我其實好想聽MKC講佢啲特別經歷，或者一啲怪談。如果各位都有啲類似嘅經歷或古仔，都可以講吓呀!

所以在此開個新post，免得阻住 / 嚇親啲冇興趣聽嘅船友。

特將mkc 前文轉貼在此:


在七十年代,有無印象,香港仔避風塘珍寶海鮮舫發生之火警呢.救火過程不談.在火熄滅後通常都會留守現場,預防死灰復燃.
在留守期間,由於船隻大小沒有備廁所,人有三急出外在船旁小解個人尚未清醒忽然在面前出現一個人樣物件,嚇到個人硬化企在原位,大叫呀呀.的同事走出來問甚麼事,嚇到不能出聱用手指海面.原來在火警失蹤的受害者在船底經流水漂出來,在當浮出來時急升,咁唔好採剛巧在面前升上.小些膽真是比佢嚇死.

第二朝的漁民投訴我們,晚上你們一班十幾人在船大聲講大趕笑,同四維走....船上才有四人可來十幾人.....

續...


有次在北角碼頭有人隨海,當到達後發覺一各女仕在海中浮沉,駛近後便伸手想拉她上船,黠知拉極都不動不小心引至前臀脫較,當時記得同船長者,同佢講小組上來啦唔好走啦屋企人等緊你呀,講完後自己一人將佢拉上船,當然她是己經死亡.

珍寶好猛，當地人都知，當年我仲係細路，同埋兄弟妹跑上山睇添，燒完後船艙仲留低人影！係死者屍体留低燒唔到地方嘅印。據員工講船艙有死者神位。早十幾年仲有很多漁户時，每有附近艇户有細路墮海失踪，多數會係珍寶船底揾翻，可能佢面積大或水流關係，屍體浮出時水流飄到佢底下被船身蓋住，成為尋屍勝地。重有當年珍寶試過貼香港仔中心泊，有個好出名嘅海事處幫辦綽號老鬼嘅戴偉信(英國佬)，佢以鐵面無私見稱，一日强行驅趕停泊在珍寶厨房艇旁的漁船，自己落漁船艙房撻車，因石油氣漏引起爆炸，條屍炸到掛係厨房艇條通。揸艇廿幾年最怪事係廿零歲時由索罟灣揸快艇同一個朋友回香港仔，差唔多到鴨脷洲尾海洋公園對落，當時巡航不會過三十英哩，忽然船尾好似拖到嘢，車葉空轉，艇被推側近九十度轉灣，艇身入水，我即刻離波，視察船尾机無任何發現，不見任何浮網，而當時並無硬物碰撞跡像，事後吊上棚亦無任何發現，有人話我勾到半浮沈繩網，但船尾机冇死過火，我唔信我一啲嘢都揾唔到，呢帶水佬古老相傳，深水灣有條大浦魚，久唔久會戲弄小船浮出水把船托起，會唔會係咁呢？

老虎仔你想死聽唔知人地想唔想呢開個咁話題,sampan巳所講珍寶海事處幫辦綽號老鬼個單野,之後仲有好多下文.有離奇,有恐怖,亦有怪誕的事而不為人知,因當時我在香港仔現場親目親聞.我想事情己過了20幾年公開應該都唔怕了掛.
如有興趣請提出回應,詳情下回分解.

嘩！一定要洗耳恭聽！

我都想聽，我需然未有見過任何怪事，但試過一個人係荔枝莊七月夜晚落水捉花蚧，俾舊半浮沉木嚇死，背脊俾人拍兩下望後面乜都無，四圍無人又黑，果種驚法由心裡寒出來，需然無事都即刻游番去碼頭上岸，另外sampan兄題到蒲魚，有無人可以講下油追，我的朋友話哩種魚好邪......

