遊艇老友交流站

歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。

如需刊登私人買賣租賃廣告,煩請使用免費買賣/租賃專區
亦歡迎電郵本會 info@hkyacht.com.hk 查詢交換買賣廣告專頁費用

遊艇老友交流
Start a New Topic 
Author
Comment
港制或大陸制船廠

各位,最近留意易手船,看到有些類似 sea hawk 或 Boston Whaler 的船,但注明是香港或大陸所做!當然外觀無正廠咁靚仔!
請問有無C兄知那間船廠所做?質素如何?價錢約為多少(以約22-26呎計)?
如果價錢唔貴,可能呢個就係我下一個目標,24-5呎,可載約10人,兩部115,訂做以釣魚為主的設置,可以車遠d釣魚,嘩,諗下都開心 .....

Re: 港制或大陸制船廠

有次去間船廠參觀,負責人稱只要客人能提供到船的模型他們便可覆製任何類型的船殼。在現場一隻相信超過八十萬的日本新船船殼 (不包機),他們說不用二十五萬便可COPY到,但手工及質量點就吾知!各位,一分錢一分貨呀!!!

Re: 港制或大陸制船廠

Hi 澳門船友,welcome back!
三份一有找,當然唔好祈望可以同正廠相比。
船廠係澳門?珠海?

Re: 港制或大陸制船廠

仲使有十足的模樣,徒然也只有外在美,安全才是值得深思的重要因素!行船跑馬三分險,天氣變幻莫測。這些船可否承受考驗,時刻擔心會否斷開兩截,把歡樂變成悲劇就無謂啦!

Re: 港制或大陸制船廠

間廠好似係斗門附近,面積都唔細,不過係新廠。
其實我一直都冇離開過,只不過話題自已搭唔到咀而變左隱形一族。
近期呢度多左好多人,熱鬧左好多,冇好似以前咁來來去去都剩係得三兩個人交公課。多謝網主的艱苦的經營令到我地成班愛船之人有聚腳既空間 (盡管我唔系香港)。

Re: 港制或大陸制船廠

Daywalker兄,無咁恐怖呀,會斷開兩截?二十呎鬆 d 船仔未至於咁恐怖呀,雖然國產係差 d ,但係 d 二十幾呎登件通海走緊,都未見過斷開兩截,祖國連寶馬都有做,細船仔無問題掛!

Re: 港制或大陸制船廠

澳門船友,如有多些資料,可否醫貓給我?

Re: 港制或大陸制船廠

講真,有時真係唔想歧視大陸既出產,但好多時候真係「金玉其外,敗絮其中」。外面啲玻璃纖維包裝到靚一靚,裡面就來個豆腐渣工程;當遇到風高浪急既時間就以你既生命作為賭注,受唔受得住考驗邊個敢去擔保!總括來說,由外資監控大陸生產既外國品牌有一定水平,但如果廠房由內地人自行監控,都係睇定啲好。

Re: 港制或大陸制船廠

在最近2年內我接收咗3隻新船,都是大陸製造,本來我都唔想講,好似細佬兄所言,唔好將自己安全去投資在金錢上,如果舢舨都冇太大問題,因為漁民大多數都是狂大陸造都算有經驗,但出海用翻版貨金玉其外小心小心.
再講我收個幾隻船,建造時無系統,工人各自執生,到最後互相抵觸,夾硬來,有些地方在標書內指定造出來都不合符需要,機器用進口貨但配套物件用大陸互不匹配,電器電線接駁全部用(他筆仔)鉗仔,成千上萬個接觸點上唔緊又無打記號,亦冇路線圖,都唔知點跟進.用PLC電腦監控程式,自己編寫自己先識睇.
船隻結構平衡不佳,偷偷地用鐵壓艙,總之唔想多講到交貨時外表似隻船但一無是處,投訴接受態度依舊,咁又一年保養期過自己維修改善.

Re: 港制或大陸制船廠

螞蟻兄收到你Email,我唔係好識傳相但係我過年前後會過多去珠海一次帶朋友去睇船,即日來回,如果有興趣睇實物自費船票就可以,方便就E個電話俾我。