我一直奇怪点解筲箕灣冇人搞？香港仔就開間爆間，其實南水冇乜好玩，去西貢又遠又有風浪，可能香港仔艇大多去西貢，点解唔係筲箕灣擺？問吓大家意見，或者我會試下搞。

留低個e.mail聯絡逍訊

abdc2103@yahoo.com.hk

個人意見，細船能去的地方唔多，風浪又要唔大，星期日一家人出船玩一天沙灘，再或者加海鮮，細船快艇泊西貢白沙灣或西貢最方便，大把沙灘去，牛尾海又容易開，附近又有海鮮店。

看下黃金海岸，一出去就風高浪急，又無離島沙灘，香港仔就去南丫島方便，就算大清水Golf場，開出去都勁大浪的。咁筲箕灣去邊都轉個大圈？

咁樣銅鑼灣遊艇會便執粒,避風塘啲遊艇賣晒佢.

上面師兄考慮景區距離問題我有考慮過，由筲箕灣出到白沙灣快艇約半小時，比自己撘車出入方便，而且平時想去打理吓容易得多。

絕對同意hong 兄所言，大東風你係無辦法出佛堂門(細船仔)架! 至於銅鑼灣遊艇會係唔會執架，因為人人交會費.....哈哈。佢地大部份都係帆船友，越大風就越。如果你係玩船頻密o既，就唔駛諗-隻船擺係西貢，油錢都慳唔少。間唔中出下去，就擺係香港仔或者係大埔，貪佢擺船平，但係就無o左D船友喇。死船或者係死水電就擺係元朗貨場- 可能係免費位 (最好就係套現啦)。筲箕灣擺船，兩頭唔到岸，得過方便自己探班。

我唔係撥冷水，開架細船如我，我要成家娛樂唔係要大風浪，泊邊自然就考慮出船地方同去邊到玩，唔係我開車去邊，開車幾遠唔係問題，我都住市區，只是我開船要安全，適合我全家玩。
我選擇了白沙灣，架船一泊就四年。

但我又想講: 世界做生意，唔做唔知，或者邊度泊船會掂，我不做這行業，我唔知，只是我善意提醒: 自已小心計數喇。

至於有人講銅鑼灣什麼會出船，唉，這裡發言自由，邊個亂講你就自已考慮。

唉，唔抵得，都要講句，邊個有架船在銅鑼灣遊艇會或避風塘有個位的，你架乜船教下我地這班細路，我地這版有你出文好多謝，我地等你教。

從前有一艘快艇,童年活在銅鑼灣,自小由中式遊艇帶引,經常在故鄉維多利亞港玩耍,到香港仔,南丫島食海鮮.
最怕是到蒲台島,大浪灣,圓角,大小丫洲分流,大澳,黃花排等等好多好多地方釣魚. 沉悶.
有時會帶去黃金海岸探親,會合親朋好友觀南海白海豚,
每每在冬天時選擇淺水灣,深水灣,赤柱,大嶼山,長沙,南丫島等等地曬太陽.
最近好開心去迪士尼睇煙花,不知是否心情特別好煙花比維港更加美,坪洲的海鮮似特別好味.
保持身型經常去行山運動,早星期去飛機場附近東涌,錯過吊車.沿行人徑花了三小時步行到達寶蓮寺參神, 小小的一艘快艇本來應該在海上漂泊,萬萬想不到可以乘公共汽車返回舊東涌細嘗懷舊漁村.
夏天將來臨行程會改變,往西貢,海灘很多很特別泊滿密密麻麻貌似中式遊艇的木船,運載著不知環保,不理會他人感想的遊客,導致海面漂浮可口可樂樽,膠製購物袋,還有很多不知名物品.竹戰聲,搖擺交響樂團,合唱團傳來污染第二度空間之聲,海上往來密密接駁船,滑水快艇感覺很害怕.
如果可以選擇吐露港,大埔,塔門,海下,東心其半島海岸公園很多優美海岸線,寧靜海灘,享受大自然的賞賜,最佳特別是治安,警察在海上設置繩網陷阱,保障安全,盜匪不會將小小快艇及中式遊艇帶走.
特別享往是香港西湖,萬山群聚的印洲塘海岸公園,樣貌極似小鴨島嶼,各式各樣離奇岩,伴隨日落黃昏東坪洲……..