世事真係無其不有, 有人講古仔就梗係聽啦, 快啲講啦...好心急呀

kakit
(油追)魚名稱,有甚麼好邪,最好炆及蒸食.
其實以前漁家所講,(油追)本性最愛食腐壞肉,所以當(油追)群集地方或會有(咸魚)腐爛屍體出現,所以他們連續釣到幾尾(油追)便會轉往其他地方,怕野事上身.
大家有無聽過大海汒汒當漁民收網時錨到人屍體時會點處理呢.
聞說它選中你,想你幫忙,如果離岸大遠需要多日此返回時,通常都會移往附近島嶼上土藏,再燒香燭拜祭入土為安.以後便會網網千斤,順風順水平平安安.此終心安理得.
我有個同事本身是漁民出身,有一次他同朋友出海,當年仲係後生20未出頭,他唔知好彩定唔好彩,首次落網便拖到件男咸魚,死火四維都唔見山如果上岸成日時間都無咗,擺在船上返港又恐怖遲吓仲臭氣沖天,點算呢,心想又無人見到把心一橫放返落海算鬼數.
於是真的放返落海,眼見不到為乾淨,可能流水關係嗰個公仔浮咗在海上跟著佢隻船一後時間好似依依不捨咁之後離開咗.
好啦無事啦,咁繼續落網捉魚呢,點知........我玩野吊你們引....下會分解.

話說上回,
在過農曆年前後左右,舊時香港仔凡農曆年前後所有香港仔土生漁民都會返回拜拜神,休息吓,同時親朋戚友聚吓十分熱鬧,到新十五後方再出海謀生,所以當時香港仔避風塘相當多船,導致航道十分狹窄,避免發生意外時救援人員無法到達,所以劃緊急分航道(現在仍然生效)
珍實火燒後繼續翻修,好似近2年在差不多完成時,時剛巧在葛力前後,海事處巡邏組由外籍海事處幫辦綽號老鬼嘅戴偉信帶領2名中國籍幫辦及其他海事處船員,在中午時間巡至珍寶時發覺有一艘漁船泊在珍寶旁邊,(當時珍寶泊在香港仔中心對出海旁)阻塞航道,於事上該漁船查察,但船上無人留守可能出去食飯,佢按船咹好久都沒有人回應,於是他想將隻船駛離扣押,命令拖返但航道十分狹窄不適合拖帶,於是自己去達車(起動),當按動電器時機房便發生強烈爆炸,事後根據調查所知原來該漁船損壞正在進行維修,由於曾經使用風煤焊接,可能乙炔樽未完全關上或漏氣,積存在船艙下,混合空氣後剛剛爆炸點時,啟動電器產生火花,引燃積存可燃氣體鰥生爆炸,當時該名外籍幫辦即時死亡及一各中國籍幫辦失蹤,另一各幫辦嚴重燒傷.泊在旁邊海事處船隻受損.事件完結.
異靈事件開始:
事件1.事後該名失蹤中國籍幫辦,經消防蛙人搜索多日仍未尋回,列為失蹤處理.
年老家人好傷心,唔知佢生定死,連續幾晚夜眠時都會夢到他見到成身血,並說(媽我好在這裏,不用怕好快見到我啦)咁紮醒咗.
咁佢見消防搜索蛙人己收隊,於事同漁民親戚談及,聯同親友幫手親自去找尋,坐隻舢舨四維巡視找尋大叫佢個名返來啦--返來啦,當到達珍寶時,他老媽子突然隻眼反白咁叫亞媽呀亞媽呀.同行的人知有料到.即該停船,落海找啦當潛到接近珍寶第二條錙鏈時發覺它半浮依靠在錨鏈旁望注潛水員,當潛水員游各它時,好似有流水推動搬離開或好似被拉開咁,總是不得要領,落海潛水親戚都有相當年紀,知道發生乜事啦,於是乎游返上船,同佢亞媽講:我見到佢但好似有野唔比佢上來,見你係親戚,如果唔係我黠都唔會再落海,怕自己返唔到上來,於是燒香燭參拜一番後用口咬著香燭再跳落海,但它己不在剛才位置了,呀此終親戚無法啦,向第二條錨鏈找落去,見到佢夾在錨鏈底喲石碇處,游近時它己不移動,將佢帶上水,當它上到船上時眼角有小量血水流出．
事件２下次再講

老翁仔驚未仲想唔想聽,聽完以後唔敢游水,特別夜晚,講圯夜晚游水又有估仔,下次講你聽.

MKC,
你的見聞真係好精彩, 睇到心都寒一寒, 等緊你既續集!

