本人欲以自修生名義去報此牌,想問下如果我買海x家出果本精讀,夠唔夠呢?如果呢本唔太好,有冇其他推唔介?唔該你們

如果個個淨係買本海x家出果本精讀就搞掂，重有人上堂o既?睇o黎你呢百廿蚊"dump"o左落鹹水海喇。香港出呢類書有3本，用黎考試係唔得架(做reference又唔夠料 -> 所以我講係無用o既 ，要上堂同埋做試題(要update果D, 因為而家D試題同以前係有好大分別 做到唔明就問，一知半解比你考到又如何? mkc 成日話傾囊相授，你地班o野都唔搵，專門走捷徑搵埋D乜書物書，或者係借十九年前既試題晒時間同埋晒錢，徙晒佢一番苦心。

哦,但我想試下自修先,有咩資料可以讀家?

我都係自修考到的，你睇住佢個syllabus，自己去圖書館借D書睇睇，唔明就問問D高人。但千萬不要考中文卷，我當年衰第一次就係選答大偈中文卷，點知睇唔明佢地D題目，佢地有時會用一D連台灣書或大陸書都唔用的本地術語。例如曲軸（crankshaft），佢居然叫「格蘭濕」！真係抓爛個頭都唔識。後來有高人指點我考番英文卷，one take OK！自己未夠料唔識就抵死，但連題目都睇唔明就太過份了。或者上課交了學費，D導師就教晒兩文三語答題技巧，咁又一剔OK都唔定。現在二合一，好淺的，試試自修先，成就感大好多架。唔掂先至考慮飲雞精啦。

係, 而家改左制後, 淺左好多. 我上月考都搞掂了.
買本書讀熟佢, 要拎8成以上唔太難. 祝你成功

首先多謝你們先,我想自修先,但是我想問下有邊本書for自修係最好呀?或者你們自修是買邊本書,這樣可以給我參考一下~

本人最近考取遊樂船二級操作員牌,現可比小小意見師兄,這個牌分別有船主和大偈兩部份,我覺得船主部份自修還可以,大偈還是上堂同埋做試題好D

我諗住報工聯會操作員乙部課程，有冇人知道好唔好呀？

我很久以前都是讀工聯會的，一次ok。但識唔識開船就......

這個便是制度的問題，但你無牌，就算識都唔玩得，有牌就會積極搵隻船仔玩玩，玩得多就自然得心應手了。因為你有牌嘛。總好過無牌駕駛，出了事誤己誤人（因為無晒保險）。

我有1級牌照有甚麼可以幫助你，很易考的!

船務不是你說的讀了就算，我問你船的燈飾你讀了都未必答到。有時間我可以幫助你的，因為我也在海軍服役過。我現在也是航海的，和你交個朋友喇!

如果就甘讀無認真有實戰和真才實料會害死人，我救個無數海上生命。都是因為考牌得過且過就算，請尊重航海的神聖事業。

師兄不如大家研究下
我看完兩本王子,大偈部份真係好多唔識,又唔知借咩事好..唉
大鋼已print出來
去過圖書館書又不多

如果本書睇完都唔明，不是你有問題，而係本書唔預你用來self study遮。賣本書給你，你就唔使去上佢堂，無人會咁樣做生意囉。大會堂圖書館就有幾本英文 boat engines的書，幾好的，舊就舊D，不過考二級就more than enough 啦！

Paul兄，以下有一網頁極適宜自學，若能答對所有題目，那麼Rules of the road應該難不到你了。

http://www.sailtrain.co.uk/Irpcs/

唔該,我現在上緊乙部堂,都幾好。甲部都係選擇自修,但都係缺乏筆記,唔知各位師兄有冇筆記可借給我?

本人都是自修船主和大偈
船主比心機去溫習問題應該不大
反而大偈就比例困難
小弟考了兩次都只能取得汽油船內機合格
(幸好新法例下變了二級操作員)

行船跑馬三分險
合格了取得船牌都只是一個開始
跟駕車一樣 一開始都要有經驗人士一起
不要勇字行頭 最後危害大家生命

共勉之

建議上課，船主自修應可，大偈上課有幫助，考試有考試的要求，光自修未必符合，小弟船主自修，一次通過，大偈自修，点知衰咗，上課後才了解考試要求。
考了船牌，不代表懂開船，小弟先買了一19呎舊船，並向前輩虛心請教，曾因入錯波直飛碼頭，航海有風險，需增加知保曳安念全

師兄,請問
1.有冇香港中文網頁,我將會考遊樂船二級操作員考試的
甲部和乙部.
2.我可以從那裏借到該類書?因為我上圖書館借書網,打"遊樂船二級操作員",結果是甚麼都沒有呢?

所以在此賜教.

除教授遊艇的私人公司外，外界暫時只有出售舊遊艇牌照的參考書。舊牌照的參考書與現時的分別不大，唯部份法例改變及機械部份更加嚴格。這類書可向商務、大眾查詢。