講咗一大輪大機械問題,有無興趣談談駕駛船隻問題及經驗呢,提出來大家暢言.

想問下大家，有什麼地方推介可以停停船，上岸飲番杯、食下小食或海鮮既好地方?

小弟航海年資短,隻23呎艇都只是買回來2個月，我常常與老父兩仔爺來來去去以下地方:

1. 食海鮮---糧船灣，布袋澳，滘西洲魚排
2. 小食及飲番杯---三星灣釣魚會

車仔, 你呢個問題應該另開新 post, 唔係就有違 mkc 開此 post 原意了. 雖然我都好想知道多d 地方可以飲飲食食!

MKC,
咁等我請教一下你先, 呢個同你之前答果個沙地下錨有少少相似, 但又有d 不同.
遲下我會夜晚係白沙灣出艇, 去附近一帶, 如海星灣, 小棕林等地方玩夜潛, 有無簡單方法可以俾我係沙石灘附近下錨定位, 俾我同朋友落水三幾個鐘, 又唔洗擔心隻艇會飄左去呢? 請指教

渣夜船經驗尚淺，曾仲夏夜航於滘西灣，天上繁星閃閃，美哉！
本港有否不宜夜航的地方？當然是指陰氣重的地方啦！

Joey, 係咪落水捉花蚧呀，我哋係荔枝莊見人哋都只喺落單錨就落水，因內灣水流慢，如吾放心可落雙錨或留個朋友係艇上，想起新鮮捉的花蚧就流口水，街市的無得比，最好係煲蚧粥、炒、凍蚧...

就係捉花蟹呀, 西貢聽講都有, 但無三門仔果頭咁多. 花蟹其實肉真係好甜, 而家都間唔中有, 但六至十月就最多!
單錨有些少擔心, 不過都會試試!

花蟹肉好甜!流口水!流口水!

陰氣重!陰氣重!那裹不宜夜航?

等我quote返阿Hong之前個post，幫佢攞返多少credit返嚟，唔好等佢成日飲大兩杯失晒分。

quote: 沙泥地落錨

我早幾年已經在本版問過如何在沙灘泊船(例如浪茄)，然後成船人走晒上岸過夜露營，架船就要經歷潮漲潮低，點可以弄到一晚我睡覺時，唔會扒錨走船？
答案已經不存在這版，因為電腦技術原因，不可能有多年前紀錄。
那時是版主Kevin答我，上岸找樹或其他固定點，將長繩連在岸上固定點，繩尾就有重錨在沙底，重錨就另有一繩，另一繩連浮抱，架船是連上浮抱的繩，架船連著浮抱，潮水漲或退無問題，這就是船藝，多年來我好想在浪茄過夜，可惜老婆唔同意，但這種泊沙灘用法，我記得的。
這種下錨，無得走，主繩夠力就得，繩頭在岸上，至於潮水，因你不是弄在主繩，只是連在浮水筒副繩，根本無問題。大浪另計。

Hong師兄其實好有料，但係就好似李白咁成日貓貓地....哈哈


仲記得以前細個好多時夜晚響東涌和沙螺灣一帶跟朋友照蟹照魚，之後返去生滾海鮮粥，真係諗返起都流口水。依家填海攪到好多地方污染晒，好多地方都再冇依支歌仔唱。

早十多年前，捉花蚧日頭捉就有，於夜晚捉一個鐘已經好多，而家哩兩年捉三兩個鐘只有四五斤，可能大家真係捉得太多，值得反省，我而家釣魚和捉蚧太細都放，落網仔都用大眼網，無魚無蚧另願食白果

另外小棕林以前係花蚧之鄉，多到你吾信，而家哩幾年我係荔枝莊蒲，都無去其他地方捉蚧，吾知近流況而信如之何.....

上星期六日風和日麗, 我呢個新手都膽粗粗車七星排東十海浬一隻爛船位釣魚, 張目四顧都見唔到岸, 出入全靠手上一部GPS. 全日總共行左 46 海浬.
聽日南風三四級, 天晴, 又係出海好日子. 已初部定好路線圖, 由白沙灣經果州直去浦台一帶多個沉船位, 今次好d, 有部新GPS (Garmin 276c) 陪著我走.暫時海圖上顯示行程總長都係44 海浬. 希望天公做美唔好打石湖.

不過講時講, 我一月拎牌, 二月中出艇, 家下三月尾, 車左6次, 感覺愈來愈好, 無一開始咁騰雞. 但要去到操控自如, 仲有好大段路要走!

