請問各位師兄:
有冇好辦法堵加船尾之浮力,因為隻船由內置內燃機改為船外的船尾機已加裝額外尾架承託,因此船尾重量倍增,導致船尾浮力不足較不平均平船尾下垂.
如果加裝船尾壓水板效果如何,又或將船尾底部用玻璃纖維加長至貼近船尾機,再加上液壓膨漲膠此法是否可行嗎.

Hi MKC
如果係登件，我見(21呎)只要停船綁好船，在船頭擺兩桶水(用完鬼油d桶)，咁，船尾機就會升高離水，你隻船大咁多，唔識，幫你唔到！

Hi mkc, 我諗就算再加液壓膨漲膠，相對船身整體同水之間既比重都起唔到好大作用。因為內燃機本屬中置引擎設計，若將引擎推至外弦已脫離原有重心，起動後將更為傾斜。在可行情況下，可否嘗試將油缸推前來平衡船身。

我相信MKC C兄對此浮力問題心中已有一方案。用液壓膨漲膠對增加浮力幫助的效用我有保留，但肯定有一弊處是，若有積水就十分難清理，最終搞到滋生小動物，和令到有木的地方發霉。我的老爺 Bayliner 頭倉也曾有液壓膨漲膠，但我花了整天時間完全清除去，就是為了上述的問題;從此我的愛人就無再投訴有小動物咬咬!!
我讚同 "細佬" C兄說用重量平衡法來平均隻船的重量分佈，較為實際。不妨將儲水箱，工具箱等雜物儘量移前去船頭倉安放。再考慮安裝埋左右尾壓水板(若沒有)，相信一定有幫助。不要睇少壓水板的效用，若得善用，可提快/昇船起水的時間，更可不用船舵而能微調船的航向(若5度)，我就覺得十分實用呢!
P.S.: 為何 MKC C兄每次出海都座下層倉內??

四驅友兄:
講真我心目中己有二種方案
1.加壓水板當船隻行駛時可將船尾升起,
2.額外在船尾平台底加長船殼後,全封密式作儲備浮力用,加上液壓膨漲膠避免以後入水仍可保持浮力.
改變浮心點例如移動負重,但因船隻間隔位置關係而不可行,又或加壓艙又會導致船隻負重增加.因此為有增加額外浮力方法.

螞蟻巳提出加水筒在船尾位置方法都可行,但需要四驅友巳所講加壓水板,在行駛時船尾升起,水筒不至於拖水.我會嘗試此法.

hi mkc,

以下係我o既愚見:-

壓水板o既好處係可以因應不同海浪環境,調較合適角度令船隻以最佳航行型態航行。但壓水板所產生的上昇能會因速度快慢而增加及減少。所以係你既情況，假如航速未夠，又或者係突然減速都可能會造成船尾下垂o既現象。

至於加長船尾o既好處係真正咁令船o既浮力增加，不論任何速度都有作用。加速能力也會較壓水柀好，而航行時的穩定性也提高。船長了使船底與海的接觸面增加，會令船的極速略為降低。

壓水板安裝簡單，快見成效。但如果船唔係放上岸，機械式壓水板好易玩完。

加長船尾成較高，但較長遠，保養也較容易。所以冇其他因素要考慮的話，我會選這個方法，但加長部分我唔會加膨漲膠，只會加個開口確保有水時我係抽得走就OK!

船主佬
你有沒有加長船尾的經驗,我有2種方法不知是否可行.
1利用木工新造一個木製船尾殼,加長加支撐回定後再舖上玻璃纖維.
2採用制模式,在現有船尾用玻璃纖維制成初模,再用初模製造新船尾,然後固定安装在船尾加強支撐力加強水處理.
請問各位師兄知道其他方法呢,請腸教.

hi mkc
方法1,2都得

方法1
好處) 平,易做
壞處) 重,效能不高,負重底,玩10年左右會入水

方法2
好處) 無方法1咁重,比較耐用
壞處) 貴,效能不高,新做船尾比例不正確/好難做得好

方法3
上排,成個船尾cut走,船底做木模,上cell,用hand layup,Infusion,bagging成型都得,不過用layup會比Infusion同bagging重多30%左右,強度最好Infusion,之後bagging,膠就Vinylester夠哂,吾洗用epoxy+吾好用polyester,吾係用layup的其本上成型左就油船底油下得水,layup除外.

好處)用Sandwich+cell做,強度夠,極輕身,負重高,n年後其他部份爛哂船尾都未有事
壞處)好貴,玩Infusion要計數,膠比例,注入時間,位置,天氣,抽真空等都要計好,吾係成件玩完,香港無船廠做.而且咁整完都夠買過隻船

T君
多謝你的提點十分詳盡,約10前曾經接收一艘新船由香港財利船廠建造,45呎長,但本身船模是50呎,因此船廠將船模切割後再裝填用私方法好似你所講般.
但由於技術太復習本人之技術未能掌握因此作罷,但會嘗試方法A木工加裝船底殼加纖維再試水,如果效能不佳可作修改,同時未切割船體,可以還原,此法較安全.假如有任何技巧性技術性可否再提供資料.謝謝

hi mkc,只是交流下不洗咁客氣說提點,方法A木工加裝船底殼加纖維其實好多船都做左,好易找人做到,問題係新船尾設計如何?
我見你說"船尾機令船尾重量倍增,導致船尾浮力不足" 有無計過靜水時船尾比正常比例低左幾多?而船尾機會加到新船尾或是只在船尾左右加長而船尾機保持扣在舊船身?