嘩,好精彩呀,好心急呀,好吊隱呀

嘩！mkc好堅呀，快快講多啲，拖網果單我都聽過，吾知同你既一吾一樣，我成日夜麻麻一個人落海捉花蚧，睇下會吾會比你嚇到今年收山吾落水

mkc,你寫得好生動精彩呀!!! 你可以轉行去生果日報搵飯食, 又或者出番本靈異小說啦

生果報果D係作者，作故仔架。Mkc兄唔係果D唔好同佢比，精彩就真。

前言: 好堅! 好想再聽!
後語: 好鬼驚! 建議2200-0600收起呢個post
建議: 結集成書，遺傳後世
勸世文: 『欺山莫欺水』，開船凡事小心。莫等再有機會製造新鬼故。

Haha! 終於引到你講啦! mkc再講多啲啦!!!

嘩！咁耐無返黎，返黎一開就咁緊topic！
MKC兄，咪玩啦，快d講多d啦，唔該！好心急呀！

mkc兄記性好，有時間講埋嗰單香港仔漁船捕獲美人魚單嘢俾Ｄ後生仔聽吓啦！

sampan兄:
我唔係好記性,只是親歷其境所以記憶猶新.

如果大家唔驚的話繼續:
上回講說個公仔上船後,啲家人以道教形式進行法事,(其實好多人都唔知道教或佛教之分別,都是拜神)他們此終都認為佢死得不明不白,唔知是吾有人靠害,所以用紅色織錦壽衣同佢下殮葬,意識係有仇必報,根據有識人任所講這樣會另死者仍然留在間入土不安會好孟鬼.
異靈事件2:
話說回事件,當時我在香港仔漁市場海事大樓當值,有一天在下午5時夜工時間在大樓停車場洗車,遇到新到任高級幫辦聯同舊同事洗塵聯絡感情交流,大樓內只留下我地部門一組人,臨出門前叫我鎖門因為他們去食飯今晚唔會返.好平常的事情.
到晚上自己煮飯,食完後我們分工合作,清理我負責倒垃圾,我們宿舍狂5樓,拿起垃圾桶行落樓梯往垃圾場,當時我清楚記得自己用鎖匙開啟大門出外,返回後再用鎖匙鎖上大門,行樓梯上5櫻,當我行到1樓海事處職員辦公室,(辦公室是用玻璃門)在左邊清楚見到有一名幫辦開門行出來,在我面前行過,互相對望,眼神接觸時感覺佢目無表情,但有點迷茫感,面色倉白,行路比較快(以我腳步應該用半走來形容速度),由於我未上完該層樓梯尚欠一級,所以我讓佢先行,見佢沿樓梯直上,因為旋轉式樓梯,在轉三層後上身被樓梯所阻擋只能見到其下半身,見佢上到我們5樓個層然後入咗我們宿舍,心想佢咁趕時間去我地宿舍乾甚麼呢,心中極大疑問,快些返上去探知究竟,但我歧回宿舍後,接到指示要出勤,快速更衣落樓已唔記得咗件事.
到第二更返工同一時間同一地方亦在洗車,海事處幫辦亦在此時收工,打個召呼,記得上日事情,於是問明同事上更有個海事處幫辦詮入我們宿舍所為何事呢,他們一致說無見到,你上來即去召喚邊有人呀你眼花.在爭議後沒有結果,為表示真有其事,第二日往海事處找尋,到第二日朝早往海事處探究,他們講當晚夜無返來你同我們鎖閘,無理由明明見有人返同進入我們宿舍,結果取出相片來認啦,拿是這個呢,點知嗰時無人再出聱,走下一個走下一個,所有人都走晒,咁我問即係點,到最後有個同事同我講以後你都唔好再提,因為個幅相你指嗰個己經唔在啦.呢最近嗰個囉.
怪異事件3.下回分解

MKC,
真的很精彩, 我自己好運未曾遇過靈異事件, 但身邊不少人都言之鑿鑿. 近日跟西貢一艇家表示我有興趣渣艇去大頭州對出避風塘石駁釣魚, 佢細細聲話, 你日頭去好啦, 夜水就唔好. 我追問究竟, 佢話果度好邪, 試過日光日白都見有兩隻野, 又試過係附近游水玩時俾野掹, 所以明知有d 魚釣都唔去. 咁諗諗下又發覺好似從來無見過有艇係果條駁附近釣魚, 呢d 野唔講唔驚, 一講又心寒, 都係寧可信其有