嘩無開機幾日咁多回應,首先開此版面並不是只談駕駛,想多些開話題.
車仔:除咗西貢市外(叫落船食)你都清楚了,都是這樣吧,但有沒有想過自已在船上開餐呢,亦可以找個沙灘或碼頭上去野餐或燒烤火鍋呢,幾有風味.
Daywalker:夜航之美以前我都形容過,自己領略吓好個人的,講到陰氣重地方,睇你自已點睇啦,我本人都有經費時常都見到同感覺到,不用怕人怕鬼三分鬼怕人七分,自己行得正企得正又無做過誠心事唔使怕,有開經歷希興趣再談,但唔知可否在這裏.
kakit:捉花蚧照魚及摸蛤,又比你勾起條根,好久都未試過,邁到此情有點傷感,後生時同一大班朋友四維去,捉到後即刻整來食,啤酒汽水送海鮮樂此不疲,言談中講人生理想,講未來大計,訂目標...出來社會後各為各理想而鬥爭,各奔前程盡然有得亦有失,不復當件情.
Joey:沙灘拋錨我在較早前已講過,同時細佬兄亦己回覆了.經驗是累積的一開始咁騰雞,假以時日你可能是新一代航海家呢.星期日我同班船友出果洲,同橫欄釣魚,唔知有無機會遇見呢

感謝細佬.......
我會檢討自已出文，少飲一些一定，多謝大家。

講返轉頭,渣船大致可分三大類型:一遠洋航海,近岸航海及本地航海.
而大家在香港渣船便是本地航海術.
本地航海基本是採用目標航行法,即點對點航行,
在開航前應:
找出航經位置之海圖.
預算目的地.
計算各轉航點.
航區交通情況.
航區內所有危險位置.
留意天氣及海面情況.
潮水,風及流向速對船之影響.
測試航海設備包括機車,錨機等等
檢查補充足夠標準以上的燃油量.
檢查救生圈或救生衣.
當然亦要帶食物及淡水啦.
開航出去.......買個關子下次再談.

各船行家都有記法,大家有無渣船的術語呢,可以提出來大家暢談.例如避近不避遠,甚麼是撞紅/綠火,閃黑燈等.......東閃雨濃濃,南閃晚來風,西閃猛南風,北閃日頭紅....

TO JOEY:
我可能無看到你其他出文，你架船是多長和ENGINE 大小呢？頭幾次出船已經去咁遠，好野。

Joey 兄

其實你車咁遠，事前有做足什麽工夫？講來分享吓

嘩！MKC兄真是經驗豐富，連這些也身歷其境，依MKC兄的過往文章推測其言應所言非虛。不禁使我汗顏，原打算在印洲塘過夜，恐怕要取消了。雖吾不作虧心事，還是敬鬼神，避之則吉！

Hong 兄,
我隻只係廿一呎V底快艇, 一三五匹舊黑機. 亦有部五匹後備機

tony,
首先要檢查油量, 我在家亦會先用海圖軟件計劃行程, 計算總路程及大概用油量. 玩左幾次心中已有個譜.
其次係檢查機件, 開行一段時間後觀察有無異聲.
第三係帶備後備水電, GPS 導航亦有兩部, 足夠淡水.
第四係最好電話收到 (本港或大陸亦可)
第五係出發前同人講低自己會去甚麼位置

今日全程行走約五十海里, 釣獲只算一般, 流水太急, 幸好有幾條三幾斤鬼頭刀過下手癮.

Daywalker:
講真鬼神敬而遠之,是十分正確,其實我最怕是人,不懷好意的人,立心不良的人.好人怕壞人,雖然錢財身外物,有什麼損傷大家都唔想.
印洲塘有人稱香港西湖,我曾經夜航到過,環境都幾好假如在滿月到遊的確感覺到寧靜美.
但該地區極為靠近中國大陸邊界,只是繞過吉澳對出便是中國口岸,如果真要去可以結伴同行,多幾隻船互相照應,玩起上來都開心點,船友好個人化,香港暫時尚未有人發起船艇聯盟.其實都好難此終香港都是商業社會,睇睇有無熱心人仕發起.

mkc,
上星期收獲如何? 晚飯有無著落?
近幾日比較靜, 唔知去哂邊呢
今個星期又起大東風, 就算出艇都出唔到沙塘口了

星期天,吹東南微風,潮流平和脤至退幅2米,海中無浪,太陽不太烈.
與一班船友到果洲釣魚.無大魚收獲,石九公小魚幾尾.
面對寧靜南果洲,新相識釣魚友旁晚在船上火鍋,輕談淺唱,天南地北暢談釣魚心得樂而忘返.夜航返回白沙瀛已晚上9時.
旱上開航途中,遇上一艘高速遊艇,高速駛近在船頭快速經過,造成船浪將本船拋起,船上物件東歪西倒,連我坐的坐位木板都折斷,船尾機壓力喉爆裂,漏油不能正常轉向,幸好船上備有後備壓力油,及緊急維修包.即時將油喉暫時包裹後繼續行程.
油喉爆裂都不能歸咎它船所造成,因為檢查後接駁位早已出現銹蝕,船浪只是誘因.但高速船隻駕駛者理應留意其所造成的船浪對它船的影響.
回顧檢討此次經歷,特別是遊樂船,並非經常使用,但當使用時毛病百出,顯示出平時檢查保養的重要,同時船上緊急維修包設置物品,最重要的是個人維修常識,遇事處理,否則輕者掃興而歸,嚴重者或會出現意外.

