大家是否試過暈船浪經驗,最近有一則笑談,話說早幾日剛剛台灣颱風過後,環流影響香港期間,我需夜航往大浪西灣處理行動,時吹東風約四至五級捲起長湧,浪高約4米,同行有二隻船,一艘45呎快船,一隻24呎快艇,她們先到達現場,當我到達時經無線電通訊,說船上有部份人員嚴重暈船浪出現休克,要求上我船暫避.因我船較大120呎可能比較好些.
無奈其實大船拋大浪,細船過浪頂,情況相差不大．
批准要求，停船等候，當快船接近時見到在人己急不及待站在船船頭，掙取時間逃離苦難，到差不多到達時突見他，口噴白泡，噁吐物被風吹回，滿面滿身連附近人員到沾染，面青口肓白，奈何兩船互拋此終未能過船．為有請回船倉內．
避免嚴重船，胃抽筋，他們己不能工作，祗可指示她船往西貢內港暫避，情況不不好轉，為有回航，但他們怎樣都不肯再乘船回航，為有往水警基地，叫救護車載回．
其實現場環境我船情況都不十分好，船隻好似海盜船般，離心力加上左右搖擺，都幾辛苦船上都有多人暈船，但都尚可．
根據經驗，如果身體狀態不佳，睡眠不足，又或飲糖份高飲料，如奶茶咖啡等特別容易暈船浪．
如果出現暈浪跡象，可以將集中力注意在遠處，坐在通風位置，不要隱耐噁吐，盡量說話分散注意，可能會好些．
講真細細聲說你知，雖然我行船30幾年，有時都會不甚舒服甚至還會暈船呢，通常噁完無事，所以請不要難為情呢．

難得mkc老前輩咁坦誠分享佢個人既事，真係值得敬重！ 講起暈船浪我都算數一數二囉，哈哈。 基本上我真係由細嘔到大，都算係經驗豐富囉，以前無論坐船、坐車，甚至聞到果啲機油都忍唔住會嘔。兒時有一次因為要搭車入香港仔，未上車前心理壓力太大已經驚到成餐飯嘔返出嚟。
總括多年來既嘔吐經驗(真係羞家)，心理、生理因素可以算係50/50，因為每個人天生耳水平衡程度不同，有些人會比較容易暈眩，但經過訓練之後會有好大改善，但當時心理、生理和集中力狀況都會有好大影響。例如心情興奮和刺激都會令人處於亢奮狀態而令意志集中，處於驚濤駭浪都心平如鏡。 相反心情沉重而只集中注視目前環境和難處，小許風浪雙腳都站立不穩。
以往我有一位朋友於97年前當華藉英兵，按他形容當時所駐守的軍艦頗大，但出到公海後就仿如一根牙簽在海上飄浮，左右搖擺三十度，重心越高相對就越擺動得越利害。每次當他在五、六樓高的塔頂駕駛室當值時都例必帶備痰桶；他一手把握扶手，一手把握痰桶，多年來都如是，隨時隨嘔，不論官階大小都敵不過自己身體的上限，但嘔了出來真的會舒適一點。
我還記得94年跟朋友到塞舌爾探親順勢出海釣魚，當出了環礁後就知道錯了，之前芭堤雅風光在背後消逝，眼前是印度洋的巨浪，心裡打量幾小時後回來還能保命嗎？ 但很奇怪，雖然當時驚濤駭浪，但因為用二百磅手線釣到重百餘磅劍魚，就好像當年浪琴表廣告一樣場面，顧得興奮都忘記嘔了多少次，回想嘔多幾次都是值得。 (當地魚民從少便把嬰孩放在搖籃用繩吊起來fing以訓練抵禦風浪)
至於止嘔良方，除了mkc提出的方法外，出海前最好少飲奶類飲品、做船長比乘客好一點，因為精神和視力會集中於駕駛上。至於開始感覺反胃時，越諗會嘔就會越想嘔，忍唔住就唔好忍，寧願嘔了以後再玩過好過屈住響度掃興，是嗎？ 暈浪丸和耳背貼其實作用不大，對平衡耳水沒有很大改善。

MKC兄, 好耐冇見,幾時出來吹下水呀.

