螞蟻兄:
螞蟻落水坐船蝦哈.
到留言星期天你將會去遠征由三門仔往三家村,真勇敢好厲厲厲害,小心現時吹東至東北風季侯風,去程比較平靜但小心浪湧,可利用船尾左或右2至3點位乘浪,回程時浪浪上艙面,可改變用船頭左或右2至3點位迎浪作于迴之字航行法,比較穩定安全.
完成遠征壯舉後談談感覺怎樣,我記得第一次出航時之感覺永久難忘.

MKC 兄，
成功以19呎登件在6-7級風由三門仔開往三家村，過程比想像中理想，唯獨是絕大部份時間都只能以慢速航行，其中有些位置是極慢，因風浪實在太大(對19呎而言)，一出塔門，塔門口打上礁d浪幾乎可以滑浪，未到黃茅洲已好大浪，長咀洲更甚，大浪灣更加名不虛傳，過曾棚角與飯甑洲之間時，亂流重非常大，真係個刻先明白"一葉輕舟"！一路去到青洲終於頂唔順兩個鐘(因之前個晚唔夠，只有三個鐘)，朋友見我頂唔順，佢地釣魚我覺，之后再上路就風浪已能接受同好順利咁去到三家村，全程用接近三小時(唔計覺個d)。
呢次經驗，無上次三號風球咁驚，可能已有上次經驗加上今次係白天，而且船上重有一個在船上工作的朋友，所以可以講完全唔驚！
另外，發現我隻登件用油，比想像中少，預三桶半鬼油，居然只用了桶半已到目的地，比想像中用少了一桶油，可能因大部份時間只能用約28-3200轉行，比平時用3800-4000行，用少了好多油！估唔到低幾百轉會慳咁多，真係諗唔到。
其實，點解會有呢次行程，因為我隻艇仔賣囉！！送船去三家村，我而家連艇仔都無囉！！
不過，呢個禮拜六會去睇朋友隻21呎，OK就會買黎玩，全世界都反對去攪隻老翻黎玩，咁又返去原定策略，一步步上囉！
不過有呢次經驗，等我買番隻艇，下次我夠膽去白沙搵你地一齊玩啦！
講住咁多先，聽朝重要飛上海，星期五返黎再傾！

螞蟻兄，你隻19呎登件用甚麽牌子和匹數船尾机？很慳油啊！
祝你早日出隻新艇，如果有好艇多出來，我都想出一隻，可唔可以通知我

我都唔多明點解呢轉咁慳油，比平時慳接近一半，如前述，唯一我可諗到就係因為風浪大，被迫以較低轉數行，比平時慢約700-1000轉，但另一方面，亦因浪大關係，比油經常時快時慢，拉上拉落去就浪，咁做亦應相對增加多小油耗，都唔明點解....
機係100匹 Johnson 舊款黑機。
你都想玩登件？唔係呀？有大船唔玩？除非好似我咁為釣魚啦，哈哈！！要搵阿四或有時間就打個電話俾我啦。

呀，重有，今日已提前係上海返黎，隨時可打電話俾我啦 :-)

我本身就是玩登件和釣魚的.......多多指教
現有一隻40匹小登件，很舊想買過隻

螞蟻兄,你認錯人啦,哈哈.......

sorry sorry, 不過唔緊要啦，係呢度都係朋友啦 :-)