厚道！厚道！事實明顯是高速船恃強凌弱，掌舵人弦耀心作崇，妄顧它人安全，而引發事端。此乃人性陰暗面，可惡！可恨！可殊之！
我一家大小，老幼婦孺於碧波航行之際，也曾被滑水船高速靠近，頓使小船劇烈抱晃，嘩聲振天，男女長幼者無不嚇破膽。幾乎被人(嚴格來說不是人。而是人形野獸) 減族清洗。真是怒從心上起，仇向血中流。可恨船上沒設置魚雷或重機鎗之附加設備。否則可模仿已故影星查里士布朗辰般充當城市清道夫一角，將城市人渣垃圾清除。看官不用擔心，說笑罷了！

請小心駕駛！切勿樂極生悲！善哉！善哉！

各船行家都有述語,其實是渣船時口訣,例如避近不避遠,甚麼是撞紅/綠火,閃黑燈等....東閃雨濃濃,南閃晚來風,西閃猛南風,北閃日頭紅.... 知唔知是代表甚麼.
唔知道各位是吾無興趣這個主題或唔想比人知心中事呢 ,無人回應算把呢.

MKC兄,怎會無興趣呢！尤以避黑燈一詞，燈都會有黑色的呢，真是有趣！請教！

Daywalker:
閃黑燈,即代表長白閃.方便記憶,行家術語以前考牌時考官會接受.
小型避風塘入口,小型機動船泊碼頭都會見到白色環照燈,長時間點亮間歇性短暫熄滅.

現時考牌仲會唔會接受術語? 因為可能部分術語就連考官都唔清楚...
記得以前讀T.I.都需要記好多專有名詞,但係出嚟搵食又要學過另外一套術語,兩者之間要用經驗混和,難免有時工程師遇著泥水佬攪到雞同鴨講,但其實識多啲行內語真係會方便溝通,由其響買零件既時間分分鐘會唔同價錢,知你識野都唔敢立亂搵你笨

MKC,
今個復活節假期出了兩日海釣魚, 想不到東北浪口比想像中稍細, 星期五出橫欄南面, 全程約 35 海浬. 星期日就先去七星再轉果州東南, 全程三十海程. 兩日都行東風長湧, 行十七至二十都算舒服. 星期五只有或魚七八斤, 星期日好些少, 有廿幾斤仲有條四斤青斑.

mkc兄, 同朋友傾開原來同你都間接識得, 待你遲下有空閒時間, 可幫下我眼睇睇隻船有咩特別問題嗎? 近幾次開船都算幾順利,部機都幾聽話.

今次又有個問題想請教, 以小型二衝船外機登件計, 艇上之緊急工具包應包括甚麼呢?

Hi mkc,

I'm a new guy in boating, Please explain the meaning of 東閃雨濃濃,南閃晚來風,西閃猛南風,北閃日頭紅 . Thanks alot.

Joey
世界真細小,凡事退一步留一線日後好相見,曾經或未來可能是朋友呢,
至於緊急維修包,除跟車維修工具外,我通常都額外備置工具有螺絲批十字一字型,小型他筆,鯉魚鉗仔,剪線鉗,火嘴通,由6號至16號(吟硬)活動士巴拿,大力鉗,鐵鋸及鋸片,鋸齒型力,焊錫及刺雞,他錶,手鎚等
另加備小量應用物料:鋼膠,膠油壺,大小活動喉碼,電線,幼威吔,幼繩,壓力膠喉,封密用膠墊片,多款小量螺絲釘包括鋼牙,平頭螺絲連絲帽,後備火嘴,後備油桶,開邊插針,配備適合本身船尾機螺旋槳用鐵木杯士,(當螺旋槳打到實身時通常用作保護車葉用)如果這些物件適當利用效果都唔錯.
在此順便提下,如果在海上船隻撞到硬物導致船身受損入水,咁你會點樣處理呢.試講吓討論吓.

River兄你好:
在以前的漁民出海作業,通訊設備又未有現時發達,出海後往往靠傳統常識觀天象,由於舊時知識水準不高,未能將知識經驗用文字記錄,最住方法用口訣或以唱歌形成唱出,你有無聽過以前的人唱的口水歌呢,都以特別,估有很多口訣名口水歌有幾會唱出來聽聽.
東閃雨濃濃,南閃晚來風,西閃猛南風,北閃日頭紅.這幾個口訣,表示在盛夏時晚上觀天,在東南西北方位會出現好似閃電般光影,根據光影判斷天氣及預測天氣.

Daywalker兄:
試吓講的見聞.
在七十年代,有無印象,香港仔避風塘珍寶海鮮舫發生之火警呢.救火過程不談.在火熄滅後通常都會留守現場,預防死灰復燃.
在留守期間,由於船隻大小沒有備廁所,人有三急出外在船旁小解個人尚未清醒忽然在面前出現一個人樣物件,嚇到個人硬化企在原位,大叫呀呀.的同事走出來問甚麼事,嚇到不能出聱用手指海面.原來在火警失蹤的受害者在船底經流水漂出來,在當浮出來時急升,咁唔好採剛巧在面前升上.小些膽真是比佢嚇死.
第二朝的漁民投訴我們,晚上你們一班十幾人在船大聲講大趕笑,同四維走....船上才有四人可來十幾人.....
有次在北角碼頭有人隨海,當到達後發覺一各女仕在海中浮沉,駛近後便伸手想拉她上船,黠知拉極都不動不小心引至前臀脫較,當時記得同船長者,同佢講小組上來啦唔好走啦屋企人等緊你呀,講完後自己一人將佢拉上船,當然她是己經死亡.

