近來隻 21 呎登件有少少問題.
出去熄匙停船釣魚, 半小時左右再撻著唔到機.
渣下個油泵仔發覺"林"左, 渣實番佢撻多幾次又得番.
係咪油喉有問題呢? 換左佢約幾錢? thanks!

Joey

請參閱舊文，mkc有詳細講解。最近他少有參與討論真是很可惜，可能各人對事情有不同想法罷。

撻唔著隻船？
http://pub44.bravenet.com/forum/3728984891/show/771011

著唔到車有好多可能性，如果你冇把握搵出問題所在，最好都係搵師傅check真啲好。船唔同車，車撻唔著最多放響度，船出咗大海就可以大玩魯賓遜飄流記囉。

又唔打電話問下我？！
我以前隻登件都試過，俾電話我再詳細講清楚d

thx 螞蟻同細佬既回應.
上星期落雨都無去搞隻船, 今個星期日希望有時間去搞搞佢.

根據提供有限資料顯示,停車後手動膠油泵(波仔)未有膨脹感覺,成因極大可能是膠油泵內之止回閥損壞,燃油回流油缸內引起缺油,最簡便方法嘗試更換手動膠泵,後再測試.
職業所需較早前出外進修,未暇出文,回來後感覺冷清,所見最大回響是新牌照問題,海事處已籌備相當長時間,在政府部門推行已久,對遊艇牌影響不大,只是機輪與船主牌合併為操作員證書,在過往大家是否都是同時考船主及大偈牌呢又有可不可呢.
新牌影響最大我本人覺得是教牌師父吧,以往的模擬試題可能不再適用,需重新找尋白老鼠作試新,其實我本人極之反對精讀試題,對個人及其他航海者構成危機,不知大家是否讚同呢.下次再談.望不再以人身攻擊來結束話題.

絕對同意MKC所言, 想想三個月前我亦是靠不停做試題 (當然我都有上堂), 僥倖地一take過船主大偈全部合格. 話咁快買左隻登件玩下, 平時睇就易, 自己一渣上手就拿手唔成勢, 頭幾次落艇都要搵d熟手傍住, 家下渣多幾次好左少少, 但有起問題時仍然不時要打電話問功課. 小小一隻登件都咁多野學, 玩大隻少少時要兼顧問題一定更多.

我會嘗試先更換手動泵, 睇睇類似情況有無再出現! thx

hi Joey
記得攪掂再話我地知維修結果呀！

小弟都有隻登件，比你隻更細只有十九呎，試過因感應温度之SENSOR有問題而行駛途中死火隋海飄，仲点要一個人，嚇都嚇死.....

上星期日好彩你沒有出海,又像細雨又像風,雖然有成20度但都幾覺凍,但同班海事青年團出海實習航行駕駛,比班年青人熱情將氣紛提升,不怕風雨無懼大浪勇往直前.感覺自已時光倒流.

星期六租了屯門艇出海釣魚, 東北五六級係機場一帶都盡是白頭浪,吹到咀歪. 於是尋日又一次縮沙無去搞隻艇. 今個星期六日兩日都拎左 permit, 點都要落艇搞番掂佢.

想順帶一問, 一般船外機登件閒置三四個星期會出現咩野問題, 又有咩野方法可以減低問題出現既機會呢?
另外有朋友係每次出海後, 都打開船外機蓋, 直接用小桶倒淡水沖洗 (每次兩三桶左右), 此方法正確嗎? 有無正確方法減少鹽份係引擎積聚?

多謝各高手教路

Joey:
好久沒有收到你的電郵,見你釣到的魚,是否在街市買,我都想去買,有時間同你出海買.
至於船尾機通常都是有防防水設計,你見啲漁民朋友,船尾機日車夜車都沒有怎樣保養,但如果你停用一段長時間,最好買一個運水罩,當用完後返回岸上時可以用它(好似耳罩樣)利用淡水吸在船尾機吸水孔上,然後著車用迨速運行壹段時間,再將油喉扳除,待餘下化油器的油杯內電油燃燒完自動停車.
此法可避免運水管道內積存咸水及雜質引起淤塞,亦可避免化油器油杯內之積存電油,經長時間停用電油揮發後,嘖油咀淤塞及浮子膠著情況出現.
如果船尾機內曾經入水,你用小量淡水沖洗內部亦無嘗不可,但沖洗時請小心電器入水別電線接駁位置.
其實我通常每之用完沖洗完後,打開船尾機外殼,利用淡水布沬淨咸水,再用潤滑油沾染油布沬塗在機機表面,作用防銹防潮處理.
唔知其他船友是否仲有更好的方法呢.