嘩！做乜個個收哂口呀，未到七月唔洗怕喎，MKC你又話下回分解嘅，好心急呀！

1,2,3...3,2,1 我地等得好心急，得唔得，唔得都要得。
蒙查查...mkc...唔該快手d
oh...錯咗...應該係mcc :)

怪異事件3.
事件過咗幾日無事發生，到拜路祭當日在珍寶對出停車場進行，原本計劃時間在上午10時，在上午9時30分左右珍寶及附近地區發生大停電，而珍寶需然有二台後備發電機，但無原無故都不能起動，船上茶客怨聲載道，珍寶只有點洋燭照明．
當現場接到靈車由（馬麗）醫院出發時，本來天朗氣清突然風雲色變，污天黑地，加上停電關係整個儀式在摸黑進行，到靈車到違時突然出現怪旋風只是停車場一帶地方發生，狂風將祭壇上所有物品吹散一件不留，沙塵滾滾，眼睛都不能張開，部份香爐衣紙吹到掛在珍寶桅杆頂，我隻船泊在珍寶旁虜雖然珍寶被阻檔但船上都有香燭，當時怎麼辦呢智慧型啦（執生啦），即時再去買過香燭，香爐只有就地取材用個花盤再用紅張紙封面代用啦，怨氣沖天仇雲慘霧般求求其其快快趣趣拜祭算數，當靈車離開珍寶發電機亦自動起動供電，同時市電亦回復正常．

後話:
珍寶船上嗰喲荼客及街上觀眾同贂熱鬧啲人議論紛紛,有人話個中國籍幫辦發難反枱,有人話啲係怨氣,又叫做條條唔順,仲話見到鬼．甚麼顯靈,報仇,中西鬥法,怨雲不熄，有鬼，乜都有人講.
大家仲記唔記得嗰個臨時香爐呢嗰個花盤呢，當日路祭完當事人將佢取返香港仔漁市場牌房（牌照部位於地下入辦公大樓正門），門外進入前樓梯級玻璃門前擺放，用來給未有到場的同事上香用，過咗幾日後，清潔員工同我們投訴說（我日日將嗰個花盤搬出去花園嗰度，你地唔她成日搬返來擺放在玻璃門嗰度啦，踢到人，個啲灰塵吹到四維都係成日要掃，唔好再搬返來啦）．個個部門都話邊鬼嗰搬你嗰香爐周身唔得閒，於事孚嗰個香爐無人敢再移動佢，由得佢擺在玻璃門透原位，直至幾年後打風吹走咗．

咁打風吹走咗個香爐之後，仲有無d古怪野發生呢? 唔通打風可以將啲咁野吹走???

我又聽d前輩講，5月落水要小心啲，但係佢地又講唔出點解wor，究竟係同d乜野有關呢??? 係自然現象(e.g. 5月水溫上升多鯊魚?)定係超自然現象呢???

是否記得隻漁船出海事件,仲有無興趣想聽呢.

Of course, I do, sir!

梗係有興趣啦，仲想快啲添

Yes, Yes.

我以為就咁就講完tim，快啲，我哋好心急呀....

ZZZZZZZzzzzzzzz.........!

MKC，咪咁懶，快d講埋佢啦唔該！

紅火蟻近排較懵繁忙寫網頁,稍安無噪.