作死呀，mkc，三更半夜講埋d咁野。

嘩~~~~
怪談~~~~~~~~好恐怖呀

好好正阿！

MKC兄
MOER...MORE...

MKC兄的職業，的確使人肅然起敬！

MKC,
假日的我比平日更忙, 要現在才有時間回覆你.
謝謝你對緊急維修包的答覆, 有時間會盡量準備你提及的工具, 所謂唔怕一萬, 只怕萬一.
星期六租船出了海, 到了西貢外三十多海浬的一個釣點, 釣獲也過得去. 我其實也想駕自己艇到此釣點, 但亦有點擔心到達後機件有故障, 要知距西貢三十多海浬, 若使用後備五匹怕不要六七小時才回到西貢. 該釣點所有手機信號均收不到.
所以又想詢問一個問題, 船用無線電是否須拎有業餘無線電牌照才可使用? 若不須要, 是否有適合一復登件使用的無線電牌子及型號介紹呢? 謝謝

joey:
自己渣船出海, 到了西貢外三十多海浬用後備五匹六七小時可以回到西貢.即是不用怕啦.
所有手機信號均收不到.唔係應該收到中國移動,我成日比佢偷錢呢.但都沒有辦法啦.
近排我出海用123電訊大部份水域都可以收到訊號.可能它同政府簽約,在郊區作緊急求救通訊掛.
船用無線電是必須拎有業餘無線電牌照或海上無線電通訊牌照才可使用.
或可以去鴨記買個市民頻道加強版(你明呢)約定啲朋友通訊.
在這網站內有專業人仕或由他們作答較為詳盡.

mkc兄
是的, 上星期六到的位置連中國移動也收不到, 123電訊有機會我都要試試. 本地加強版, 哈哈, 今晚要到鴨記睇睇. 天氣回暖, 幾時又會有艇友聚會呢, 等我呢個初哥都可以出黎學下野, 其實我好多朋友都對船藝有興趣, 但如純粹靠朋友搭朋友, 識既野始終有有限. 網上世界最好就係網絡無遠弗屆, 世界各地不同背景朋友都有可能識到, 呢個討論區已經是香港目前最多艇友的討論區了, 我係度都學左好多野呢!

Joey 兄
哦原來你在此偷師,可惜我教唔到你甚麼,我對釣魚亦十分有興趣,但你們去得太遠30浬應該離開香港水域範圍,對我來說不大方便,不如有幾會出來飲茶談吓心得又如何呢.

MKC,
當然無問題啦, 其實我亦唔係次次都出咁遠釣魚的, 今個月的魚獲相當不錯, 釣或魚亦可過下手癮, 近近地橋咀一帶亦有不少放生紅魚釣, 玩下無妨, 食就麻麻地了.
星期日早上我會拎個冰箱落艇, 我小艇泊於白沙灣, 與你間接可以叫鄰居呢! 有時間可約個時間出海釣番一兩小時, 一樂也!

Joey
嗰喲係咪叫喃嚰魚呀,大廟都有,試過釣未.飲茶你約時間.

是的, 拿磨魚是也..... 時間大家可相就, 我預算星期日早上八時半左右到達白沙灣食早餐, 跟著可能跟一兩朋友到牛尾州下水捉幾斤盲蟹做送! 如不想太早起身可相約你中午於白沙灣滔滔午餐食蟹, 吹吹水飲飲啤酒.
不過捉蟹需睇天氣, 所以可於星期四或五再確定時間呢

mkc,

很久沒有見您啦!我老婆前兩日仲問我您幾時出船可以跟您落艇潻.阿早姨D魚毒好深架.下次飯局有興趣一齊出來ar,佢地食飯動輒三幾圍架.

Brian,
我魚毒深, 你都唔淺呀, 仲周時放毒引人過檔添!

mkc,
係呀, 我地個個星期都有飯局咁滯, 有興趣可以出黎吹水食魚, 我
成班朋友都係網上相識, 有新朋友出黎大家都咁歡迎.

Brian,
你好無見你一段時間,最近比Joey攪起咗魚毒引,有時間會跟佢去解毒.
跟著來星期天要返工未能跟佢去解毒,下次希望與你同行.
隻船十分健康,多多構思不停改進都是DIF,槳在其中.如想出海預約時間同行.

我都不知從可說起,大家對渣船仲有無野想知有無野想問呢,即管放馬過來.

