有冇人試過出海遇颱風,跟大自然搏鬥
一定好刺擊

未試過，唔想試！
分分鐘瓜柴！

香港境內，5-6級風駕快艇由印洲塘回到西貢，已經想死，open boat，一個浪打入船，就分分鐘反，隻船上晒浪，由頭濕到落腳，20零呎快艇，對著2-3米高的浪，平安到西貢經已萬幸！

打風時漁船都回港；南海遇颱風？作好求救心理準備，或是祈定禱 :)

號稱水電界的，一定記得以下則舊聞。
http://64.62.138.84/b5/6/5/7/n1310821.htm
英雄背後那首over top都係就咁從香港去到台灣。無0野係唔得的。問題係自己有幾多料。懂得知進退。事前計劃好，Plan A 唔得就Plan B。還要作好最壞打算。但只是蠢人才會刻意出海和颱風搏鬥，分分鐘仲累埋出來救你的人呢。

Sorry,打錯了字，應該係open top至真。

同大自己搏鬥，幾大隻船都死
http://www.msnbc.msn.com/id/22028233/displaymode/1107/s/2/framenumber/1/

呢個時候,只有神可以幫到你...大海係無情,吾好睇輕佢呀...

咁又未必一定要坐以待斃的。生存機會可以取決於自己船位和颱風中心的相對位置，距離，船速和船本身的設計。玩off shore的朋友就一定知什麼是navigable semicircle。這就是為何颱風將要迫近時，有些大洋船就會馬上離港，往大海避風了。他們並不是刻意出海找死的。今時今日資訊發達，無人會蠢到唔睇天氣報告就開隻舢舨去南海打魚掛！

終於有個似樣答案.....
我出廟灣就有4級風都諗下先
細風時真係上船都易D :P

最近較忙無時間都寫幾隻寫,Seaworthiness兄所講甚是,較大噸位外洋貨柜船隻在香港卸貨時遇上颱風都會離開香港,往較水深地區迎風,避免香港水深不足出現淺水效應引起危險.
所有船隻設計時均會計算出,可以抵抗幾多級風力及對坑浪高能力,再配合優良航海技術及個人判斷力,實際在海洋中是安全的.
即如Seaworthiness所講及颱風中的可行半徑及安全半徑航行法,無往而不利.
至於幾大隻船都有極限,大自然力量是不可衡量,過於高估自己能力往往造成意外成因.常掛在口邊意外事件並不是單獨一個錯誤即導致,通常都是好幾個以上錯誤而不去或不知去糾正而引起的.
何謂可行半徑及危險半徑呢.
記得今年香港幾個颱風襲港時,距離香港浬程相若,但方位不同,香港受風情況完全不同,那便是香港處於颱風位置之航行半徑範圍不同影響,而市民不知情理說天文台之不是.
二級船長航行執照考題中的可行半徑及危險半徑航行法,請咨詢你們的導師吧.

我本人都試過在天文台發出8號東北時,在南澳執勤回港途中已改掛九號風球,現在都可以同大家談話呢.如有幾會再詳談.
咁是否知道十號風球定義是怎樣制定呢.

漏字避免引起誤會應為
本地航海二級(營業)船長航行執照考題