WQK大哥:
最近新開航海訓練班,所以比較忙,未能約你們一聚,我隻船三個幾月都未開過,左右螺旋槳內保護套件損壞,右車電器損壞,操控綱纜膠著,都未有時間維修,下星期海上救援課程完結後或可抽空,再聯絡.

早排東風初起班學員已經頂唔順,下星期是小艇課程,高速迎浪/順浪航行,搶灘,海面搜索,海中救援,拯救遇溺,大風浪航行等等,睇睇佢地點死,嘔到七彩.之後又海上逃生課程,好在我唔使落海,指手畫腳即可.如果唔係都取我老命.

你是否知道甚麼是冰火兩重奏.遲些說給伙知感受,唔好想去曳曳,正經的.

MKC兄,如果呢D班係可以開放俾公眾參與就正啦.

暈船除了自己辛苦，還會影響他人的玩樂心情。話說有次在唔夠狀態下出海，份早餐頂番上喉嚨，於是想去把把舵，找些細藝，誰知給掌舵的友人斷言拒絕，因為他早已連宵夜都吐了。後來船上一位前輩提意我挺直腰坐，好似不倒翁咁，隻船側左自己就側右，同個水平面垂直。果然玩了一陣，好番晒。後來我試過唔一定要坐定，放鬆膝頭企直做一樣得。各位不妨試試。

有一次剛剛上完排渣隻船去較車.由港島經橫欄去蒲台,途中風浪都唔算大,嗰時啲船無而家咁好,行得嗰12/3浬,駕駛極困難,舦又唔聽駛,當有浪時左轆右轆,行行吓會自動調頭,打幾個圈先至控制到,類之難渣呢.
話返轉頭,當隻船出咗東龍島轉綠火,即時受橫浪,轆轆吓酊車死火,即刻去車房睇睇,點知橫浪行唔到出去,一開門啲浪打入舦,無法為有爬舦房後尾窗經煙通邊至由車房頂窗爬入車房,浪又大都幾危險,到車房後因為跼實唔十分通風空氣較差又油渣味,已經頂唔順,點呀都要死頂,咁咪一路嘔一路檢查,原來副大車冷卻乎統因為轆得緊要,嗰水泵入咗氣成氣鎖,所以高熱死火,渣個士巴拿去放氣,人又放氣嘔幾吓,髹幾吓,暈到螺絲都睇唔到,用手去摸,另一隻手去鬆螺絲,幾經辛苦都算開返副大車,天旋地轉坐在車房口,腳步梁浮點樣返舦房,最後都倒返去,成身軟晒,周身淤,又比死氣喉燒傷,嗰日嘔到黃膽水都出,無法啦食呢行飯係咁架啦,忍耐忍耐明天會更好.

WQK兄:
如有興趣可都可以教你,祗要唔怕辛苦便可以.口述或實習皆可,簡單因為課程是由我編排.但實習要選合適船隻,不能用訓練船.

MKC兄,有你過料,梗係X飯應啦,理論加實戰就最好不過喇! :P

有mkc指教既小艇航行課程真吸引，我都想參加可惜不對外間開放，講到暈船我以前試過連黃膽水都嘔埋出來，仲要嘔好多次，要人地車埋街(島)四隻腳爬上去，企都企吾到，直至坐船坐得多少少，近年才好啲

MKC,
我都好有興趣參與你既駕駛實習課程!

暈浪我就真係好耐都未試過了, 個個星期出海, 可能已經有少少免疫

mkc 兄:
我都好有興趣參加你既駕駛課程,可以嗎?

mkc前輩的描述真係生鬼又全神。看著簡直身同感受。如果有碌浪班，請預埋我。

依….開班呢個題目係度講可能會有人好敏感. 我都係直接聯絡MKC兄好D.