我都玩左三年幾,船泊白沙灣,我未有膽去到噤遠(西貢外三十浬),下次要跟師兄們去玩玩

MKC,
好耐無上黎傾計, 因屋企電腦中左毒, 好不容易先解決.
近兩星期都有車自己艇去釣魚, 可惜收獲都差強人意, 租艇收獲穩定得多. 昨日天文台報微風兩級, 但約十時左右吹起三級西南風, 頂風頂浪車船並不容易, 想請問有無駛船過浪湧的心得呢?

Joey
電腦中毒,電視警察節目成日講,去街邊買幾粒葯丸給電腦服用便可以康復.
如果成日都釣到咁多魚,做漁民仲好個去打工.記得預我一份工.
(頂風頂浪車船並不容易, 想請問有無駛船過浪湧的心得呢?)

在Tiger一級船主口試個發表中,我曾經大概都提過,現抄錄如下:

當船隻在惡劣天氣頂浪行駛或艉浪時防止船艏拍浪及船艉拋浪 ,可增加壓艙水之重量 ,減慢航速 ,分段曲折航進交替作三至四點之航法 ,使海浪從船艏 ,船艉左右側沖來 ,並判斷當時之情況而採取適當調節主機速度 .

船隻在順浪航行 ,順行浪會沖激船艉 ,其衝力持續較久 ,若其中有任何不規則的流向 ,或向前推進之航向有偏差 ,對船艉即將會產生一種測推力 , 再加以順浪由船艉至船舯之距離 ,結果產生巨大迴轉力距 ,因而發生船隻偏航之現象 .
中小型船若能改變航向 ,使順浪衝向船艉左或右一至二點位頗為有效 , 但如果警覺性高之操舵員能預期偏航之傾向 ,每當順浪衝來而船艉被抬起時 ,利用較大角度舵角以抵擋則更有效防止 .

唔知是否幫到你,其實以前我在這個網內興致勃勃,發表過部份的專業文章,好似無人讚賞好似傻佬咁,現有開始都無太大興趣了.
如個有人好心機抄錄整理,或許可以幫到大家,如果無刪除的話.

MKC大哥，千祈唔好唔發表這些高質數文章，我哋從中學到唔少野。
另外我想再問如果隻船好細如舢舨，過浪湧有甚麼技巧呀，我有時覺得追湧時隻艇仲難控制

你啲文章咁pro，點敢立亂搭嘴呀!!!
無敵是最寂寞最是痛苦~~~~
好似我呢啲識少少咁咪有興趣學囉，就算你寂寞都好，都繼續貼呀

有否興趣相知甚麼(可變螺旋槳葉cpp裝置)推行船隻方式及優點及缺點.

Could MKC please explain the pros and cons of a dual outboard as compared with a single outboard. Thanks a lot

船隻螺旋槳轉向可分為左轉機車及右轉機車帶動,在單機車推動時會產生偏航現象,因螺旋槳轉動時部份負荷轉至船體側向反方向,當然船身重量不會被扭轉,但船體側向力會出現偏向.此種物理動向可以利用舵機抵消,但如果船尾機種是沒有獨立舵機,在轉向時利用船尾機主體擺動將螺旋槳排出水壓推向,但大家是吾有留意到,在船尾機底近螺旋槳後位置有一個小型類似船舵固定物件,這個回定小舵用途是抵消偏航而設,大多數在出廠時調校固定,但因應個別船種不同設計而需要再設定.

至於雙引擎船隻螺旋槳是應設計對裝式引擎,即一副左轉另外一副理應是右轉的,這樣設計可以互相抵消偏航現象,但有部份機種未有設計反方向轉動,所以安裝此種馬力較大機車的螺旋槳時都會加上一組齒輪形成逆轉配合.

在船尾機如果用單機時左或右轉車出現偏航,在轉向時一邊會較為吃力,但如果在雙機車時用同一螺旋槳轉向,不但出現嚴重偏航,或者已用尾舵較正,但在高速行駛時,船身會出現傾側不平衡向紅火或線火邊.
因此採用雙船尾機船艇理應用對裝式船尾機,但有些不負責或未明瞭個中原因的船廠或修理員.因某種原因選用同轉向機車,而用家只發覺為可在駕駛時種是不稱心如意呢.
最簡單方法是觀察螺旋槳之角度便可得知.

唔知是否可以幫到你.
同形號同款如單機車船行駛為20浬,假如用雙機車船速是否可違40浬呢.

MKC
thanks a lot for your advice. I think you have raised the next question which I am also interested in. Is the cost efficiency/performance of single O/B same as twin O/B.
Any further input you may give would be appreciated.

Propeller Characteristics
螺旋槳特性 (圖文並茂)
http://www.iboats.com/images/propfinder/popups/popup.cgi?finder=InfoPopup&page_id=blades

1. 3 blades...or 4?
2. How does wheel diameter, pitch, and slip affect performance ...and how is it measured?
3. What is the difference between thru-hub exhaust, over-hub exhaust, and non thru-hub exhaust?
4. Aluminum vs. Stainless Steel (Cavitation)
5. Diameter
6. Pitch
7. Cupping
8. Rake
9. Ventilation

細佬兄:真是佩服你,可以找到咁多有用網址.
六分儀,方位鏡,磁羅盤,離心式羅盤,電動羅盤,拖曳式測速儀,測深繩,摩士訊號及手動摩士訊號通訊燈,旗號,手號,傳令鐘等等一切以成歷史塵積了.
駕駛台上舵環高及腰,傳令鐘如侍童般你身旁,羅盤站立導你航行,閃爍燈光互通心聲.

