請問那裏可買到12v直流的水壓槍?我的意思是可用作一般清洗用途的,唔該!

我諗市面上應該無，就算有都會唔係好有效率。因為製造高壓係需要好大電流架!或者上網"抄"下可能會有新發現。

西貢利記買個12V淡水泵，大約750蚊，多數游艇都係用佢，沖涼、洗手盤，洗船都好好力，你隻船個水缸最好要大個的。

我周圍搵過都冇你想要既12V pressure washer喎，就算有12v水泵都唔係高壓，最多只可以用嚟沖個涼。
但係如果用12v.inverter+220v既compressor又不切實際，因為compressor功率好大，先前討論呢方面既話題最終係唔可行既。
我建議你去新填地街買個行電油機既pressure washer，但係都有一定Size同重量，你可以諗諗，但係最好買1500psi~2000psi以上，如果唔係冇乜力。

比個樣品你睇吓
http://cgi.ebay.com/Craftsman-2150-Gas-Pressure-Washer-Clean-N-Carry-75201_W0QQitemZ260115947738QQihZ016QQcategoryZ50388QQrdZ1QQcmdZViewItem

多謝各提議,我其實不須太高壓的,因為我除了玩 dinghy,釣釣魚外,還玩 mountain bike 及 windsurfer,那個水槍是用來幫我的各種玩具沖涼的!

試吓了解清洗冷氣機用噴水槍,手提式電壓220V單相用13A插蘇己可以使用,供應約有10巴壓力普通清洗己足夠,而售價不高.

咁去新填地買個12v加壓水泵便可,要有自動制的.如壓力未夠,再加個加壓缸就一定足夠.