有幾敏感呢！mkc前輩都無提過要牟利。如果我估錯，就寄D詳情到在下個電子門牌啦！

話明依度係交流既地方，又點會敏感呢！ 一個真正有需要付費上課而獲得牌照既服務使用者，唔係一下子交流吓就可以攪得掂，除非自己付出額外努力，所以咁又點會搶到人地生意呢！

各位請不要誤會WQK兄所言是不能開海上拯救課程之已,但各位如有興趣海上航行課程應該無問題,而我本著以船會友精神,費用全免但未有合適船隻進行訓練,假如各方好友能借出船隻可安排,油費及當日所用開支大家全部分擔包括本人,但是此網站內己有航行訓練課程,未知是否會對網站有所影響呢，都是要考慮一列．

前時當我渣隻大小小船出海,見到同行小艇,三米高衡浪要求,苦不堪言,不忍目睹,聞者修心見者流淚,上上落落左搖右擺,當每次進入浪坑時我都擔心萬分,但上浪頂時與我船同高,無他希望他們快些成長,對機械對船的了解,對自己有信心,男子漢不懼風浪勇往直前,為民請命拯救水深火熱中.此種滿足興使命感,永不磨滅,(好似我咁)老時尾尾道來,豐盛人生.細細聱說給你知識女仔唔唔...
有一次:我參與一次測驗時(40浬)全速行駛,學員在過浪頂時,他沒有準時收慢車速,初初無問題,再行前些時浪開始大,一不留神一個3米高浪迎面而來,我大叫捉實,隻艇向下滑時產生強大離心力,好似做掌上壓般雙腳離地而起,幸好我當時捉緊扶手,他哈哈頭盔飛脫撞到個頭頭,面撞淤發青一星期未消,手腳有小小傷痕洗澡時便知.

有時半斤唔好笑八兩,見到佢咁回航時一直都唔敢笑,比小小面佢好言相向,最多返回房後捧腹大笑.
話說墦返航回基地後,同事門大吃一驚,我說他很勇敢如此這般,其實大家都知發生什麼事啦,問當時感覺怎麼樣,當雙腳升起時心裹點想,隻艇撞浪底時,撞擊力點樣,隻艇反應又如何,種之問題多多,初時他面有難色,認真而渴求態度打開心霏,無他想知多些,好事投入工作找尋心得.

所以當其他人說話時未合自已心意時,想想或者佢是唔識怎樣表達,又或者好似我咁詞不達意,即如我經常寫錯字,言者無心聰者有意,退一步海闊天空,言語間出現衝突咁又可必呢,否則那人再敢發表發問呢.容忍他人是一種美德.

好似上述事情,祗要大家取出真誠,問題會即時解決.睇開些吧香港人.

有些事唔好怕淤,淤事說了出來,如果大家有同感,開心交流.

唔知大家有無試過大風浪快艇出海後,個人會變成怎樣,風起浪湧,浪浪上倉,如果在船倉內你一定不會感受到.
當浪打上時小艇駕駛者,全身濕透,透心涼,寒風刺骨,無孔不入.手腳發硬不能操作自如.
頭髮沾滿咸水,風乾後好似龍球主角般髮型,條條企起身.
風吹入眼,淚水乾涸刺痛,兩眼發青光,呆滯,無神,眼定定.
身體移動時,冷冰冰衣物貼身特別難受,加快體溫流失.
鬍鬚特別快生長.
上峷後全身一片白茫茫,身體疆硬.
一葉孤舟對抗大自然,此時你會發覺一杯熱飲渴求,溫暖家床,友情可貴.

此乃冰火之冰.下次再講冰火中的火,水深火熱之火.

mkc,你啲火去咗邊處呀，我地都急到着火啦.......

kakit:
唔舍你有試遢過進出冷熱間之感覺,船機艙內往往溫度違40度,經一段時間後出去甲板面,溫度即時下降至幾度.
當我們進入火中工作溫度可達至300度或以上,滅火水源另你全身濕透,當出來溫度之嚴重差異,特別在冬天海上低度加冷風迎面吹來,好似燒紅鐵即時放在水中冷卻般,極容易另你身體吃不消呢.靜靜地說給你知好辛苦.

從事海上拯救要挨更抵夜，日曬雨淋，於極度惡劣天氣和環境下工作，實在值得令人敬佩