初級水手第第如舞蹈般手號旗號顯現在你眼前.
船頭試水高級水手長表哥,船尾測速水手長表第雙雙叫囂,唱數,熱鬧非常.
大伙大哥有紋不亂,左手1個六分儀右手1個方位鏡,雙眼目不轉睛望向羅更,低頭不語地寫作.
口含煙斗,手持望遠境滿面風霜,聲如洪鐘老艇(船長)命令叫喊紅火5度,綠火3度,轉舵環,繁忙中又感覺父親威嚴安穩.叮噹叮噹親切傳令鐘聲像母親呼喚.

航海家長式制度的豪情,不拘小節,面對困難,互相關懷,守望相助,往日情誼,己成過去.時代變遷,科技日新月異,咨訊,資料來源不乏,而家航海,渣船真是方便好多,星辰名稱變成預測命運,夜觀天象,日出日落,迷霧變成了浪漫.

科技的進步使人們距離拉近，工作也變得相對輕鬆，但傳統的航海技術知識卻不可取代。只要一場無聲無息的太陽風暴，足可摧毁所有電子儀器，雖不使我們返回石器時代，但足以要在汪洋航行中水手們重新運用六分儀,方位鏡,磁羅盤等等。

過份依靠科技，也許會削弱我們對大自然應有的敬畏，對傳統的輕視。在沙士一疫前，香港的医療界正正就犯上以上的錯誤，深信大規模傳染病不會在香港發生，而忽畧了傳統基本的防感染措施。

Daywalker兄，絕對同意你的講法！ 現代科技發達的確令人帶來很多方便，儘管安坐家中亦可觸及世界。科技很多時候可以使以往複雜的事變得簡單，亦衝擊著社會帶動轉營；以往需要多人才能完成的工作今天可能只需要操作員一名，減省人力之餘亦令成本下降。 但科技背後卻隱藏著很多危機，單是早前台灣地震引起海底光纖損毀已顯示亞洲地區所依賴的對外網絡可以一下子便完蛋。假如全球同步衛星暫停服務一兩小時，那單單依賴gps的你可能已經糟透了。

再者，以往初出茅廬的師徒制度，雖則令學師仔苦不堪言，但孟子曰：「故天將降大任於是人也，必先苦其心志，勞其筋骨，餓其體膚，空乏其身，行拂亂其所為，所以動心忍性，曾益其所不能。人恆過，然後能改；困於心，衡於慮，而後作；徵於色，發於聲，而後喻。.....」 以往紅褲仔出身經一輪磨練後才能晉升為大師傅，當中無論體格、技巧、心智、能耐都成為鍛鍊的一部份，賴不著時下的年輕人一句不合便去尋死，那知鐵磨鐵才磨出刃來，人要經過如鎚鍊才爐火純青，成為大器。

前陣子看了discovery channel的古代航海探秘，真是相當佩服當代人的智慧，從觀星定位、按季節氣候遠洋航行，甚至繪製地圖，都是利用僅有的儀器來配合大自然的定律，加上船上配置了不同的工作崗位，船隊之間整體聯絡緊密更嚴如一支軍隊。

現時香港新一代喜歡急功近利，連帶政府亦是如此，就以考船牌為例，只需在試場考選擇題，成功即可為合格航海操作員．而新一代更加只讀精選試題又可過關，那麼實際操作時毛病百出，意外頻生
好似考車牌除筆試外都需要中途試及路試，難道現代航海便是這般嗎，海事處應該反醒吓，我想考船牌世界最容易簡單應該是香港．
好似今日新聞報紙法庭報導，去年一個有多年潛水經驗法國籍律師在西貢潛水時，被一艘橡皮快艇高速駛過，他被螺旋槳擊斃，雖然己做足指示浮標亦有觀察員，那又怎麼樣，駕駛者根本沒有航海知識，據事後調查時只是說好似打到野，唔知道已經做成一個家庭沒有辦法興祝父親節．

而家啲人揸船有時太離蒲，喺啲內灣位有小艇喺度釣魚或潛水都開得好快喺身邊過，可能個牌太易攞，安全認識又太少，度至每幾年就發生撞到人既意外....

