小弟有隻登件裝有一部40匹船尾机，因近排忙所以一輪無車，當再車時見部机chok, chok 下，打開見到火咀綫近火咀駁位燒熔咗，跟住從新接駁行慢車到七八成油都ok，但全開時發覺部机都有chok, chok 下，到底是甚麽問題，會不會是車業打滑，因隻車業以經好舊，同埋因好耐無車，艇底生咗好多叔.

試吓換火嘴及檢查油路,化油器是否淤塞,長時間無運行應該進行迨速暖機一段時間,使各活動部份足夠潤滑,方可進行高速運行.(記得觀察運水及機身熱量)

小弟近排都算黑，另外隻登件之前挷得吾好，打大風時部船尾机可能和隔籬大船撞到，難咗吾知仲車出去，結果返來時成部机飛咗落海無咗...
回正題，已更換火咀和撿查油箱至化油器中間的油路，另外机身熱度及運水正常，止欠化油器未睇(已試過噴大量WD40入去)，吾知難吾難拆呢，最怕拆完裝吾返，另外車業舊和打過垃圾係咪會打滑，同埋有甚麽現象可以發現，如果真係打滑，係咪換新車業就得，多謝mkc大哥指教.

如果想CHECK下車葉有無打滑
可以關掉引擎先,跟住埋波
用腳向右轉下車葉,睇下有無卡住,如果卡住就正常
但埋左波都轉到,可能波箱牙有問題,或已打滑
拆開車葉軸條PIN,拆出葉出黎,入面有個黑色套筒
如套筒內壁坑紋受捐,即打滑!

Thank a lot, TY