MKC 兄, 我只係同朋友租艇出海釣魚, 收獲時多時少, 不過叫做過下日晨. 今個星期六會同朋友出海, 剛買了測深機, 會去試試搵位. 小弟同朋友合資買呢隻登件, 主要目的是為釣魚, 其次是為夏天潛水之用. 由於暫時只得小弟有牌渣船, 所以要急急惡補船藝知識, 尤其是繩結及維修保養方面的知識. 希望有機會跟各位高手學野, 或者幾時再有交流聚會, 小弟一定抽空出席

MKC兄, 另外我亦電郵了你 hotmail 的戶口, 是否那戶口已經停用呢?

Joey
剛剛收到你的電郵,其實我都好喜歡釣魚,如果時間許可會跟你們出海買魚.
航海繩結有很多,實用易綁易解結實最為重要,以前在海上生活(行船)時間充裕,探究很多繩結出來,方便又有,裝飾又有,實用繩結五花八門,小第略識一二,如果有時間切磋.
最近我構思合資貫部舊船尾機用作教材,集合有興趣各方船友,在假期天整體拆開維修,因為如果真正落手落腳去實踐,較書本理論來得深刻,甚麼叫做司桶,活塞及環,凸輪軸,曲軸,電器系統,燃油系統等等,原來如此.唔知大家有無興趣.

MKC,
買船尾機作教材, 是想買已不能操作之船尾機, 抑或已損壞但能修復之舊尾機, 還是功能正常的二手船尾機? 三者價錢相差可以好多.
我對認識更多船尾機維修相當有興趣, MKC 係唔係真係想開班?

今個星期雖然會落雨, 但風勢應不大, 係釣魚的好時間

Joey，用魚探機配合GPS全球定位系統會相得益彰。最好搵魚友問吓排口既正確經緯度(e.g.北緯22°12'XX"，東經114°06'XX")，在衛星導航帶領下到達所定的目的地；因為離開迎岸沒有「星基增強系統」功能支援，當誤差管制(SA)關閉時，使用單一GPS接收器一般準確度在方圓15米以內，在這時候放下魚探機，把船繞圈直到尋出聚魚位或沉船正確位置。

「星基增強系統」的原理與LBAS相同，但它利用額外的地球同步衛星來廣播偏差改正數據，令系統服務範圍更廣。美國及北美地區的WAAS，歐洲的EGNOS及日本的MSAS都是星基增強系統的例子。




甚麼是全球定位系統?

全球定位系統(GPS)是由美國國防部自70年代初期間開始發展的定位系統,於1989年開始運作。系統可分為三個部份:大空衛星部份、地面控制部份、和使用者部份。

大空衛星部份 ─ 由最少24顆平均分佈於6條大空軌道的衛星與及它們所廣播的無線電訊號所組成。這些衛星利用編碼的無線電訊號持續地將它們的時間和座標資料廣播給地面的使用者。

地面控制部份 ─ 由數個屬於美國國防部的地面監控站組成。它們主要的功能是監控衛星及修正衛星軌道，使每顆衛星都能發送正確的廣播訊號給地面的接收器。

使用者部份 ─ 包括不同的海、陸、空軍事和民事使用者和他們的衛星訊號接收器。他們運用各類型的接收器接收衛星訊號、計算自己在地球上的位置。


GPS怎樣運作?