大海汒汒當漁民收網時錨到人屍體時會點處理呢,又無人見到把心一橫放返落海算鬼數,好啦無事啦,咁繼續落網捉魚呢,點知....見到其他船網網都有收穫,自已每次收網時唔係食白果(無魚),便是小到可憐魚毛,白咋成就擔重,種之頭頭碰著黑,魚網又勾到石頭穿咗,返航啦行唔到半日條車軸連車葉飛咗出來,自己試吓整又無零件,當時通訊設備較差又附近有無船經過點算,拋咗門錨便天黑,為有等到天光至算啦,點知到半夜昤突然打石湖風,吹到門錨都斷咗,隻船都唔似船情況種之惡劣,佢地都以為今次係咁先.
但到緊急關頭隻船想沉時,突然想起老頭子講過,當在海上遇到估靈精怪的事或者有危難時,可以取出自己先人過身時,穿著白布麻布,燒咗佢希望得到祖先保護,同時用拜過天后啲香燭再燃點據說亦有幫助(船家在拜天后時都會將燒過的香燭在廟內弄熄,然後收藏在船上以備不時之需)於是取晒出來依法處理,唔知是否剛巧,燒完之後風雨己經停止.隻船隨水漂浮,到天光後見到自己友漁船經過,將佢拖返避風塘.
之後都唔敢講比呀媽知同其他人講公仔嗰件事,自已去拜神問米,據啲拜神婆上身時講出,原來嗰個公仔係在大陸貨船工作,在夜晚跌咗落海,絛人知道,已經過咗成個禮拜,見到佢地想佢幫吓佢,因為佢在海上好辛苦,過唔到啲關卡,又返唔到屋企,點知佢地咁樣做,跟咗佢地好一段時間求佢地幫忙,咁整吓佢地叫佢地落來,佢地好彩啲祖先幫佢地,同天后娘娘話佢地未到時間仲有好多野等佢地去做.所以無法放過佢地啦.
咁佢地以後都唔敢再出海,其中個同事入咗海上救援部隊,日後幫咗好多遇難啲人及救過好多人.即如天后所講仲有很多人要佢去幫助呢.

咁果個入咗海上救援部隊既人係咪你呀?

你話呢,點呀仲想唔想聽,有些發生在救援中的.

MKC兄：我們當然要洗耳恭聽啦！不過唔好要等甘耐呀。如果唔係的話，口痕友又會話煲水要記得熄火，甚麽什麽一枱！

mkc,我就話多數係你嚟啦，如果你所講既係幾十年前發生響人地身上既事，你今日都仲可以依然響你大腦深層掘返出嚟，仲講到一字不漏，咁我真係要恭喜你囉，但似乎呢個可能性好低，除非係你親身經歷啦，又或者你以前一向寫開靈異小說咁就一啲都唔出奇。
但係我又有另一件事要恭喜你，就係你響依度真係地位崇高呀，直情係神性不可侵犯呀，神啊~~ 神啊~~ 就連同你幽默一下都即刻比人拉出去掌嘴啊~~ 你快啲繼續貼文同埋熄火啊~~

表示我還記得近期事情,證明尚記得熄火.
在早前一個晚上,在中環港澳碼頭有一名中國男子在碼頭跳海,當我們到達見到海面有類似衣物在海中浮沈,靠近後即時將該男子救上救援小艇,即時進行心外復甦法,送回碼頭上岸.在未搬上救護車前必須繼續進行心外復甦法同時,見到一名男子全身濕淋淋,忘忘然,混混沌沌企在碼頭欄杆旁望著個海都唔知點咁.碼頭上除救援人員及救護員外不可能其人,當時只緊張地工作並沒有特別留意,及後記起時已不知他的去向了,類似情況經常發生,可說是見慣不怪.又或可能是眼花啦.

我哋嘅海上怪談主角返來啦！快啲攞晒啲倉底貨出來，快啲攞晒啲倉底貨出來.........

另外sampan兄做乜收晒聲呀，吾好收收埋埋wor

吓！又關我事，撘吓咀佐喎！講開水佬出海時遇到浮屍，一般都盡可能幫佢地埋街，即係求其葬上岸，所以最近政府俾人海葬，佢地係反對嘅！一般佢地重會年年拜祭，点解？傳聞死者係會保佑船家行運，網網千斤，聽人講真係好靈嫁！

各位是否知道.當你在危難時怎樣,心裡想甚麼呢,我估大家都未試過亦不希望嘗試,那麼說來作茶餘飯後淺談.

mkc，我哋以經飲咗好多茶同食咗好多飯啦，食唔落啦，講笑啫，話時話，未遇到過真係吾知到時會想甚麼做甚麼，吾知你係試過定係從遇難人仕口中知到呢，不過以你...，應該係後者

在受訓時師父曾經說道,日後你們會遇到很多緊急危難事情,但你必須去處理,環境惡劣刻不容緩,心繁意亂不知秉措的時候,當進行決策前大家緊記,必須另自已冷靜,保持清醒,臨危不亂,最好方法是將自已置身事外,將事情放開不受干擾延長時間即使一分半分鐘都好,冷靜後再重新判斷事智變得清晰.

