遊艇老友交流站

歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。

如需刊登私人買賣租賃廣告,煩請使用免費買賣/租賃專區
亦歡迎電郵本會 info@hkyacht.com.hk 查詢交換買賣廣告專頁費用

遊艇老友交流
Start a New Topic 
Author
Comment
好開心換左船,但…

好開心換左隻船,係隻二手Sea Ray,船身同部機都ok,不過頗多濕星問題:

1)電錨唔郁
2)油壓呔扭左有扭右冇
3)壓水板時郁時唔郁
4)航行燈、錶板燈全部唔著
5)插岸上電時,一開大制個 Fuse 就跳制 (全部細制在OFF狀態)
6)轉數多過三千五車葉就打滑
7)死氣炮要唔知要唔要換 (經已十年船),所有踭口又要唔要換

各位請大膽暢教,以減少小弟疑慮

Re: 好開心換左船,但…

雖然睇嚟好多問題喎,但係大多數都似係電路方面引起,你自己可唔可以跟吓,睇有冇野ground咗。 我唔係電工,但你可以試吓將有可疑配置既回路逐一拆開後再試。有時候回路同地線接上後點都打唔起,但依個情況好少發生。

Re: 好開心換左船,但…

電錨唔郁我試過 , 燒摩打 , 拆出新填地街修理收 $200
冇油壓呔又試過 , 威也積死 + 漏油壓油
航行燈唔著都試過 , 電線硬化 + 燈泡腳積青銅 ...

少用少保養就係咁咯

Re: 好開心換左船,但…

多謝二位意見,但NK兄,你個油壓呔最後點樣搞番掂?

Re: 好開心換左船,但…

澳門個林茂塘艇會都好靚喎,你隻艇係唔係泊在那裡?是Sea Ray的什麼model呢?若果十年船齡已經咁,上手有幾好保養可想而知呢。如果一開大掣就跳,你個shore power transformer好有機會有問題,分分鐘會火燭。其他的都可以慢慢跟番正。但最好overhaul部偈,換過晒D電線和gasket。我聽講有人將隻船交斗門的船廠修理(不過唔知點計),你有無考慮過一次過搞,以後就一勞永逸。自己做都得,但係先要考慮自己想玩project boat,定係出海玩水先。

Re: 好開心換左船,但…

NK兄:
請提供新填地街摩打專科地址及電話,以作不時之需。 謝謝!

Re: 好開心換左船,但…

多謝熱心朋友既意見,我隻係sundencer25。上手好少用,不過泊水,大部份既野我唸都係 "AU" 壞多。

Re: 好開心換左船,但…

Sundancer話晒都系出名門,唔應該落得如此收場,不如聯絡番香港的代理,搵人check check,打打價,大事交畀人做,小事自己做番,一次個整靚佢。這樣的高檔貨,執番正,自己再定時定候做足保養,起碼可以玩多20年,分分鐘有還錢賺添。我隻艇玩了十幾年,最後都賣得番買入價(當然未計後來添置的設備啦)。所以最好盡快執正佢。自問只會做保養,不懂大修。

有時買艇比考牌更難。

Re: 好開心換左船,但…

澳門船友兄,你好

我有時來澳門都沒有致電話給你,非常抱歉,其實好想坐你在澳門的船,你過來香港就試下我的爛快艇...
歡迎呢

今年賽車如同以前,我都會來澳門看的

大家聯系.....

Re: 好開心換左船,但…

澳門船友

去年我也買了架Searay Sundancer 240,也有類似問題,主要原因是電線老化,要解決此等問題,更換所有電線。要更換所有電線最好上marineengine.com order你隻船engine既電路圖。

以下是我隻船類似問題及解決方法以作參考:

1. 電錨唔郁:check fuse,如果fuse OK,就重新拉線。
2. 油壓呔:呔盤位有入油位,check 有沒有油,另外近engine 位 有呔油泵,check 有沒有油。Volvo Penta engine 有1條轉數皮帶帶動油壓泵,有機會蝕到太幼,需更換。
3. 控制壓水板有一個油泵,check 有沒有油,如果有油OK,有機會係索制有事,更換索制。
4.航行燈,錶板燈:check Fuse 及燈泡,有機會電線老化,亦有機會係fuse box 接觸不良,起塩花。
5. 插岸線9成已接地,即漏電,所以跳制,需重新拉線。
6. 唔明甚麼叫打滑。
7. 死氣炮應可以不換,換踭口比較大工程,建議換機油、油格、風格、turbo氣格等。你部機係油渣還是電油。

希望以上能幫到你。good luck!

Re: 好開心換左船,但…

多謝各位熱心幫忙,先前的問題已全有答案,如下:

1)電錨唔著,因為個摩打嚴重被腐食,連答線條咀都斷埋。
2)拾岸電跳制,因為用黎安裝三色線既版受潮過電,導致斷路。 (原來木都會過電,仲會導致跳制,真估唔到)
3)風油呔原來因嚴重老化被cut左,須重配一份。 (唔知有冇兄台知幾錢)
4)航行燈,錶版燈唔著應該係接觸不良,用WD40已搞掂。
5)elbow raiser等已折出檢查及更換 "爭" 口,睇黎仲幾新淨,安樂晒。
6)車葉打滑情況嚴重左,以前3500轉先出現,而家3100轉已打滑,相信要換左佢。但有一問題,隻車葉折出黎後搵唔到有 size 刻係上面,乜字都冇,唔知點配,各位有否良策???

但近日run機有新問題出現,就係行船途中間中會出現 la la 聲,唔知係唔係由隻極度老化既車葉發出,各位有否同一經驗。