咦！家傑你又係度，你問点過浪，專家學術理論唔係我所長，但係揸細船我就有啲經驗，我十一歲唔夠就揸seagull兩匹半，安喺隻荔園海邊要嚟出租啲木艇仔度，唔知seagull船尾机？荔枝角有艇仔租？哈哈！緊係咸豐年嘅嘢啦！講返正題，艇唔同車，隻隻設計唔同，要考濾自己隻艇乘擔浪頭能力和船馬力，以一般有一定馬力纖維艇，應以４５度上浪要俾啲油，由浪峯滑下時减速，避免玻浪冚過，首要考濾浪與浪之間濶度，即波長，當吃水深高速船如大水警，大河船在你近距離駛過，船頭剪水成浪離開船體時，波長極短，即兩浪之間極狹，此時必須掉頭遠離最少一二百米，待浪坑變濶時先好過！如果係一般慢船木船，就採用船首迎浪入後波的方法，切勿慌張扭舦令船側受浪，否則隨時級四！

sampan兄唔該晒，吾知係咪有咁橋，小弟正有兩隻艇，一隻10尺裝有一部兩匹机，當然吾係seagull啦，另一隻18尺裝有一部40匹机，已前坐就坐得多，近兩年有牌後開始自己揸，先知到原來有好多學問，由整机到揸艇，都要向各位請教再加以實行，有排學呀！

大細水警船d 尾浪.見到都要車遠小小才過,我要好慢過左,才再比油行過..

假如大家在航行時遇到天氣變化．海面開始出現大浪，需要回航，風高浪急，在此情況下應該怎樣轉航呢，稍一不慎船隻可能有翻沉危險．

在四月中一個星期天早上本想著開我的 Bayliner 由白沙灣去浪茄,但一出鎖匙門未到白腊仔已是五,六級大東北白頭浪,天色又暗,愛人喊著要回航去糧船灣釣石九公算吧!在風高浪急下我儘量將船速慢到10 Knots左右,並微呔約20度用最大迴徑(大半徑)迎浪,同時也加大油門到3500rpm,這樣就掉了頭回航。但要補充的是在掉頭時船好像有一半力量是給大浪抵消似的,像不願航行!不知我的做法是否恰當,但總算有驚無險。希望師兄提點改進!

我唔知有沒有提及過大風浪航行法呢,人老了印象己開始模糊,其實好多事物,技能,常識已寫在回憶錄或個人學術編上,有機會同大家分享.

MKC,
好耐無上黎了, 我都好想知大風浪航行法, 最好可以再分成迎頭狼, 側浪, 後浪就更好了.有你係度, 相信好多人都可以學到野

我唔知有沒有提及過大風浪航行法呢,人老了印象己開始模糊,其實好多事物,技能,常識已寫在回憶錄或個人學術編上,有機會同大家分享.
原來我己經在較早前己發表過,由於個人較為低調,所以通常都會在他人發表時參與討論,如果有興趣可以參考以往討論文章,現抄錄在一級船主牌討論本人發表過的幾編之討論內文如下,如有問題可再提出再討論.

Re: 一級船主口試

當船隻在惡劣天氣頂浪行駛或艉浪時防止船艏拍浪及船艉拋浪 ,可增加壓艙水之重量 ,減慢航速 ,分段曲折航進交替作三至四點之航法 ,使海浪從船艏 ,船艉左右側沖來 ,並判斷當時之情況而採取適當調節主機速度 .

船隻在順浪航行 ,順行浪會沖激船艉 ,其衝力持續較久 ,若其中有任何不規則的流向 ,或向前推進之航向有偏差 ,對船艉即將會產生一種測推力 , 再加以順浪由船艉至船舯之距離 ,結果產生巨大迴轉力距 ,因而發生船隻偏航之現象 .
中小型船若能改變航向 ,使順浪衝向船艉左或右一至二點位頗為有效 , 但如果警覺性高之操舵員能預期偏航之傾向 ,每當順浪衝來而船艉被抬起時 ,利用較大角度舵角以抵擋則更有效防止 .

Re: 一級船主口試

倘若船隻在惡劣天氣中機械故障 ,可利用其中壹門主錨 ,並鬆出錨鏈至海藏拖曳 ,如細小船艇可利用浮水海錨代用 ,可保持船艏對浪避免船隻在浪坑槽中搖盪避免有傾覆危險 .

Re: 一級船主口試

中小型船隻惡劣天氣回航 , 轉向時必須保持足夠動力提高舵效 , 避免船隻在浪坑槽中 , 應先保持三至四點對浪航行 , 觀察迎浪頂峰與浪坑槽高深度 , 頻密度 ,選出比較細小浪衝擊迎浪時始加速使用舵效轉向 , 在浪峰下滑順浪時加以利用偏航迴轉力距 轉向至船艉一至二點順浪 .

咁大家又知否什麼是浮水海錨呢．

本人有隻23呎燈件出售, 靚牌眼, 如有興趣請留言.

仲以為有料到，點知又係廣告。

咁你想要什麼料,請提出.

話說有日駛隻廿零呎帆船仔（著住車）從牛尾海回航白沙灣，經白馬咀到三星灣附近，由於是假期，好多船同時回航，雖然大家都好守規矩，收晒車，但始終都是狹路相逢，那些大艇的船尾浪真係好難頂，搞到碌翻晒船艙的雜物。平時大海茫茫就可以搵舵「」就得住，但咁環境，左右都有船，又可以有乜解救呢？請高人指點指點。

浮水錨=揾個水桶連繩放落海拖慢隻船嗎？？

浮水海錨=用水桶連繩放落海拖慢隻船嗎？

海錨是以下http://www.paraseaanchor.com/products.html的東西啊？

路人丙 :
咁情況下自求多福,緊握扶手,避免意外.
假如是我的話,在進入前會留意考慮行駛區內任何對本身構成危機情況因素,自已知自己事,假如船隻太多我會選擇稍後,估計航程時間,等海面船隻較小時進入.