經30幾年來處理過大大小小危難不計其數,此法果真有效.甚至有一次意外另我險些進入鬼門關.危難過程如有興趣的話下次再談.

大家有無試過臨死前思想及見聞呢,又下次再講.

臨死前思想及見聞我就未試過，不過差一點點近乎喪命就試過好幾次了，依家唯有感謝上帝留我狗命宣揚他的道理，有機會再暢談往事，依家留番比mkc練習吓打字先。

願主與你的心靈同在，也與我的心靈同在，我們全心歸向上主，這是理所當然的！感謝上主！阿們！

講到遇險時点做，其實到時唔到你，呢啲嘢大部份係天生嘅，唔係我認屎認屁，平時唔會覺我有乜過人之處，但臨危不亂大概都可以，開船咁耐除咗上面個單，有一以又係响索罟灣返香港仔，揸一隻美國18呎in-out快艇，因為要趕返香港仔吊上岸，剛由一号轉三号風球，有起碼三四呎高白頭浪，好在隻艇係deep V底，我個陣後生冇識死，載埋阿媽照砌，点知好衰唔衰當日冇入夠油，當時準備東口入，沿模達灣，寨邊避浪，剛到黄竹角外突然死火，撻著行一陣又死，我估計係油缸少油攀浪時冇油到之故，河媽問点算，80年代初嗰陣時邊有手機吖，我到唔找一個浪坑掉頭，順浪慢車返索罟灣，當時冇驚過，純本能決定，而家年紀大反而怕開船。

一次意外足以致命.
記得一次協助友人進行室外加裝淋花水泵時,需要利用電動工具將石牆鑿開,友人向外借一手提電鑿,屬日立牌舊款式鐵殼(沒有水線導體保護)方便鑿石使用.
事發當日該手提電鑿使用率相當高,多人使用後放於地面,我需要便往取用,不知原委當我拾起電鑿已即時觸電,眼前一黑,身體彊硬,肌肉不停地震動,不能呼吸,失去語言功能,口鼻像被封密但身體各部份卻不能移動分毫,頭昏腦漲地站立.心中緊張恐懼之餘在似夢似醒間腦海思維著以前曾經參與這麼多的拯救行動,難道今次輪到自已.
與此同時:
眼前出現清晰境像,有自已妻兒片段,父母的坐姿,職業工作境況.
耳聽聞兒女說話,父母指責,工作緊張對話.
似快速搜畫般不停盤旋,不停地更新.
可能是心中記掛或以往留下的深刻印象事情,即時浮現在跟前.
到最後境像聲音越變越快速,一切一切開始變得到模糊混亂.時間變得毫無意思.

可能命中註定時晨未到,突然感覺到聽到本人的氣功師父傳來一句清晰而穩健聲音教說道:
鬆,靜,慢,平.... 隨著漸漸開始進入氣功狀態,心情變得較平和,亦開始感覺到有極輕微呼吸空氣,再深化進入深層狀態,眼角隱隱見到友人在屋尾,經我身旁往電掣方向處跑,繼後整個人便跌倒在地上.

此次經歷意識到或在你的生命處於終極前之一刻,不斷浮現藏於心底不為人知的往事, 或你最記掛而未能放低事情,是好是懷你自己最清楚.
一場造化生與死,天堂與地獄僅差一線.冥冥之中自有主宰, 閻王要你三更死,不可留人到明天, 凡事(泥水佬開門口)過得自己便過得人,為人處事無愧於心,多行善心. 積德藏於心底裹那麼有何害怕呢.
雖然本人並沒有宗教信仰, 該次出現是本人尊師,他朝有日你信仰的神或你的尊者,可能會浮現帶領指導著你走向應走的路.

老虎仔:
得知你因交通意外入院,望早日康復共同出海.

近日可能大家忙於出海,或是否去了其他網站請通知我預我一齊,請問仲有無興趣聽呢,請回應否則變得冷清.

Yes. Still interested.