題外話.我呢2年成日都找緊合適朋友/地點一起造船,由hull 造起/買個hull 都得,由hull 造起的我整左好多設計,最想都係造cat,大概35呎-40呎左右,問題係找左好耐都找不到合適(平租)的地點,因為由hull造diy起碼都年幾先下得水,買hull 就快好多.有無師兄有興趣呢個project/有合適地點?最好近西貢一點

T, 呢個造船project我有興趣，願聞其詳。但我覺得買Hull會好d,自己做Hull質量會好難控制。

至於地點，或者可以搵利x亞達叔傾傾。

T君:
我隻船己左船尾加長咗約2呎平水面平台,而船尾機則安裝在平台尾,因此船尾下垂至水線上而船頭水線則離開水面,由於船尾架已架底加支撐柱,因此如果用木工將船尾架板底加長配合需此法可行性很高,同時接駁位恐防滲水所以加澎脹膠當入水後加強浮水作用.
至於你想自已造船,如果有現成合適船殼並不困難,可以倒模覆製,支撐強化船身結構,在平衡方面主要在加裝上層建築物,機械,裝置計算重量,最後利用油缸,水缸,後備儲存浮力(空缸)來平衡.
但出驗船出牌手續規格先查清楚,或可找船廠代勞(大陸乜都夠膽).
機車方面我曾經接觸過一款好特別設計或可參考研究.
他選用自己代理半沉水式多業式螺旋槳,當運轉時半浮水螺旋槳將空氣帶入水中形成氣泡再推出減小負壓.
優異,利用小匹數可提供高速行駛.我曾經參觀過及試航船長20呎釣魚艇,他用一副二個盤油渣燈偈約50匹左右唔記得種之好細舊吉拿車改裝,可以行到25浬.十分經濟.
我想知道你組裝新船是商業性質或業餘性質,如果業餘我十分有興趣參與,但如果商業性質我都可以比意見呢,比個電話依猫給我有時間出來詳談,交個朋友.

其實我都好想一手一腳自己砌隻船出o黎.. 由設計到建造. 網上見o的外國人可以online訂張圖返o黎, 然後係屋企個車房當船廠咁砌隻船出o黎! 自己造隻船真係我o既夢想, 做到一定會好有成功感!!不過香港真係好難搵地方, 同埋唔係人人都鍾意自己動手造呢個過程. 而且即使有呢個心願, 但我自己又冇T對纖維制作技術o既深切認識(T講個o的,我真係一知半解咋)所以有機會我絕對要跟T學o野. T呢個project一定要預埋我:chanfunchai@yahoo.com.hk

我o既dream project boat都係想造隻Cat. 不過20-30尺夠la.. 行兩部90hp outboard.. 但係cat現成o既船模真係好少見.可能真係要自己造.

哈,其實我幾年前都夾過朋友買hull 整,正常來計,買隻2手船由hull以上都吾要係最快最平方法,3-40呎2手hull 幾萬就ok,只是當年玩到一半朋友就退出,而且一個人整租金真係好貴,最後忍痛所有野都放棄,幾年來一直都想再造.有左上次經驗,我下次攪會留意最重要的野..地點,因我都只是熱愛造船,完全業餘性質,只有星期6,日整由hull到出牌最少要1,2年時間,上次就計小左租金同高估左可動手時間,今次一定要計好哂先開始,而且我係frp方面學得比較多,都想找d機械高手學下
野
由hull 造船我成日都想/說.可惜我未來財政大人始終都吾想住村屋..

或者分享多小小,如果有朋友家門前有小地方又想diy,買隻抄穿左船底的快艇係極之合適,呢d船無機的1萬多d,有連機的2,3萬都有,而且之前都有出牌,牌照方面吾洗擔心,而且抄穿左船底後仲有2手價值的當然牌子,年份吾錯啦,呢d都係有部份朋友出海有意外,修理費過高而平賣船廠,船廠返新出新牌當新船賣,但如果同船廠有2句的他們一收左加2,3千通常都會賣比你,到時就可以慢慢玩

T, 不如留個e-mail比我. 大家可以交流一下. chanfunchai@yahoo.com.hk

小弟初來步到，爬舊文到此，感覺盡管這話題是二年多前的了，但亦可再討論下去的，而小弟亦有另一看法，希望若講錯了，請mkc師兄和眾位師兄們亦別怪小弟的無知。

常識上誰都知道，設計船體的工程師，均必定將動力與船體平衡.....等許多因素一併考慮的，務求造出最佳的船隻。而mkc師兄將"隻船由內置內燃機改為船外的船尾機"，有可能是一個欠佳的做法。理由很簡單，船艇的"動力點"、"力向"、"力量"圴被改變，連重量重心亦失衡，又怎可發揮其應有的本能呢？最壞的想法，更涉及最重要的安全問題，甚至保险公司受保與否亦可能成問題。
試想一想，如此"改機"，引發諸多問題，何不改回"原樣機"？

好開心還有人記得我,我舊時隻船祗是縦傾狀態縦後傾角約二度,即首尾吃水差角為將2度,出現這些小問題,祗需將船頭加重即解決了問題.
但經尹良後現時情況怎樣我己不得而知呢.

好開心還有人記得我,舊船祗是緃傾負值約二度,即首尾吃水差為後二度吧,祗需約船頭加重已明顯改善了,但改善後現時情況怎樣己不得而知了.