記趣一則:
以往考三仔牌當時沿用舊例,即非現時航例,考官曾經問一個問題:
問:你渣隻船時由昴船洲往北角途中,見到一個正前方有一個黑色浮泡時,你應該點做.
答:挍右舦轉右.其實我都唔知,嗰個是代表綠火泡,見到泡靠加無衰.(考官知你衰咗)
比機會你再問:咁在你的船頭又見到一艘船,正在對正你駛近,咁你會點做.
答:咁轉右,避開佢.
再問:咁當你轉右時綠火邊有一艘船一長響號,你又點.
答:話結佢知我轉左.
再問:當你轉左時,又有一艘隻船在你綠火邊成正橫咁你又點.
答:咁保持航向
再問:後邊又有一艘船逅上來,你又點.
答:加快航速.
最後考官推出手上所有船在你船頭,叫你行絡佢睇.
死未.
錯就要認,打就要企定.駁嘲無得淨.
想想答案同路人甲情況烡似.下次再講

mkc前輩咁功力就梗係心中有數，運籌帷握啦。我們D艇仔唔無講話ARPA啦，連雷達都無。分分鐘越等越多船，無乜船時又天黑了，仲慘。真係要自求多福了。

記得好多年前試過一宗好似海神號歷險記拯救場面.
事源於10月天,有一艘中國貨船約1000噸,在荃灣汀九海面傾覆,半浮在海漂流,有船員被困船倉內.
遇事時間在下午約6時,當時流水開始漲潮泡向西北.流速約3浬.
拯救過程省略,想講講水中失溫的感覺.

以下有個低溫症的參考表，估計穿著一般衣物的情況不，人體在水中的生存時間。



水溫（攝氏）|估計生存時間 |估計生存時間
（人事不醒或虛脫） （清醒狀態）

0 |Under 15min. |Under 15-45 min.

0-5 |15-30 min |30-90 min

4-10 |30-60 min. |1-3 hours

10-16 |1-2 hours |1-6 hours

16-21 |2-7 hours |2-40 hours

21-27 |3-12 hours |3-Indefinite

Over 80 |Indefinite |Indefinite

唉！打錯添！上述最尾一行應該是27C以上至真。若果80C都熟了。Hehehe！

講開又講，低溫症都有三級，輕微的患者只是會覺得凍，打冷震，口窒窒。中度低溫就會肌肉無力，呆呆滯滯，好疲倦咁。嚴重的就成個人塌晒，人事不醒，最後連呼吸和脈搏都無埋，釘得。

以前就聽過船上有水手過飲大左，攤係deck面一睡不醒，原因就是飲醉了，個人塌左，連凍都無知覺，就咁凍死了。

行船丙:
當日室外溫度與現時相若介乎於攝氏20左右,晚上可能低1至2度,海面吹微風,天氣十分宜人,是香港最佳天氣.
拯救行動開始於晚上6時30分,船上各人都分配工作,我負責駕駛橡皮艇協助救援,在海上飛馳往來,身上難免沾上海水衣物全濕,開始時還沒有甚麼感覺祗是感到冷,太陽下山後再始覺得寒冷,由於全身濕水後體溫流失比較正常快,(假如浸在水中體溫流失比正常快6至8倍)返回加衣物將可以穿上的都已加在身上,初時情況好小小,但工作關係衣物又開始濕水,冰冷衣物貼在身上,當任何移動都覺得冰剌般進入神經系統,牙關不停打震,身體打冷震,手硬腳硬不受指揮,正如你所講知道自已經進行輕度身體溫度過低現象,但現場各人都有專責工作,一時未能有接換人手,獨力支撐為工作熱誠而努力,為使命而拼搏,用意志去抵抗寒冷,時間不停地過去,終於開始深化低溫症狀出現,思覺失調,工作未完成,如何是好呢,最後都是前輩之經驗幫到我們.預防低溫症候最簡單而有效方法,是阻止體溫流失.
哈咁都想得出,他們說.....大家知唔知用甚麼方法,請提出吓,下次再講.

哈咁都想得出

The Russians used to bring a bottle of Voka with them

預防低溫症候最簡單而有效方法,是阻止體溫流失.
跟著往廁房取出兩個垃圾膠袋出來,他們說著上去呢,哈咁都想得出.
首先換件乾或衫褲然後穿個垃圾袋上面再穿著返濕外衣褲上最外邊,因為個貼身垃圾袋可以防止體溫流失,於是乎跟著試試,效果想不到的好,真係可以保暖,這些智慧型方法,取材最簡單而有效.
佢地仲說我成日都帶件薄風褸,攜帶方便凍起上來可以著在底,又可以檔雨.到現時我都經常帶風褸.
經過個次後我咗買件潛水背心,放在船上以便不時之需.