每晚也在，只是等到睡著了。

有興趣，不過我無貨，聽就有份

最近學校架構重整，實際是所謂的資源增值瘦身行動，現時每週工作量已經減至二十小時，幸好透過朋友網絡即時找到另一份廿小時的apartment維修工作，但八月後情況未明，因此最近都沒有心情上網。
現時工作的那屋苑坐落在一個湖邊，平均每個單位US$500~800K，有club house 和 boat yald，日日多見遊艇少見人，閒時打理一下泳池，不過最近真係好晒，我相信唔駛幾耐會變成黑人。有時間影啲相畀大家睇吓，不過最近搵工真係好忙....

kakit兄:
唔知你講無貨代表什麼呢,如有興趣可以參加我們網友出海行動,船由我出,消費合資所費無,釣魚,浮潛,仲可以教你渣船....吸引吧.行動呢應該在下星期日.
細佬兄:
無見你發表文章,以為你遠行有小小失望,得知原來你走去做(睇火佬)風油水電檢修員.你對碼頭維修工程是否熟識呢.是比較專業人材,辛苦又危險,薪資小,技術人員開始己老化無新人入行.
你日日對著的船,見得多好似我咁有恐懼感,但休閒出海又會有另類感覺.

MKC,
你下星期的日程可以預埋我嗎? 我想學下野, 如浮潛我可以去捉d盲蟹同大家分享. 謝謝先

MKC兄您好:

我都想跟各師兄學揸船,分享心得.如果下星期日出海,可以預埋我嗎?

PS:自問從未揸過船,只考了船主和大偈...

MKC，無貨只不過話我無乜怪異經歷，另外非常多謝你的邀請，只不過常常要不定時工作包括星期日(己工作連績個半月無假放，累積補假超過八個月)，所以不能出席，唉！我隻舢舨產完叔出一兩次又生過，慘！

無問題,如果唔嫌棄我隻難船,將會電郵聯絡時間地點.

有沒有人聽旖,如果遇溺死者當返回岸上後,如有親人在場會出現七竅流血現象呢.如有此見聞可提出討論.

終於出院啦... 不過應該成個夏天都唔出得海呀!除非想斷多次(touch wood...)都係等好番晒先出海啦! 出黎吹水就可以嘅!

老虎仔:
好高興知道你己出院,住院中日子及時間認真難過,但負面地想想,六可領會人生.雖然暫時未能與你出海暢遊,期待不久將來又可以出海,假如船友再次聚會定必聯絡你.再者現時你閑在家中或可代安排聚會.

最近收到有一個並不高興消息通知,船廠拖拉摩打損壞,隻船不能放落海,因此必須暫停出海.損壞己有三個星期,修復日期尚未確定.

船泊岸上無疑保養是較佳,但除非船廠有妥善服務,否則好似我放間船廠而言,潮水影響放艇時間,晚上又休息,放艇必須預早約定放艇,但如果三五船友即興開船那麼又不可能,所以考慮泊海浮泡,最多每三個月上排清理船底一次.

Joey及Michaelhk 兄:歡欣你加入我們以船會友的行列,不需入會費用,假以時日待船廠拖拉摩打維修完成後,再安排時間共同出海.期待期待.

MKC,
無問題, 等你通知. 話說回來, 近來多吹西南風, 海水質素麻麻, 面濁底濁, 哂太陽游水就一流, 釣魚浮潛就麻麻地. 不過我學習船藝就全年皆宣.
說來慚愧, 駕駛快艇出海不覺已四個多月, 但停泊碼頭之技術仍然十分差勁, 同樣繩結知識亦只是僅僅叫「好過唔識」, 希望早日有機會同你多多學習

MKC兄,


O.K. La..大家保持聯絡....

Joey及Michaelhk兄:
據船廠回覆本星期日可以成行,早上10時白沙灣碼頭等,去游水及渣船,請通知人數,難船可載10人預我2個至4個間,有女仕.

MKC兄:

請預我兩位,星期日上午十時見.如有任何跟改和交換手提電話號碼可以用電郵聯絡.

My email is garfaihk@yahoo.com.hk

MKC 兄,
星期日有私事未能隨行, 憾甚! 但多謝邀請, 希望下次有機會

mkc 兄.奶拜天去邊樹玩.我都同朋友出去玩.多數大浪西....