遊艇老友交流站

歡迎閣下在此分享任何與遊艇活動有關的項目,包括考試技巧、駕駛經驗、機件維修、購物情報及最佳景點等資料。所有討論文章及相片必須與遊艇活動有關,而且禁止含有不雅、誹謗、誤導及商業推銷成份。所有言論內容,本會絕不負責,並且有權隨時刪除而不作任何通知。

如需刊登私人買賣租賃廣告,煩請使用免費買賣/租賃專區
亦歡迎電郵本會 info@hkyacht.com.hk 查詢交換買賣廣告專頁費用

遊艇老友交流
Start a New Topic 
Author
Comment
我想買隻幾萬蚊既ニ手帆船.希望各位師兄幫下我

帆船23-25 size

Re: 我想買隻幾萬蚊既ニ手帆船.希望各位師兄幫下我

Chan兄問:「我想買隻幾萬蚊既ニ手帆船....有冇咩好提意??(4-5萬左右la)
仲有想問買ニ手帆船有咩注意?例如要買幾$$保險
仲有邊度岸上泊位平??
係未有Dニ手艇包埋泊位??(係咪一世任泊)
保養隻船要做D咩架?? 」

小弟都是玩開帆船的,對於買二手艇都略有認識。買艇前首先要搵泊位,相信從來都無人可以保證給你「一世任泊」,有都唔好信。至於要泊得上岸廿零呎的船種選擇亦不多,因為條keel一定要升水。例如用swing keel的Macgregor26 (http://www.cjenehyachts.com.hk/)和 用hydraulic jack 的First 27.7 ( http://www.beneteau.com/en/sailboats/produit.aspx?GAM_CODE=&PRO_CODE=19 )。前者新船(sail away price)約HK$210,000,後者接近1M。

如果隻艇保養得好,一般都不會低於她當年新船時買入價的一半。以一般over 30呎的帆船為例,一隻保養得好的,至少都值廿零三十萬。若然你看到一隻30呎艇只賣十零萬,這即暗示你可能要貼多十零萬落去翻新,即是project boat或者你不介意冒險玩一隻殘船。殘船不單是外觀殘舊,而是結構有問題,比起機動艇危險很多。斷keel、斷桅或斷wire分分鐘搞出人命喔。

不妨看看以下的台灣網http://www.taipeisailing.org.tw/boatclass/boatclass.htm


至於保養就和機動艇差不多,但還要注重船上的索具和帆的定期檢查。

舊船一般只要買第三保(約三千蚊一年),但要注意受保範圍,有些broker為了銀碼好睇,會同你出份只能滿足海事處出牌的最低要求(即只賠傷亡)。若然一時大意撞爛人家隻豪華遊艇,就一身蟻。船齡太舊的船,保險公司可能要求提交保養紀錄才會受保的。

你可以到各大艇會看看有無帆船出讓,和買本Fragrant Harbour看看。

仲有邊度有ニ手帆船網. 希望各位師兄幫下我

請問各位師兄帆船22-25呎. 沒有船內機.要唔要二級駕駛牌.要唔要買保險.希望各位師兄幫下我

Re: 我想買隻幾萬蚊既ニ手帆船.希望各位師兄幫下我

玩得二十幾呎的帆船是要有二級遊樂船操作人的牌照,而且最好有玩過小型帆船的經驗,因為帆船比起機動船的操作要多一些技巧及微調.
最簡單風向及水流對帆船的航向已比機動船大很多.