遊艇老友交流站

歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。

如需刊登私人買賣租賃廣告,煩請使用免費買賣/租賃專區
亦歡迎電郵本會 info@hkyacht.com.hk 查詢交換買賣廣告專頁費用

遊艇老友交流
Start a New Topic 
Author
Comment
新仔有難題,求助....

小弟孝左個二級牌幾年,一路都好想有船揸,但又自覺冇銀,驚玩唔起!又冇一些玩船的朋友.但我又好鍾意出海,寧靜,和諧.吹吹海風,一切唔開心,都唔記得啦…
近日,終於可以完成這個心願,用左9000蚊向一個漁民買左隻P4牌,舊舢舨,用40匹 YAMAHA 船尾機.但有人話遊艇牌唔揸得…又要轉返做遊艇牌,使多幾千銀….
最慘就係玩咗兩轉之後,部船尾機就有問題.一次行行吓就(咔咔)聲響,就立即停機檢查,再撻返起之後行一陣又來,一連幾次之後才發覺是撻車個匙胆鬆,引起不斷撻車情況出現,之後固定車匙之後就正常返(冇咔咔聲),不過相信(士撻)可能已經受傷了!!!!!!!!兩星期之後就撻唔到啦.但還可以用手拉起動,不過,起動了又死火!要立刻加大油才不會死火,但一收油就死火…….(依家都唔知點算),又旁惶!!!!!希望各位師兄師傅,幫幫手,指點下小弟,感激萬分!!!!!!!
仲想問一下,大埔區一帶有冇泊船位呢?因為現在船泊塔門比人趕!!!!謝謝!!!

Re: 新仔有難題,求助....

I live tai po .
tai po boat park.
call me 64190660

Re: 新仔有難題,求助....

我都係新手,不過唔知幫唔幫到你,撻唔到車可以好多原因,電池有無电到士撻和火咀,啲油到唔到氣缸,不過照睇油路同火咀無事,因你用手撻到,即問題在電池至士撻中間,可用萬用表量度各点電壓,另外慢車死火應是另問題,多是慢車油氣嗰口鏍絲較得唔好,着車後再較就可以,因我都試過...如再有問題可請教mkc大哥!
近日因所有漁船都要買保險,所以好多p4艇放出來....

Re: 新仔有難題,求助....

問題1.P4牌是供應漁船工作艇用必須依附大船一齊使用不可分割.
問題2.匙膽鬆可能鈕轉時誤將2條線互疊,士撻打之飛輪接合在起動位置,當機車運行時帶動士撻打同時運轉,損害飛輪,齒輪,士撻打線圈,起動索掣,承軸啤吟,炭精,炭精擦頭或者是燒菲士等等........
嘗試撻車觀察士撻打是否轉動及飛輪是否有上升跡象,假如無轉動,可能燒索掣(繼電器),菲士........
檢查足夠電源,可以直接駁電試士撻打是否可以轉動.......
問題3.起動後迨速死火,嘗試檢查油路,化油器,油隔等,可能油缸有水.........
問題應該不大,可以依個電話給我研究.

Re: 新仔有難題,求助....

謝謝各位英雄相助!
小弟會嘗試慢慢跟進,希望唔係好大問題啦!
但如果個化油器有問題是否比較複雜呢?

Re: 新仔有難題,求助....

化油器問題好多時都是嘖嘴淤塞,油杯有水,來油星型針閩封閉不佳,風油比出現不配合,風隔封塵污垢,供油開合閥不平均,過濾沙隔淤塞,浮波子浮力不足穿透等等.....
嘗試到汽車零件專用店買化油器清潔劑,開車後噴入化油器生氣入口處,吸入後進行初步清洗,觀察情況稍為有改善,整體拆開清洗.
但我提議生氣及燃油混合調校螺絲,如果非必要最好不經常調校,因為需互配合使用.