其實在西貢離島過夜，不是第一次，以前曾在糧船灣的渡假屋過夜，今次房有浴室，較為方便。

晚上無雲，星空一片，平日在市區真是看不到，海上只有一架帆船停泊，剛才日間周圍都是船，現在夠晒清靜，和幾個鄰房小孩坐左碼頭釣蟹，釣上來影下相又放翻。

偷得浮生半日閒。

我未試過係船或揸船去沙灘過夜.....怕訓著後隻船吾知去左邊??

童年常去西灣,咸田灣過夜露營,滿天星極正..

糧船灣間渡假屋是酒樓管理的，可以泊其浮水碼頭過夜，大蛇灣都有，所以無需擔心。
我細時都經常去大浪西，浪茄等露營，得兩公婆去燒烤仲要傻傻地拿住包炭行個幾鐘。

我都知糧船灣船仔過夜係安全.....

不過係西灣過夜好玩d...有野豬陪你 BBQ,又可以睇到水平線日出.但船仔過夜就麻煩d....都係行路算了

我人老了，根本不想行山，無論遠近。
開架爛船能去到渡假已極開心，平日架船只是用來去不同地方食海鮮，然後再車去沙灘給個仔玩水半個鐘，只此而已。

可以渡假一日，心已足。賣廣告，我不是，但我會在大蛇灣這間酒店仔玩，日後佢遲早執笠，將會少個地方玩。根本佢老細看來日日賠錢，傻瓜咁在大蛇灣租同裝飾成咁，有船唔去就笨。

佢大蛇灣開左執左，對大家有影響嗎？我只是提出問題，當然有人傻傻的當我賣廣告，各位能救得到佢生意嗎？

唔好想當然
我架爛小快艇，唔係你地大游艇，出海一天，必然要吃午餐，你地唔賣廣告的，請告訴我如何吃？帶你的三文治？

嘩康哥你咁就叫老,那我便老到唔使得啦,自得其槳,自已認為好的事物介紹給大家都幾好,或許是不是人人認同只要問心無愧便是啦,可必咁緊張呢.這裡是每個人都有發表意見的地方,如果咁都唔可以那個網怎會有人肯發表呢,怎會發展落去呢.以我個人而論發表了交章多多小小都希望有回應,接受多些他人的不同意見改善自已,但回應都不是那麼雀躍都有小小失落感,假如有人出言相向,那都算是回應可以改善自己出言.其實我己將出文改善了較為大眾化,並不再用專業詞句,都是希望大家欣賞大家討論,迎合大家需要.見到他人及你的文章有多人回應,反之我本人有被冷落被弧立之感呢.

mkc,
大家開船及留言這版，承樂事。

吾杯中物已少沾。

下星期一家人去台灣渡假，也離不開海岸，八天行程在東岸花蓮台東等，將到綠島三天，看看台灣的離島如何，也順道聽下綠島小夜曲

去花蓮一定要到太魯閣, 同住吓D民宿.

仍然未想好行程，太魯閣一定去，多謝指醒，好多網頁都話應該要去。本應想去到台灣就租車，全程自已開車，但擔心去綠島時，架車放碼頭三日，有什麼事或給人偷了就賠死，在花蓮會租車遊。其他搭飛機或火車。

想補充一下上幾段文

我說"傻傻的"形容詞，其實是我生意和生活上經常講普通話，"傻傻的" 一詞全無貶意，普通話經常有用，沒有香港講傻傻地咁嚴重的，如果我用詞不當，謹此抱歉。

可找格上租車, visa platium card 有 7 ~ 8 折. 我租過, 都OK.

多謝 Kei 版友，我八天回來了，台北去花蓮坐火車，花蓮到台東自己租車三天，途中太魯閣去了一天，花蓮玩了兩日，然後開車去台東還車然後去綠島三天，綠島浮潛和海水溫泉無得頂，海水溫泉是世界三個之一，好好玩。