全球定位系統訊號接收器需要接收到最少四顆衛星的訊號，才能計算出自己的位置。

當誤差管制(SA)開啟時，使用單一GPS接收器一般可準確至 – 100米
(SA 為美國防部為減低GPS精確度而實施的一種措施)
當誤差管制(SA)關閉時，使用單一GPS接收器一般可準確至 – 15米
配合差分式GPS (DGPS) 使用一般可準確至 – 3米
配以廣域增強差分式GPS (例如WAAS, EGNOS) 一般可準確至 – < 3米
配以實時動態RTK或網路RTK可準確至 – 厘米級別(理想環境下)
利用基線解算得出之靜態GPS測量位置可準確至 – 厘米以下級別

參考資料

地政總署測繪處 - 大地測量
http://www.geodetic.gov.hk/smo/gsi/programs/tc/index.htm

相關內容包括：

─香港衛星定位參考網(SatRef)
12個連續運行參考站、GPS參考站結構、系統結構、服務及應用和參考資料
http://www.geodetic.gov.hk/smo/tra_index.htm

─大地測量資訊
平面控制網、高程控制網、下載大地測量站索引圖、報告被移動或毀壞測量站、下載測量站點之記錄
http://www.geodetic.gov.hk/smo/gsi/programs/tc/geo.htm

─方格網及基準
香港大地測量基準說明、大地測量坐標轉換及投影參數、手提GPS接收器的坐標轉換參數設定、小區GPS高程轉換建議步驟、網上坐標轉換工具、大地測量基準常見問題、香港大地測量歷史記錄和參考資料
http://www.geodetic.gov.hk/smo/gsi/programs/tc/grid.htm

─全球定位系統技術
甚麼是全球定位系統、靜態GPS定位、差分DGPS定位、實時動態RTK定位、網路RTK(Network-RTK)定位、有關GPS數據、助導航定位系統和參考資料
http://www.geodetic.gov.hk/smo/gsi/programs/tc/gpstech.htm

細佬兄,
多謝指教, 經多年艇釣及朋友過料, 我已積累了不少沉船, 排口, 地下管道, 人工魚礁等坐標. 暫時我的導航為 GPSMAP60 (稍後會換為 276C), 測深機型號 FURUNO LS-4100TM. 只係由於經驗未足加上出艇次數少(暫時只出過四次), 所以搵位打泡等技術仍有待加強. 但玩多成四五年艇釣(一年釣約四十次), 相信呢個問題不難克服. 反而係駕船同機械維修等我只識皮毛 (正確D講我只係識條毛), 所以先要多D 上黎同各位高手學野.

近日好似多左人發言, 咁我又有一個問題想請教.

我個生艙都幾大 (約三呎半長呎半闊四呎深), 有無高手諗到用最簡便方法將佢間成兩邊 (因有時用生猛尤魚做餌, 我想將佢同釣上之魚獲分開, 免受驚嚇), 但有以下要求:
1. 隔板可隨時拆除 (若有開合式設計, 不能拆除亦可)
2. 隔板需有小孔道讓兩邊生艙之水互通
3. 基本上隔板受力不大故無需太堅固
4. 愈平愈好

我心中有一方案, 但等各高手提出意見先, 費事獻醜

Joey C兄, 吾使攪到個倉咁複雜呀!我建議係咁依放個大筲箕落去,又或拿個鬼油桶一開二再鑽孔, 要幾大開幾大, 再用繩或鉛/重o野固定, 咪可將釣來的寶貝分開o羅! 吾信效果? 請參考西貢碼頭賣海鮮班船家就知幾好用!!!

四驅友,
又好似幾好計播, 唔通我真係簡單複習化左? 不過睇下有無其他
船友仲好計過你先!

利用鋁或不銹鋼6分角鐵或U型槽鐵,再用不銹鋼螺絲安裝在倉內圍邊,另外亦可用木造,但需要用防水夾板或木板,如果在表面加髹上玻璃纖維效果更佳.
隔倉板:量度生倉大小再去廣東道剪裁1mm或以上不銹鋼隔沙板,當使用時插在槽上便可,如果隔倉板檔力不足可以在隅沙板上加角鐵增加強度,如果在生倉圍邊裝上不同呎吋間隔U型槽,便可以調校大小效果.
又可以用魚網四邊加裝不銹鋼或木製框架製成間倉板.
最簡單又平是去買個魚網架,(好似運魚車用個種)放在生倉內又可流動又可作撈基用.
唔知你點睇.

