最近我好少上來，因為忙新生意仔
我架船仔最近已經完全翻新好，但我都無時間看。我最近忙於貪玩在維園租了兩個年宵檔位，賣自己設計的" 行運一條龍" 玩具，全部自己設計和找大陸做，又要搞運輸和香港貨倉等，大家如果在維園年宵看到我檔位，打個招呼，你當然要買翻條罷 (兩個一東一西檔我就走來走去管理)，你打個招呼，我即到!

咁打個折頭好喎．．．．

有冇相睇吓呀

買一送一，兩條好玩些~~~~~

Hong兄，果然有女留學開支會大好多！過年都博盡！好！香港人精神萬歲！先祝你生意做唔停！年三十維園見你唔到！(年廿九都賣哂，年三十唔駛做嘛！)

生活磨人當然，我玩年宵是對自己的挑戰而已，唔係當是過活，但花了時間，我當然希望合理的回報，我不是那些中學生玩下玩下，我真是要付兼職學生人工，連短短幾日勞工保險我都買埋，我當生意做，我成本約19萬，絕對唔係玩的。當然我期望會賺的，但點計都唔可能會賠。

嘩啦 ~ 短短數日墟期亦做足全面準備 , 果真商界專才 ;
祝Hong兄豬到功成 !

我是維園 86 及 236 攤位，遲些少2月13號會有報紙宣傳，今日不能講賣什麼，因怕人抄。

我的兩個店叫做: 行運一條龍

阿 Hong 兄，今晚十一點幾專登帶我幾位小老板去維園想幫襯你，點知人多到 .... 唉新正頭唔講唔吉利！
人多成咁，唔知對你生意有無影響呢？因為見到有d想買，但跟本行唔到過去買，結果好快就頂唔順要歸家，希望你已經發新年財啦，恭喜！恭喜！

人太多反而無生意，人流推人，唔留腳。
我兩檔在年28，收入好過年30咁多人
今年年宵蝕左，也決定以後唔做。
年宵是否嘉年華會？
無理由要檔主做show，但賣唔到，我親身感受，好多好多檔都賠，只是賠多與小。

感觸良多，日後寫篇檢討文，會貼在這裡，但初步講，我是完全失敗。
做人拿得起，放得低，自我檢討是錯了。買個教訓。

Hong兄，你講得好啱，難得你睇得開，做人既野，有時唔係你肯出半斤力，就可以攞番足八兩‧
我有個大舅去年暑假開始失業，搵工搵咗好耐，最後就試吓學你一樣攪啲少生意。佢之前做咗好多research，又將好多唔同款既樣品比人參考，就連我五歲個女都有份比意見。
但最終結果顯示，年宵市場真係旺丁唔旺財，高朋唔滿坐；你出咗半斤力就連二兩都收唔番，依家仲要處理啲艇貨。
新正頭都唔想講依啲唔開既野，但係面對香港社會，唔係肯努力就有運行，只有從失敗中起身再嚟過，有打不死既精神先至可以繼續落去。

Hong兄，唔緊要啦！花點錢買個教訓，下次會做得更好！個晚同太座都有傾幾句年宵，如果做乾貨，我就揀類似將軍澳、沙田個類，人流雖然無維園多，但附近人口亦唔少，再加上警方控制人流較有效率(場細較易控制)，入場后較輕鬆，買都易d，反而維園旺丁唔留財！人流唔跟指示行，迫到嗌交多過買！d后生仔又推推撞撞覺得好好玩，個晚帶住三個小老板，淨係聯想起蘭貴坊，想過去你度探下班都唔得！唯有撤退！

做生意始終講實際，宣傳已有公關公司去做，香港小姐和 2R 都到我檔留影簽名，報紙多份報導，包括蘋果，文匯等等。
做完埋單，始終都賠，賺個教訓。不過好辛苦，已經好耐無試過要勞動成星期。

唔熟唔做，古有明訓。我都係做翻貿易好的。買個教訓，更好，好過以前想過開火鍋店，KFC等。我都唔應該做零售店。

轉載自二月十二日文匯報
http://paper.wenweipo.com/2007/02/12/YO0702120005.htm

唉，你貼文匯報的粉紅吹氣豬頭棍，我公關請到香港小姐、2R來，佢就在我檔旁都有著數，日後佢都幾好賣，但終於都蝕幾萬銀。(我老婆下屬之朋友開的)
我猜都猜唔到佢會蝕。連我都唔信，但老婆下屬是講真的。

唉，我只能講唉，我會記著維園教訓

Hong 兄，
拜讀閣下文章久矣，在此say hello
希望你教訓唔大，損失唔多la，更望你下次賺突，換架更大艇。
你會唔會講年宵生意前因後果?

年宵的確令我這初哥錯誤決定，賠了十幾萬 哈哈哈，我同老婆在年28已經檢討，大家都知道可能香了，我老婆願意承擔三成，其餘是我的責任，當晚我兩公婆在外邊大魚大肉大啤酒，其實錢是衰左，不過我兩公婆不是計錢，反而是檢討，錢衰左無計的。
但老婆願意承擔三成責任是我好開心，因為唔係我一個人想玩到咁呀，老婆都贊同的。
至於衰左，唔緊要，做生意無實賺，但我有老婆願意承擔責任，承可愛。

Hong兄 "一萬幾仟，過眼雲煙，十萬百萬，視作等閒"，果然豁達。
乜咁勁要賠十幾萬，究竟原因為何呀?

因為我所有工作人員都要付錢，幾萬銀人工
午餐晚餐飲水全包，自己都忘記計這些:原來要四千幾銀
我又租臨時倉放貨，又無一筆
如果是學生自己做，學校可以做倉，佢地不用計人工這些。
我衰好多樣，包括訂貨過多，又衰幾萬，加加埋埋就有一筆甘喇。
這次學習費好貴，但是警惕我以後做生意小心，唔熟唔做，今次賠些少，好過日後投資另外一些野賠大錢。

嘩，人工都唔少野，可能你係一個康慨老闆!

忘記過去，努力未來，
維園年宵令我賠錢又令我警醒，好一個警號！
我想過同大陸朋友大陸某地做雞KFC，M記
不過這維園年宵令我知道真的唔熟唔做
可能我在大陸某地玩 KFC 更賠
現在賠了些少，當學費

這話題都唔想再答了。