請問有冇邊位師兄會幫人整船內機或檢查...唔該先

當然小弟會付費維修,只係唔想比人呃..希望各位師兄幫忙..thx

請詳述損壞情況,再討論.

多謝 mkc 兄先.....小弟係初哥一名,部13匹船內機係隻25尺帆船仔用,買果時試過著過,後來著唔番,冇理佢一排,而家因覺得船尾機得5匹唔夠用,想搵人整番佢,但又怕比人呃,所以上來問下有冇師兄識整,當然會比維修費用啦....唔該各位先...

買果時試過著過,後來著唔番...清洗運水,化油器,換新電油同看看火咀要吾要換應該都著傢啦

你買返來之後有無自己做保養架？你有無check過運水(seawater cooling strainer海水隔篩, 和 fresh water coolant level)，，波箱和主機lub oil level, 看看有無異物或金屬碎，入空波看看能否手動轉車（轉不到都幾大鑊！），有無check電池夠唔夠電著車啊？最上一次玩有無異樣？

其實你副偈是什麼牌子？幾多年？最近幾時上過排和拆過車(overhaul)？如何唔知或係從未拆過車，最好搵間機器廠或船廠上船檢查和報價，看看有無得搞和是否值得花錢執番好。除非你自己有本事又有工具，否則除了換電池，換lub oil，換coolant和清潔海水隔篩外，什麼都不要搞。拆開了再搵人跟番正，會收貴D呢！

口快快以為outboard,你的船內機係味Yanmar/ Volvo ?

唔該曬幾位師兄先..我會再睇下點樣攪..anyway...有時間一齊出海啦...當然係上你隻船啦...唔係諗住係隻五匹雞係個海度浮嘛..

你都話自己隻係帆船嘛，我以前隻25ft帆船仔都試過換部6匹落去開身同泊泡，大部份時間都用帆，那種只聽到風聲和海水流過船身的聲音實在太美妙了。各位帆友必定同意呢！但為了安全計，你都要盡快整好部inboard或索性換部10匹outboard。因為遇上大風浪，5匹outboard推25ft艇，係頂唔住的。

同意..帆船就係比到果種寧靜嘅感覺..真係好正..seaworthiness 兄..有時間約埋一齊玩吖..