今日7-11-2006 從澳門下午4:00pm回九龍，全程約五級風浪，本應一小時的的船都行了一小時20分鐘，回來真的大浪，船上多人嘔呢。

回想十幾年前我都試過響三號風球下搭船過澳門傳道，由於我從小開始都唔拋得浪，反而揸船開車就冇問題，一個鐘頭既行程就行足三個鐘，最後好彩忍得住唔嘔出嚟，我同行既教會朋友就犀利囉，佢連落船都唔駛自己行，又唔駛排隊入境，一泊碼頭就有人入嚟抬佢上擔架，然後直接送佢去山頂醫院，事關佢未落船已經暈咗，船上即時有人幫佢用無線電報警，船未泊岸架白車都到已經到咗囉等緊佢。

Hong兄:
你都小嘗大自然的力量,我們不可以戰勝大自然,只可以尊重同協調去配合.

哈哈哈，當日我是坐在新渡輪呀!!!唔係自己開船。

這星期六日，我又去澳門看賽車，回程新渡輪(舊船)又因風浪行慢好多，星期日6:00pm澳門出發，要7:20pm才回到九龍。一般只需一小時五分鐘。
新渡輪的舊船有風浪就慢，新渡輪的新船無問題的，航程就是約一小時3分鐘。