一切一切將成為童年回憶,有隻小蛙同主人說:(故鄉離西貢太遠不方便) ，白沙灣或西貢最方便，大把沙灘去，牛尾海又容易開，玩船頻密o既，唔駛諗-隻船擺係西貢，油錢都慳唔少，開車去邊，開車幾遠唔係問題, 船友又多，方便自己探班,附近又有海鮮店。香港仔或者係大埔，貪佢擺船平，死船或者係死水電就擺係元朗貨場- 可能係免費位 (最好就係套現啦)。

但願主人醒吾美妙香港等待你,小蛙小蛙的說話請你請你三思考慮考慮.

原來我真係咁乞人憎，咁真係要檢討o下。不過你係敵唔過自由市場o既選擇同自己既主觀願望。

容我講句話，有人要泊船平，有人要交通方便，有人要四通八達，有人要風平浪靜，有人要家宅平安，有人要衣食無憂，有人要親親大自然，有人要避世 ．．．．咁邊個先呢？我唔知，不過就知無人係錯，只係各人取向唔同，跟本唔需要爭論！
如果我住港島，筲箕灣唔係無得諗，假設我住港島西或南區，我揀香港仔、銅鑼灣或筲箕灣，唔揀西貢或大埔，自己車都覺遠！玩完一日，要我一個鐘返屋企？咪玩啦。相反，家住新界北係唔會揀港島泊船掛？所以，無論泊船去邊度，自己覺得大前提為方便自己！無人買架車，但長期要搭的士去車掛？就算 holiday driver 都係咁話啦！

p.s. 嘜係元朗貨場？真係唔識，點解死船死水電擺個度？即係咪船場？(=錦田車場)講黎聽下？

By the way, 經常車經過銅鑼灣，唔多覺裡面大部份係帆船喎？
Sampan兄一定家住港島，Hong兄就緊係九龍或新界東候選人啦！所以唔駛爭啦，各取所需好正常，各有道理。
有船都唔一定要環島遊，每人都有自己玩模式，道不同，亦唔一定有任何一方係錯！係咪？
有講錯千其唔好鬧我呀！我都係好言相勸咋！

重有，我九龍中，東南西北對我都係差唔多，我係夜晚出動螞蟻，隨時歡迎得閒可以搵我食宵夜、糖水！
> o <
=====

我泊船附近的西貢水上人，四海為家，乜船都可以去到太平洋，東西沙群島，海南島，越南，唔係長洲，澳門添。
我陸地長大，游水游到五十米，現在見過下海，唔驚都好叻了，我地這些細路在牛尾海玩下，正如細路在沙灣玩下，已經好開心。

無可否認，夏蟲不可語冰，我這種夏蟲懂不了，不過有架爛船開下，一家安全玩下，食下海鮮，意願已足。

此地真是臥虎藏龍，不但文筆咄核，兼可雅俗共賞。

這句畧帶凉薄說話"死船或者係死水電就擺係元朗貨場- 可能係免費位"即時拉起戰幕. ABC童年故事真是幽默抵死,但也發人深醒! 正義螞蟻路見不平，語重深長。 Hong兄自嘲夏蟲也是一絕。

厚道！好嘢！正呀！非一般三流綱站！

我的確是夏蟲，開船幾年，泊碼頭十次，七次幾好，但三次就撞埋去或者開來開去都唔掂。
有乜所謂，有七次成功，我老婆都唔鬧我了，又安全上岸了，我泊船果度成日話我泊上來都對準些喇，後波回呔唔得架 ! 你以為你開車呀! 真人講 ! 我聽夠喇，網上今日聽任何人講野，濕濕碎喇。

去邊其實好容易，夠電油實去到，曾經有這裡版友在聚會時問我架18呎船你從白沙灣去到浪茄？好大浪架! 我說無乜呀，夏天去過幾次添，點解去唔到？

當然我好多地方無去過，我去邊唔係實現理想，我對任何船無大期望，我的夢好遠呢 ! 不如打算去珠海學習飛行，學業有成會可能去得遠些少添。

我係路人甲，見到呢篇文咁精彩，多事搭句咀，
海闊天空，去邊都得，不過亦都要睇下架艇有幾大，我唸勉強去，
拋到你嘔就叫做不自量力。
迪士尼煙花，聽起都浪漫，但我每次黃昏白沙灣上岸時都見好多船趕住入黑前返歸。其實有幾多人想/可以夜航呢。

我住港島區啱我.......
sam.piston@gmail.com

我住港島區啱我.......
apple_2348@yahoo.com.hk