大佬o既. 扮晒和平使者，就係呢o的人個世界先被搞亂...

算la, 人地都道左歉啦。無謂挑起罵戰啦!

Dennis兄:
你可以嘗試到海事處咨詢,找尋可行方法.
又或找一間船廠驗船及加裝船尾機及應用物品後簽發安全證明,再去海事處申請船隻牌照.
根據提供資料7米長應屬快艇,雷達,無線電未必須要加裝,嘖油睇船身而定,修理費用及船廠可以上網找不便提供.泊船嘗試到青山屯門一帶海灘或避風塘問下船家便有結論.

Hong C兄所 "插" 的又吾係無道理。Dennis C兄首先要做的，是要証明在貨倉條船的來歷，來源是否合法？不要本末倒置，走去整到隻艇成艘雙魚星號o敢才發現其來歷有古仔，曾經載過繼歡哥哥往來中港而被通輯，到時牌又出吾到，又要拉人封艇，實俾老細 "插" 到勁過Hong C兄千倍!我的艇是從外國拿回來香港出牌，所以清楚出牌的第一號文件，就是: "來源証明"!