船尾機維修,最好是有朋友副機燒車或己損壞,千萬不要撞爛,拆開咗而又唔等用個種.大家一齊整慢慢番好佢.
測魚機咪即是測深機,如果小型沒有記憶顥示用途不大.因為太多干擾,垃圾經過便當是魚,有是最好啦可以知道水深,但我是釣沉底魚所以用途不大.
其實細佬兄所講用GPS測定位置最好用,因為下次可以再找到原位,同時其他人提供資料亦可識得點去.我依家都用緊.大霧及夜航時可作導航,經緯度,導航浮泡,航區,海藏等深線,危險區域,礁石等等應布盡有的都有顯示,加果加上航點或路線點,各轉航點,即可提供到違時間及提供正確航向等資料.但如果配合雷達一同使用更萬無一失,因為在雷達畫面會上出現導航線.航向是否正確,偏差幾多一目了然.

早知MKC師傅有這麽好的建議我就張我部40匹壞机交出來給大家研究學習，難得有機會散哂部机研究又有高手睇住，吾洗幾百蚊賣咗....

Hi Joey
我以前係用兩個相同筲箕，一邊用索帶綁住，一邊用橡根做扣(可打開)，再係兩短邊用索帶綁發泡膠，由佢浮係生倉，唔會影響魚獲，又平。試過釣淨好多蝦，唔塞生倉唔清光 d 水，一星期后再出艇，大部份都重好生猛。不過會攪到個生倉生滿，"橙"餐死！！

紅火蟻,
我泊船個位d水好污糟, 唔塞生艙一定唔可行. 養蝦我有個蝦籠, 問題不大. 唯一係要照顧d 生猛尤魚, 好難養, 有魚嚇下佢, 唔係講笑, 一百隻幾分鐘內可以得番十隻八隻.

MKC, 螞蟻,
連續兩日落船, 兩日夾埋車左成八十幾海浬, 部機出奇地咁聽話, 今個星期會搵人幫我換左個波仔同埋條喉.

另外我而家個油門CONTROL BOX 好緊下, 推上推落反應唔係好靈敏, 我有個士啤既係度, 想問自行更換有幾難呢? 搵人換又要幾多錢? 多謝各高手教路!

你一定是用完沒沖水及無用帆布袋蓋住佢,的雨水入咗落去久而久之便積死,拆開推桿用些小潤滑噴劑清洗下,再加雪油推多幾次試下.
唔好意思話你添,無他想講吓笑輕鬆吓,請諒.

MKC,
唔緊要, 隻船兩個月前二手買入, 上手keep等可能差d, 不過我都
真係無做你所講得兩樣野, 使唔使嘖些少 40 先上潤滑油?
我有朋友就話係 wire 問題, 話換左條 wire 可能會解決到, 你又點睇呢?

通常維修檢查從最簡單方法循序漸進.
拆散推桿後便會見到威吔,順便睇吓所有部份有沒有結晶物,噴射潤滑劑滲入威吔內有清洗及潤滑作用.
再跟進威吔線路是否暢順,有沒有被壓或曾經被壓扁壓花等情況.
完成重新安裝再定是否更換呢.
星期日有船友約出船釣魚,但唔知排位,有無好介紹,又或者一齊點睇,順便睇下你隻船,呀如果用你隻船一齊出海有無可能,東水.
見到你成日釣到咁多魚,真是手痕.

mkc,
今晚會電郵你數個排口位置, 星期日你可去試試. 我有不少排口都是在距離西貢十五至二十海浬的地方, 但必須以衛星定位配合測深機再配合打泡, 然後以下錨, 搖櫓或小型船尾機協助控制小艇之位置, 也可有較好之魚獲. 我只係初入門, 同真正艇家亦係天同地比
其實如果不想去太遠, 火石州東究南方沿岸, 橫州頭北面沿岸, 亦是天然大石位, 在那裡下釣亦有一定魚獲, 你可見到西貢不少艇家亦是在那裡搵食的.
我一般會在星期六出艇, 星期日應未能與你同行了. 有機會在白沙灣見到我, 亦可以跟我打個招乎(因為你認得我, 我唔認得你 :p)

my port side engine dies when i put on reverse gear. i can restart with no problem. starboard side engine is ok. What's wrong???